ബോളിവുഡ് സൂപ്പർ താരം സൽമാൻ ഖാനെ നായകനാക്കി പ്രഭുദേവ സംവിധാനം ചെയ്ത പുതിയ ചിത്രമാണ് ദബാംഗ് 3 . വലിയ ഹിറ്റുകൾ ആയ ദബാംഗ്, ദബാംഗ് 2 എന്നിവക്ക് ശേഷം സൽമാൻ ഖാൻ ചുൾബുൾ പാണ്ഡെ എന്ന മാസ്സ് പോലീസ് ഓഫീസർ ആയി എത്തുന്ന ചിത്രമാണ് ഇത്. ഈ വർഷം ക്രിസ്മസ് റിലീസ് ആയി എത്താൻ പോകുന്ന ദബാംഗ് 3 യുടെ ഒരു കിടിലൻ മാസ്സ് ട്രൈലെർ ഇന്ന് റിലീസ് ചെയ്തു കഴിഞ്ഞു. വമ്പൻ പ്രേക്ഷക പ്രതികരണം ലഭിക്കുന്ന ഈ ട്രൈലെർ ഗംഭീര ആക്ഷൻ രംഗങ്ങൾ കൊണ്ട് സമൃദ്ധമാണ്. ആക്ഷന് ഒപ്പം കോമെഡിയും നൃത്തവും റൊമാന്സും എല്ലാം നിറഞ്ഞ ഒരു ഗംഭീര ചിത്രമാകും ദബാംഗ് 3 എന്നാണ് ട്രൈലെർ നൽകുന്ന സൂചന.
സൽമാൻ ഖാൻ, അർബാസ് ഖാൻ എന്നിവർ ചേർന്ന് നിർമ്മിക്കുന്ന ഈ ചിത്രം രചിച്ചിരിക്കുന്നത് ദിലീപ് ശുക്ല, അലോക് ഉപാധ്യായ എന്നിവർ ചേർന്നാണ്. കന്നഡ സിനിമയിലെ സൂപ്പർ താരമായ കിച്ച സുദീപ് ആണ് ഈ ചിത്രത്തിലെ വില്ലൻ വേഷം ചെയ്യുന്നത്. ഇവർക്കൊപ്പം സോനാക്ഷി സിൻഹ, അർബാസ് ഖാൻ, ടിനു ആനന്ദ്, സായി മഞ്ജരേക്കർ എന്നിവരും ഈ ചിത്രത്തിലെ നിർണ്ണായക വേഷങ്ങൾ ചെയ്യുന്നു. സാജിദ്- വാജിദ് ടീം സംഗീതം ഒരുക്കിയിരിക്കുന്ന ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് റിതേഷ് സോണിയും ഛായാഗ്രഹണം നിർവഹിച്ചത് മഹേഷ് ലിമയേയും ആണ്. ഒരിക്കൽ കൂടി സൽമാൻ ഖാൻ ചുൾബുൾ പാണ്ഡെ ആയി എത്തി ബോക്സ് ഓഫീസ് റെക്കോർഡുകൾ തകർക്കും എന്ന് തന്നെയാണ് ആരാധകരുടെ പ്രതീക്ഷ.
ധ്യാൻ ശ്രീനിവാസൻ, ധ്രുവൻ, അനീഷ് ഗോപാൽ, അഭിഷേക് ശ്രീകുമാർ, ശ്രുതി ജയൻ, നയന എൽസ, നൈറ നിഹാർ, അർച്ചന വിവേക്…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രം 'ജി.ഡി. നായിഡു' എന്ന സിനിമയുടെ പ്രചാരണത്തിന്റെ ഭാഗമായി, ചിത്രത്തിൽ ഉപയോഗിച്ചിട്ടുള്ള…
മോഹൻലാലിന്റെ മകൾ വിസ്മയ മോഹൻലാൽ അഭിനയരംഗത്തേക്ക് അരങ്ങേറ്റം കുറിക്കുന്ന ‘തുടക്കം’ എന്ന ചിത്രത്തിന്റെ ട്രെയിലർ പുറത്തിറങ്ങി. ‘2018’ എന്ന മെഗാഹിറ്റ്…
ആർ. മാധവൻ നായകനാകുന്ന 'ജി.ഡി.എൻ' ഓഗസ്റ്റ് 7ന് തിയറ്ററുകളിലെത്താനിരിക്കെ സിനിമയുടെ അണിയറപ്രവർത്തകർ പ്രേക്ഷകർക്കായി പ്രത്യേക മത്സരം പ്രഖ്യാപിച്ചു. നിർമാതാക്കൾ പങ്കുവെച്ചിരിക്കുന്ന…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ബയോപിക് ചിത്രം 'ജി.ഡി.എൻ' ഓഗസ്റ്റ് 7ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. റിലീസ് തീയതി…
ബ്ലെസ്സൺ എൽസ സംവിധാനം ചെയ്യുന്ന ധ്യാൻ ശ്രീനിവാസൻ ചിത്രത്തിലെ''കൊതിയാലേറെ മതിയാകാതെ പൊതിരെ അനുരാഗം'' എന്ന് തുടങ്ങുന്ന ഗാനം റിലീസ് ആയി.…
This website uses cookies.