അനുപമ പരമേശ്വരൻ നായികയാവുന്ന ബിഗ് ബഡ്ജറ്റ് തെലുങ്കു ചിത്രം; റൗഡി ബോയ്സ് ട്രൈലെർ കാണാം ..!

മലയാളത്തിലെ പ്രശസ്ത നായികമാരിലൊരാളായ അനുപമ പരമേശ്വരൻ നായികാ വേഷം ചെയ്യുന്ന പുതിയ തെലുങ്കു ചിത്രമാണ് റൗഡി ബോയ്സ്. ഈ ചിത്രത്തിന്റെ ട്രൈലെർ ഇപ്പോൾ മികച്ച പ്രേക്ഷക ശ്രദ്ധയാണ് നേടിയെടുക്കുന്നത്. ജനുവരി പതിനാലിന് റിലീസ് ചെയ്യാൻ പോകുന്ന ഈ ചിത്രത്തിൽ വളരെ ശ്കതമായ ഒരു കഥാപാത്രമാണ് അനുപമ പരമേശ്വരൻ ചെയ്യുന്നത്. ക്യാമ്പസ് പശ്‌ചാത്തലത്തിൽ കഥ പറയുന്ന ഈ ചിത്രം വമ്പൻ ബഡ്ജറ്റിൽ ഒരു കംപ്ലീറ്റ് എന്റെർറ്റൈനെർ ആയാണ് ഒരുക്കിയിരിക്കുന്നത് എന്ന് ഇതിന്റെ ട്രൈലെർ നമ്മുക്ക് കാണിച്ചു തരുന്നു. ആശിഷ് എന്ന നവാഗതൻ നായക വേഷത്തിലെത്തുന്ന ഈ ചിത്രം നിർമ്മിക്കുന്നത് ശ്രീ വെങ്കടേശ്വര ക്രിയേഷൻസ് ആണ്. ഹർഷ കോനുഗണ്ടി ആണ് ഈ ചിത്രം സംവിധാനം ചെയ്തിരിക്കുന്നത്. ഇതിലെ ഗാനരംഗത്തിലൊക്കെ വളരെ ഗ്ലാമറസ് ആയാണ് അനുപമ പരമേശ്വരൻ പ്രത്യക്ഷപ്പെട്ടിരിക്കുന്നത്.

പ്രശസ്ത തെലുങ്ക് നിർമ്മാതാവായ ദിൽ രാജുവിന്റെ അനന്തരവൻ ആണ് ഇതിലൂടെ നായകനായി അരങ്ങേറ്റം കുറിക്കുന്ന ആശിഷ് റെഡ്‌ഡി. ദേവി ശ്രീ പ്രസാദ് സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് മധിയും എഡിറ്റിംഗ് ചെയ്യുന്നത് മധുവും ആണ്. ഒരു ക്യാമ്പസ് ഡ്രാമ എന്ന് പറയാവുന്ന ഈ ചിത്രം ദിൽ രാജു, ശിരിഷ് എന്നിവർ ചേർന്ന് ശ്രീ വെങ്കടേശ്വര ക്രിയേഷൻസിന്റെ ബാനറിൽ ആണ് നിർമ്മിച്ചത്. ഹര്ഷിത് റെഡ്‌ഡി ആണ് ഈ ചിത്രത്തിന്റെ സഹ നിർമ്മാതാവ്. ഇതിലെ രണ്ടു ഗാനങ്ങളുടെ വീഡിയോകൾ ഇപ്പോൾ തന്നെ സൂപ്പർ ഹിറ്റുകളാണ്. പ്രേമം എന്ന നിവിൻ പോളി- അൽഫോൻസ് പുത്രൻ ചിത്രത്തിലൂടെ അരങ്ങേറ്റം കുറിച്ചു പ്രശസ്തയായ അനുപമ പരമേശ്വരൻ പിന്നീട് ഒരുപിടി തമിഴ്, തെലുങ്ക് ചിത്രങ്ങളിലൂടെയാണ് തെന്നിന്ത്യൻ സിനിമയിൽ പോപ്പുലർ ആയി മാറിയത്.