നടി ദുർഗ കൃഷ്ണ വിവാഹിതയായി…

വിമാനം എന്ന പൃഥ്വിരാജ് ചിത്രത്തിലൂടെ മലയാളികൾക്ക് പ്രിയങ്കരിയായി മാറിയ നടി ദുർഗ കൃഷ്ണ വിവാഹിതയായി. പ്രമുഖ നിർമാതാവും ബിസിനസുകാരനുമായ അർജുൻ രവീന്ദ്രനാണ് വരൻ. നാലുവർഷം നീണ്ടുനിന്ന പ്രണയ ജീവിതത്തിന് ശേഷമാണ് അർജുന്റെയും ദുർഗയുടെയും വിവാഹം കഴിഞ്ഞത്. ഗുരുവായൂർ ക്ഷേത്രത്തിൽ വച്ചാണ് ഇരുവരുടെയും വിവാഹം നടന്നത് കുടുംബാംഗങ്ങളും അടുത്ത ബന്ധുക്കളും മാത്രം പങ്കെടുത്ത ലളിതമായ ചടങ്ങിലായിരുന്നു വിവാഹം.വിമാനം എന്ന ചിത്രത്തിലൂടെ പൃഥ്വിരാജിന്റെ നായികയായിട്ടാണ് നടി ദുർഗ കൃഷ്ണ മലയാള സിനിമയിലേക്ക് അരങ്ങേറ്റം കുറിക്കുന്നത്. ചിത്രത്തിലെ പ്രകടനത്തിലൂടെ ഏറെ ശ്രദ്ധേയനായി മാറിയ ദുർഗ പിന്നീട് പ്രേതം 2, ലവ് ആക്ഷൻ ഡ്രാമ, കുട്ടിമാമ, തുടങ്ങിയ ചിത്രങ്ങളിൽ പ്രധാന കഥാപാത്രങ്ങളെ അവതരിപ്പിച്ചു. ജീത്തു ജോസഫ് സംവിധാനം ചെയ്യുന്ന പുതിയ മോഹൻലാൽ ചിത്രമായ റാമിൽ ദുർഗ ഒരു പ്രധാന കഥാപാത്രമായി എത്തുന്നുണ്ട്. താരദമ്പതികളുടെ വിവാഹത്തിന്റെ ചിത്രങ്ങളും വീഡിയോകളും ഇപ്പോൾ സോഷ്യൽ മീഡിയയിൽ വലിയ രീതിയിൽ വൈറലായിക്കൊണ്ടിരിക്കുകയാണ്. വിവാഹത്തിനു ശേഷം അഭിനയ രംഗത്തു നിന്നും പൂർണമായും വിട്ടു നിൽക്കുന്ന ഒരു രീതിയാണ് നടിമാരുടെ ജീവിതത്തിൽ പതിവായി കാണാറുള്ളത്. എന്നാൽ ദുർഗ കൃഷ്ണ ഈ കാര്യത്തിൽ നിന്ന് ഏറെ വ്യത്യസ്തയാവുകയാണ്.

വിവാഹ ചടങ്ങുകൾക്ക് ശേഷം മാധ്യമപ്രവർത്തകരെ കണ്ട സംസാരിച്ചാൽ ദുർഗ താൻ വിവാഹശേഷവും അഭിനയരംഗത്ത് സജീവമായിരിക്കും എന്ന് തുറന്നു പറഞ്ഞിരിക്കുകയാണ്. സൗന്ദര്യം കൊണ്ടും അഭിനയം കൊണ്ടും വളരെ ഏറെ പ്രത്യേകതയുള്ള ഒരു താരമാണ് ദുർഗ കൃഷ്ണ. പുതിയ തലമുറയിൽ പെട്ട കലാകാരി എന്ന നിലയിൽ സിനിമയ്ക്ക് പുറമേ സോഷ്യൽമീഡിയയിലും താരം വളരെ സജീവമാണ്. അഭിനയത്തിനു പുറമേ ദുർഗ നൃത്തമാണ് തന്റെ മറ്റൊരു ഫാഷനായി മുന്നോട്ടു കൊണ്ടുപോകുന്നത്. അഭിനയത്തിനും നൃത്തത്തിലും ഒരേപോലെ പ്രാധാന്യം കൊടുത്തുകൊണ്ടാണ് ദുർഗ തന്റെ കരിയർ മുന്നോട്ടു കൊണ്ടുപോകുന്നത്. സിനിമാപ്രേമികൾക്ക് ഏറെ സുപരിചിതയായ താരത്തിന് ചെറിയതോതിലെങ്കിലും ഒരു ആരാധകവൃന്ദമുണ്ട്. താരത്തിന്റെ വിവാഹത്തിനും മുൻപോട്ടുള്ള ജീവിതത്തിനും ആശംസകളുമായി ഇപ്പോൾ സിനിമാലോകത്തെ പല പ്രമുഖരും രംഗത്തെത്തിയിരിക്കുകയാണ്.

വീഡിയോ കടപ്പാട്: Friday Dreams Entertainments