തെലുങ്കിലെ സൂപ്പർ താരങ്ങളിൽ ഒരാളായ രവി തേജയുടെ ഏറ്റവും പുതിയ ചിത്രമാണ് ഖിലാഡി. രമേശ് വർമ്മ സംവിധാനം ചെയ്യുന്ന ഈ ചിത്രം ഇപ്പോൾ അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. എ സ്റ്റുഡിയോയുടെ ബാനറിൽ സത്യനാരായണ കൊനേരു, രമേശ് വർമ്മ എന്നിവർ ചേർന്ന് നിർമ്മിക്കുന്ന ഈ ചിത്രത്തിലെ നായികമാരായി എത്തുന്നത് മീനാക്ഷി ചൗധരി, ഡിംപിൾ ഹയാത്തി എന്നിവരാണ്. ഇപ്പോഴിതാ ഈ ചിത്രത്തിലെ ഒരു അടിപൊളി ഗാനത്തിന്റെ ലിറിക്കൽ വീഡിയോ റിലീസ് ചെയ്തിരിക്കുകയാണ്. അതിനൊപ്പം തന്നെ ഈ ഗാനത്തിന്റെ ദൃശ്യങ്ങളും ഇതിൽ ഉൾപ്പെടുത്തിയിട്ടുണ്ട്. നായികാ വേഷം ചെയ്ത ഡിംപിൾ ഹയാത്തിയുടെ ത്രസിപ്പിക്കുന്ന നൃത്തമാണ് ഈ ഗാനത്തിന്റെ ഹൈലൈറ്റ്. രവി തേജയും ഡിംപിളിനൊപ്പം കിടിലൻ നൃത്ത ചുവടുകളുമായി ആടി പാടുന്നുണ്ട്. ഫുൾ കിക്ക് എന്ന വരികളോടെ ഉള്ള ഈ ഗാനത്തിന്റെ വരികൾ രചിച്ചത് ശ്രീമണി ആണ്.
സാഗർ, മമത ശർമ്മ എന്നിവർ ചേർന്ന് പാടിയ ഈ ഗാനത്തിന് ഈണം പകർന്നിരിക്കുന്നത് പ്രശസ്ത സംഗീത സംവിധായകനായ ദേവി ശ്രീ പ്രസാദ് ആണ്. വളരെ കളർഫുൾ ആയാണ് ഈ ഗാനം ഒരുക്കിയിരിക്കുന്നത്. മലയാളി ക്യാമറാമാൻ ആയ സുജിത് വാസുദേവ്, ജ കെ വിഷ്ണു എന്നിവർ ചേർന്നാണ് ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത്. അമർ റെഡ്ഡി കുടുമുള്ള ആണ് ഈ ചിത്രത്തിന്റെ എഡിറ്റർ. ഒരു മാസ്സ് എന്ററൈനെർ ആയി ഒരുക്കിയിരിക്കുന്ന ഈ ചിത്രം രവി തേജ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ്. ഈ ഗാനത്തിന്റെ മേക്കിങ് വീഡിയോയും ഇപ്പോൾ പുറത്തു വന്നിട്ടുള്ള ലിറിക്കൽ വീഡിയോയുടെ ഭാഗമാണ്.
ധ്യാൻ ശ്രീനിവാസനും ലുക്മാൻ അവറാനും കേന്ദ്ര കഥാപാത്രങ്ങളായെത്തുന്ന 'വള' സെപ്റ്റംബർ 19ന് തിയേറ്ററുകളിലേക്കെത്തുന്നു. ഒരു വള മൂലം പലരുടെയും ജീവിതത്തിൽ…
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
This website uses cookies.