പരസ്യ ചിത്രത്തിലെ ഫഹദ് ഫാസിലിന്റെ മേക് ഓവർ തരംഗമാകുന്നു! വീഡിയോ കാണാം..

തന്റെ ചിത്രങ്ങളിലൂടെ പ്രേക്ഷകരെ വിസ്മയിപ്പിക്കുക എന്നത് ഫഹദ് ഫാസിലിന് ഇപ്പോൾ ഒരു ശീലമാണ്. മലയാള സിനിമയുടെ പുതിയ തലമുറയിലെ ഏറ്റവും മികച്ച നടൻ എന്ന സ്ഥാനം മലയാളികൾ ഫഹദ് ഫാസിലിന് നൽകിയിട്ടുമുണ്ട്. ഫഹദിന്റെ പ്രശസ്തിയാവട്ടെ ഇപ്പോൾ മലയാളവും കടന്നു തമിഴ് സിനിമയിൽ വരെ എത്തിയിരിക്കുകയാണ്. സാധാരണ നമ്മൾ ഫഹദിനെ പരസ്യ ചിത്രങ്ങളിൽ കാണാറില്ലായിരുന്നു. എന്നാൽ ഈ അടുത്തിടെ കേരളാ ഗവൺമെൻറ് നു വേണ്ടി മിൽമയുടെ പരസ്യ ചിത്രത്തിൽ അഭിനയിച്ചിരുന്നു ഫഹദ്. ഫഹദ് ഫാസിലും ദിലീഷ് പോത്തനുമെല്ലാം പ്രത്യക്ഷപ്പെട്ട ആ പരസ്യം സോഷ്യൽ മീഡിയയിൽ വൈറൽ ആയിരുന്നു. ഇപ്പോഴിതാ പുതിയ ഒരു പരസ്യത്തിനായി ഫഹദ് ഫാസിൽ നടത്തിയ മേക് ഓവർ കണ്ടു ഞെട്ടിയിരിക്കുകയാണ് മലയാളികൾ.

സൺ ഫ്ലവർ ഓയിലിന്റെ പരസ്യത്തിന് വേണ്ടിയാണു ഫഹദ് ഫാസിൽ പുതിയ മേക് ഓവർ നടത്തിയത്. അതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറൽ ആയി കഴിഞ്ഞു. ഈ പരസ്യത്തിന്റെ മേക്കിങ് വീഡിയോ ആണ് ഇപ്പോൾ കാണികളെ ആകർഷിച്ചു കൊണ്ട് മുന്നേറുന്നത്. ഒരു പൊണ്ണത്തടിയൻ ആയാണ് ഫഹദ് ഫാസിൽ ഈ പരസ്യ ചിത്രത്തിൽ പ്രത്യക്ഷപ്പെടുന്നത് എന്നതാണ് ഇതിന്റെ സവിശേഷത. നാല്പത്തൊന്നു സെക്കന്റ് മാത്രം നീളമുള്ള ഈ പരസ്യ ചിത്രം ചെയ്യാനായി മണിക്കൂറുകൾ ആണ് ഫഹദ് ഫാസിൽ അധ്വാനിച്ചതു എന്ന് വ്യക്തമാക്കുന്നുണ്ട് ഇതിന്റെ മേക്കിങ് വീഡിയോ. ഏതായാലും വൈറൽ ആയി മാറിയ ആ വീഡിയോ നിങ്ങൾ കണ്ടിട്ടില്ലെങ്കിൽ ഇതാ ഇവിടെ കണ്ടു നോക്കൂ. ഫഹദിന്റെ മേക് ഓവർ കണ്ടു നിങ്ങൾ ഞെട്ടിയിരിക്കും എന്നുറപ്പാണ് .