പ്രിയ വാര്യർക്കിഷ്ടം ദുൽകർ സൽമാനൊപ്പം അഭിനയിക്കാൻ..!

ഇപ്പോൾ സോഷ്യൽ മീഡിയയിലെ ചർച്ചാ വിഷയമായ നടിയാണ് പ്രിയ വാര്യർ. പ്രിയ അഭിനയിച്ച സിനിമകൾ ഒന്നും തന്നെ പുറത്തു വന്നിട്ടില്ല ഇത് വരെ. പ്രിയ ആകെ അഭിനയിക്കുന്നത് ഒരു ചിത്രത്തിൽ മാത്രമാണ് താനും. പക്ഷെ ആ ചിത്രത്തിലെ ഒറ്റ ഗാന രംഗം കൊണ്ട് തന്നെ ഇന്ന് സോഷ്യൽ മീഡിയയിലൂടെ ലോകം മുഴുവൻ പോപ്പുലർ ആയി കഴിഞ്ഞു ഈ നടി . ഒമർ ലുലു സംവിധാനം ചെയ്യുന്ന ഒരു അഡാർ ലവ് എന്ന ചിത്രത്തിലെ മാണിക്യ മലരായി എന്ന് തുടങ്ങുന്ന ഗാന രംഗത്തിലൂടെയാണ് പ്രിയാ വാര്യർ സോഷ്യൽ മീഡിയ സെൻസേഷൻ ആയി മാറിയത്. വെറും മൂന്നു ദിവസങ്ങൾ കൊണ്ട് രണ്ടു മില്യണിൽ അധികം ഇൻസ്റ്റഗ്രാം ഫോള്ളോവെഴ്സിനെ ലഭിച്ച പ്രിയ ലോകത്തു തന്നെ ഏറ്റവും കുറഞ്ഞ സമയം കൊണ്ട് ഏറ്റവും കൂടുതൽ ഇൻസ്റ്റഗ്രാം ഫോള്ളോവെഴ്സിനെ ലഭിച്ച ആളുകളുടെ പട്ടികയിലും ഇടം നേടി കഴിഞ്ഞു. ഇപ്പോൾ ഇതാ ദുൽകർ ഫാൻസിനു സന്തോഷം പകരുന്ന വെളിപ്പെടുത്തലുമായാണ് പ്രിയ വന്നിരിക്കുന്നത്.

ഒരു റേഡിയോ ചാനലിന് നൽകിയ ഫോൺ ഇൻ അഭിമുഖത്തിൽ പ്രിയ പറഞ്ഞതെന്നു, മലയാളത്തിലെ ഇന്നുള്ള യുവ താരങ്ങളിൽ ദുൽകർ സൽമാന്റെ ഒപ്പം അഭിനയിക്കുക എന്നതാണ് തന്റെ ഏറ്റവും വലിയ സ്വപ്നം എന്നാണ്. ഏറ്റവും വലിയ രസം എന്തെന്നാൽ മലയാളത്തിൽ നിന്ന് ഏറ്റവും കൂടുതൽ ഇൻസ്റ്റാഗ്രാം ഫോള്ളോവെർസ് ഉണ്ടായിരുന്ന സിനിമാ താരം ആയിരുന്നു ദുൽകർ സൽമാൻ. ആ ദുൽകർ സൽമാനെയും പ്രിയ വാര്യർ ഇൻസ്റ്റാഗ്രാമിൽ മറി കടന്നു എന്നതാണ്. ഏതായാലും ഇപ്പോൾ എല്ലാവരും ഈ പുതിയ സെൻസേഷനെ കുറിച്ചാണ് സംസാരം. അതിപ്പോൾ കേരളവും കടന്നു സൗത്ത് ഇന്ത്യയും നോർത്ത് ഇന്ത്യയും താണ്ടി മുന്നേറുകയാണ്. ഏതായാലും ഇപ്പോഴത്തെ സോഷ്യൽ മീഡിയ ക്വീൻ ആയി മാറി കഴിഞ്ഞിരിക്കുകയാണ് ഈ തൃശൂർക്കാരി മലയാളി പെൺകൊടി.