വമ്പൻ പ്രേക്ഷക ശ്രദ്ധ നേടി ദേ പാല് 2 ടീസർ

രണ്ടു വർഷം മുൻപ് പുറത്തു വന്നു ഏറെ പ്രേക്ഷക ശ്രദ്ധ നേടിയ ഒരു ഹൃസ്വ ചിത്രം ആയിരുന്നു ദേ പാല്. ഏ ആർ സുഭാഷ് തിരക്കഥയും സംവിധാനവും നിർവഹിച്ച ആ ഹൃസ്വ ചിത്രം സോഷ്യൽ മീഡിയയിൽ ട്രെൻഡിങ് ആയി മാറിയിരുന്നു. ഇപ്പോഴിതാ ദേ പാല് 2 എന്ന ഹൃസ്വ ചിത്രവുമായി എത്തുകയാണ് അതേ സംവിധായകൻ. ദേ പാല് 2 ടീസർ കഴിഞ്ഞ ദിവസം പുറത്തു വരികയും വലിയ രീതിയിൽ പ്രേക്ഷക ശ്രദ്ധ നേടിയെടുക്കുകയും ചെയ്യുകയാണ്. കഥ, തിരക്കഥ, സംവിധാനം എന്നിവക്ക് പുറമെ ഈ ഹൃസ്വ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നതും എ ആർ സുഭാഷ് ആണ്. ഫ്രാൻസിസ് പി, ജോയ് അറക്കൽ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. ഗുരു പട്ടാമ്പി, സനൽ എന്നിവരും ഈ ചിത്രത്തിന് ദൃശ്യങ്ങൾ ഒരുക്കിയിട്ടുണ്ട്.

ബിഷോയ് അനിയൻ സംഗീതമൊരുക്കിയ ഈ ചിത്രം എഡിറ്റ് ചെയ്തിരിക്കുന്നത് സച്ചിൻ സത്യ ആണ്. അഷറഫ് ഗുരുക്കൾ ആക്ഷൻ ഒരുക്കിയിരിക്കുന്ന ഈ ചിത്രത്തിന്റെ ടീസർ റിലീസ് ചെയ്തിരിക്കുന്നത് ടീം ജാങ്കോ സ്‌പേസിന്റെ യൂട്യൂബ് ചാനലിൽ ആണ്. ഇരുപത്തിനായിരത്തിനു മുകളിൽ കാഴ്ചക്കാരെ ആണ് റിലീസ് ചെയ്തു ഇരുപത്തിനാലു മണിക്കൂറിനു മുൻപ് ഈ ടീസറിന് ലഭിച്ചിരിക്കുന്നത്. ആദ്യ ഭാഗം പോലെ തന്നെ ഈ ചിത്രവും വലിയ രീതിയിൽ പ്രേക്ഷകർ സ്വീകരിക്കും എന്നാണ് അണിയറ പ്രവർത്തകരുടെ പ്രതീക്ഷ. ടീസറിന് ലഭിച്ചിരിക്കുന്ന പ്രേക്ഷക സ്വീകരണം അവരുടെ പ്രതീക്ഷകൾക്ക് ആക്കം കൂട്ടിയിട്ടുണ്ട്. അധികം വൈകാതെ തന്നെ ഈ ഹൃസ്വ ചിത്രം യൂട്യൂബിൽ റിലീസ് ചെയ്യുമെന്നാണ് റിപ്പോർട്ടുകൾ പറയുന്നത്.