അൾട്രാ സ്റ്റൈലിഷ് ലുക്കിൽ മലയാള നായിക താരം ദീപ്തി സതി; ഫോട്ടോഷൂട്ട് വീഡിയോ കാണാം

പ്രശസ്ത മലയാളി നടി ദീപ്തി സതിയുടെ ഒരു കിടിലൻ ഫോട്ടോഷൂട്ട് വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായി മാറുന്നത്. അൾട്രാ സ്റ്റൈലിഷ് ലുക്കിലാണ് ഈ ഫോട്ടോഷൂട്ടിൽ ദീപ്തി സതി പ്രത്യക്ഷപ്പെടുന്നത്. അതീവ ഗ്ലാമറസായി കാണപ്പെടുന്ന ഈ നടിയുടെ പുത്തൻ വീഡിയോക്ക് വലിയ സ്വീകരണമാണ് സോഷ്യൽ മീഡിയ നൽകുന്നത്. ഒരുപിടി മികച്ച കഥാപാത്രങ്ങളുമായി ഇപ്പോൾ മലയാള സിനിമയിൽ സജീവമായ ഈ നടിയുടെ ഏറ്റവും പുതിയ റിലീസ് അൽഫോൻസ് പുത്രൻ സംവിധാനം ചെയ്ത് പൃഥ്വിരാജ് സുകുമാരൻ ചിത്രമായ ഗോൾഡ് ആണ്. ഇതിലെ പൃഥ്വിരാജ്- ദീപ്തി സതി ടീം ചുവടു വെക്കുന്ന ഒരു ഗാനം ഇപ്പോൾ തന്നെ സൂപ്പർ ഹിറ്റായി മാറിയിട്ടുണ്ട്. ഇതിനു മുൻപ് ഡ്രൈവിംഗ് ലൈസെൻസ് എന്ന ചിത്രത്തിലും പൃഥ്വിരാജ് സുകുമാരനൊപ്പം ദീപ്തി സതി പ്രത്യക്ഷപ്പെട്ടിട്ടുണ്ട്.

https://www.instagram.com/p/Clvsu4TO1m1/

ലാൽ ജോസ് ഒരുക്കിയ നീന എന്ന ചിത്രത്തിലൂടെ നായികയായി അരങ്ങേറ്റം കുറിച്ച ദീപ്തി സതി അതിനു ശേഷം പുള്ളിക്കാരൻ സ്റ്റാറാ, സോളോ, ലവ കുശ, ലളിതം സുന്ദരം എന്നീ മലയാള ചിത്രങ്ങളിലും അഭിനയിച്ചു ശ്രദ്ധ നേടിയിരുന്നു. ജാഗ്വാർ എന്ന തെലുങ്കു- കന്നഡ ചിത്രത്തിലും, ലക്കി എന്ന മറാത്തി ചിത്രത്തിലും അഭിനയിച്ച ഈ നടി വിനയൻ ഒരുക്കിയ പത്തൊൻപതാം നൂറ്റാണ്ടിൽ ചെയ്‌ത കഥാപാത്രം വലിയ കയ്യടി നേടിയിരുന്നു. യുവ താരം സിജു വിൽസൺ നായകനായ ഈ ചിത്രത്തിൽ സാവിത്രി തമ്പുരാട്ടിയുടെ വേഷമാണ് ദീപ്തി സതി അവതരിപ്പിച്ചത്. അതിലും ദീപ്തി സതിയുടെ നൃത്തം ഏറെ ശ്രദ്ധിക്കപ്പെട്ടിരുന്നു. നാനും സിംഗിൾ താൻ എന്ന തമിഴ് ചിത്രവും, രണം എന്ന കന്നഡ ചിത്രവും ദീപ്തി അഭിനയിച്ച മറ്റ് അന്യ ഭാഷാ ചിത്രങ്ങളാണ്.

https://www.instagram.com/p/CltQTXrSRbR/