വിജയ് സൂപ്പറും പൗർണമിയുമിലെ പുതിയ വീഡിയോ സോങ്ങിന് സോഷ്യൽ മീഡിയിൽ മികച്ച പ്രതികരണം

ആസിഫ് അലി- ജിസ് ജോയ് ടീമിന്റെ മൂന്നാമത്തെ ചിത്രമായ വിജയ് സൂപ്പറും പൗര്ണമിയും ഈ വരുന്ന ജനുവരി പതിനൊന്നിന് റിലീസ് ചെയ്യാൻ പോവുകയാണ്. ഈ ചിത്രത്തിന്റെ ഡിജിറ്റൽ ഓഡിയോ റിലീസ് ഇന്ന് ഹൈദരാബാദ് ഫേസ്ബുക് ഓഫീസിൽ വെച്ചാണ് നടന്നത്. ഐശ്വര്യ ലക്ഷ്മി നായികാ വേഷത്തിൽ എത്തുന്ന ഈ ചിത്രം നിർമ്മിച്ചിരിക്കുന്നത് ന്യൂ സൂര്യ ഫിലിമ്സിന്റെ ബാനറിൽ എ കെ സുനിൽ ആണ്. ഈ ചിത്രത്തിന്റെ ട്രൈലെർ, ടീസർ, അതുപോലെ ഗാനങ്ങൾ എന്നിവ പ്രേക്ഷകരുടെ ശ്രദ്ധ നേടിയെടുക്കുന്നതിൽ വിജയിച്ചിരുന്നു. ഇപ്പോഴിതാ ഈ ചിത്രത്തിന് പുറത്തുള്ള പ്രേക്ഷക പ്രതീക്ഷ വർധിപ്പിച്ചു കൊണ്ട് ഇതിലെ പുതിയ സോങ് വീഡിയോ കൂടി ഇന്ന് റിലീസ് ചെയ്തു കഴിഞ്ഞു.

പകലായ് എന്ന് തുടങ്ങുന്ന ഈ ഗാനം രചിച്ചത് സംവിധായകനായ ജിസ് ജോയ് തന്നെയാണ്. പ്രിൻസ് ജോർജ് ഈണം നൽകിയ ഈ ഗാനം ആലപിച്ചിരിക്കുന്നത് വിജയ് യേശുദാസ് ആണ്. മനോഹരമായാണ് ഈ ഗാനം ചിത്രീകരിച്ചിരിക്കുന്നത്. റെനഡിവേ ഒരുക്കിയ ദൃശ്യങ്ങൾ  എഡിറ്റ് ചെയ്തിരിക്കുന്നത് രതീഷ് രാജ് ആണ്. ആസിഫ് അലിയും ഐശ്വര്യ ലക്ഷ്മിയും പ്രത്യക്ഷപ്പെടുന്ന ഈ മനോഹരമായ മെലഡി ഇപ്പോൾ സോഷ്യൽ മീഡിയ ഹൃദയം കൊണ്ട് സ്വീകരിക്കുന്ന കാഴ്ചയാണ് കാണുന്നത്. ബാലു വർഗീസ്, അജു വർഗീസ്, ജോസഫ് അന്നക്കുട്ടി, രഞ്ജി പണിക്കർ, സിദ്ദിഖ്, ശാന്തി കൃഷ്ണ തുടങ്ങി ഒരു വലിയ താര നിര തന്നെ ഈ ചിത്രത്തിൽ പ്രത്യക്ഷപ്പെടുന്നുണ്ട്.  ഒരു പക്കാ ഫാമിലി കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിലൂടെ തന്റെ മൂന്നാം വിജയം ആണ് ജിസ് ജോയ് ലക്ഷ്യമിടുന്നത്.