വസീഗര ഗാനത്തിന്റെ പശ്ചാത്തലത്തിൽ പുതിയ മേക്കോവറിൽ അനു സിതാര; വീഡിയോ കാണാം..!

സോഷ്യൽ മീഡിയയിൽ ഏറെ സജീവമായ പ്രശസ്ത മലയാള നടി അനു സിതാരയുടെ പുതിയ വീഡിയോ ഇപ്പോൾ പ്രേക്ഷകരുടെ ഇടയിൽ വൈറലായി മാറുകയാണ്. തന്റെ പുതിയ ഫിസിക്കൽ മേക് ഓവർ വ്യക്തമാക്കിക്കൊണ്ട്, വസീഗര എന്ന സൂപ്പർഹിറ്റ് തമിഴ് ഗാനം ഉപയോഗിച്ചാണ് അനു സിതാര ഈ പുതിയ വീഡിയോ നിർമ്മിച്ചിരിക്കുന്നത്. ഈ അടുത്തിടെ വലിയ രീതിയിൽ തന്നെ തന്റെ ശരീരഭാരം അനു സിതാര കുറച്ചിരുന്നു. നടൻ ഉണ്ണി മുകുന്ദന്റെ സഹായത്തോടെ, അദ്ദേഹം നിർദേശിച്ച ഡയറ്റ് ഉപയോഗിച്ചാണ് അനു സിതാര ശരീരഭാരം കുറച്ചത്. അന്ന് തന്റെ പുതിയ ചിത്രങ്ങൾ പങ്കു വെച്ച ഈ നടി ഇന്ന് വീഡിയോ തന്നെ പങ്കു വെച്ചുകൊണ്ട് തന്റെ ഫിസിക്കൽ മേക്കോവർ ആരാധകരിലേക്ക് എത്തിച്ചിരിക്കുകയാണ്.

https://www.facebook.com/100044361072751/videos/403458634167734

മികച്ച നർത്തകി കൂടിയായ അനു സിതാര, സ്ലിം ലുക്കിൽ കൂടുതൽ മനോഹരിയായാണ് കാണപ്പെടുന്നതെന്നു ആരാധകർ പറയുന്നു. ഏതായാലും കൃത്യമായ ഭക്ഷണ നിയന്ത്രണം കൊണ്ടാണ് ഈ നടി ഇപ്പോഴത്തെ ശരീര സൗന്ദര്യം നേടിയെടുത്തിരിക്കുന്നത്. ഒമർ ലുലു ഒരുക്കിയ ഹാപ്പി വെഡിങ് എന്ന ചിത്രത്തിലൂടെ ശ്രദ്ധ നേടിയ ഈ നടി അതിനു ശേഷം മലയാളത്തിന്റെ പുതിയ തലമുറയിലെ ഏറ്റവും മികച്ച നടിമാരുടെ കൂട്ടത്തിലൊരാളായി പേരെടുത്തു. രഞ്ജിത്ത് ശങ്കർ ഒരുക്കിയ രാമന്റെ ഏദൻ തോട്ടം എന്ന ചിത്രമാണ് അനു സിതാരയുടെ കരിയറിലെ വഴിത്തിരിവായി മാറിയത്. പിന്നീട് ഒട്ടേറെ വമ്പൻ ചിത്രങ്ങളിൽ വേഷമിട്ട ഈ നടി അഭിനയിച്ചു ഏറ്റവും ഒടുവിൽ റിലീസ് ചെയ്തത് മണിയറയിലെ അശോകൻ എന്ന ചിത്രമാണ്. ഒരുപിടി മികച്ച ചിത്രങ്ങളുടെ ഭാഗമായി അനു സിതാര എത്താനൊരുങ്ങുകയാണ് എന്നാണ് റിപ്പോർട്ടുകൾ പറയുന്നത്.