THE WALL (AWARD WINNING MOTIVATIONAL SHORT FILM)
ആൻ മരിയ കലിപ്പിലാണ്, മോഹൻലാൽ എന്നീ ചിത്രങ്ങളിലൂടെ ഏറെ ശ്രദ്ധേയനായ ബാല താരമാണ് വിശാൽ കൃഷ്ണ. മലയാള സിനിമയിൽ ചുരുങ്ങിയ കാലങ്ങൾകൊണ്ട് ഒരുപിടി നല്ല ചിത്രങ്ങളിൽ ഭാഗമാവാൻ താരത്തിന് സാധിച്ചു. വിശാൽ കൃഷ്ണയെ കേന്ദ്ര കഥാപാത്രമാക്കി പ്രണവ് കൃഷ്ണ സംവിധാനം ചെയ്ത ഹ്രസ്വചിത്രമാണ് ‘ദി വാൾ’. കുറെയേറെ പ്രത്യകതകയുള്ള ഒരു ഷോർട്ട് ഫിലിം കൂടിയാണിത്. രണ്ട് കഥാപത്രങ്ങൾ മാത്രമുള്ള ഈ ഹ്രസ്വചിത്രത്തിൽ ഉടനീളം ഒരു സംഭാഷണ രംഗം പോലും കാണാൻ സാധിക്കില്ല, പകരം പഞ്ചാത്തല സംഗീതത്തിലൂടെ പ്രേക്ഷകരെ മറ്റൊരു തലത്തിലേക്ക് എത്തിക്കും. വൈകല്യമുള്ള ഒരു കഥാപാത്രത്തെയാണ് വിശാൽ കൃഷ്ണ ചിത്രത്തിൽ അവതരിപ്പിക്കുന്നത്. ഗ്രെയ്ഷെഡ് പ്രൊഡക്ഷൻസിന്റെ ബാനറിൽ ജയസൂര്യ കമലസനനും പ്രണവ് കൃഷ്ണയും ചേർന്നാണ് ഹ്രസ്വചിത്രം നിർമ്മിച്ചിരിക്കുന്നത്.
ആട് സംവിധായകൻ മിഥുൻ മാനുവൽ തോമസാണ് ഹ്രസ്വചിത്രം ഫേസ്ബുക്ക് പേജിലൂടെ പുറത്തുവിട്ടത്. ചിത്രത്തിന്റെ ടൈറ്റിൽ സൂചിപ്പിക്കുന്നത് പോലെ മതിൽ തന്നെയാണ് ചിത്രത്തിന്റെ പ്രമേയം. ഇലക്ഷൻ പ്രമാണിച്ചു രാഷ്ട്രീയ പാർട്ടികളുടെ പോസ്റ്ററുകൾ വീടിന്റെ മതിലുകളിൽ ഒട്ടിക്കുമ്പോൾ നിരാശനായ പിതാവിനെയാണ് ചിത്രത്തിൽ കാണാൻ സാധിക്കുക. ഇതിന് ഒരു പരിഹാരം എന്ന നിലയിൽ വൈകല്യമുള്ള മകൻ ഒരു വഴികണ്ടെത്തുന്നതാണ് ഹ്രസ്വചിത്രത്തിന്റെ ഇതിവൃത്തം. ക്ലൈമാക്സ് രംഗം പ്രേക്ഷകരെ ആവേശത്തിലാഴ്ത്തും എന്ന കാര്യത്തിൽ തീർച്ച. അധികമാരും ചർച്ച ചെയ്യാത്ത ഒരു വിഷയത്തെയാണ് സംവിധായകൻ ഇവിടെ അവതരിപ്പിച്ചിരിക്കുന്നത്. എപ്പോഴും മിന്നിക്കൊണ്ടിരിക്കുന്ന ബൾബിലൂടെ തന്നെ നിഗൂഡത നിറഞ്ഞ കഥാന്തരീക്ഷവും സൃഷ്ട്ടിക്കാൻ അണിയറ പ്രവർത്തകർക്ക് സാധിച്ചു. ഇന്ന് സമൂഹത്തിൽ നടന്നുകൊണ്ടിരിക്കുന്ന ഒരു പ്രവർത്തിയെ തടയാന്നുള്ള വഴി കൂടിയാണ് ഹ്രസ്വചിത്രത്തിലൂടെ സംവിധായകൻ കാണിച്ചു തരുന്നത്.
ഹരിമുരളിയാണ് ഹ്രസ്വചിത്രത്തിന്റെ സംഗീതം ഒരുക്കിയിരിക്കുന്നത്. ഒരു സംഭാഷണം പോലുമില്ലാത്ത ചിത്രത്തിന്റെ ജീവൻ പഞ്ചാത്തല സംഗീതം തന്നെയായിരുന്നു. ഛായാഗ്രഹണം നിർവഹിച്ചിരിക്കുന്നത് ജോസഫ് ആന്റണിയാണ്. ഓരോ ഫ്രെമുകളും കണ്ണിന് കുളിർമയേകുന്നതായിരുന്നു. എഡിറ്റിങ് വർക്കുകൾ കൈകാര്യം ചെയ്തിരിക്കുന്നത് സാഗർ ദാസാണ്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.