ജിമ്മിൽ വിയർപ്പൊഴുക്കി ഐശ്വര്യ ലക്ഷ്മി; വൈറലായി വർക്ക് ഔട്ട് വീഡിയോ..!

മലയാളത്തിന്റെ പ്രിയ നടിയായ ഐശ്വര്യ ലക്ഷ്മി ഇപ്പോൾ തമിഴിലും തെലുങ്കിലും അഭിനയിക്കുന്ന നായികാതാരം കൂടിയാണ്. നടി എന്നതിന് പുറമെ ഒരു നിർമ്മാതാവെന്ന നിലയിൽ കൂടി തന്റെ അരങ്ങേറ്റം കുറിക്കുകയാണ് ഐശ്വര്യ ലക്ഷ്മിയിപ്പോൾ. താൻ നിർമ്മിക്കുന്ന ആദ്യ ചിത്രത്തിന്റെ ഫസ്റ്റ് ലുക്ക് പോസ്റ്റർ ഐശ്വര്യ ലക്ഷ്മി തന്നെയാണ് രണ്ടു ദിവസം മുൻപ് സോഷ്യൽ മീഡിയയിലൂടെ പുറത്തു വിട്ടത്. ഗാർഗി എന്ന് പേരിട്ടിരിക്കുന്ന ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത് തെന്നിന്ത്യൻ സൂപ്പർ നായികയായ സായി പല്ലവിയാണ്. ഇപ്പോഴിതാ, ഐശ്വര്യ ലക്ഷ്മിയുടെ പുതിയ ജിം വർക്ക് ഔട്ട് വീഡിയോയാണ് സോഷ്യൽ മീഡിയയുടെ ശ്രദ്ധ നേടുന്നത്. അപ്പർ ബോഡി വർക്ക് ഔട്ട് ചെയ്യുന്ന ഐശ്വര്യയുടെ വീഡിയോ ഇൻസ്റാഗ്രാമിലൂടെ പങ്കു വെച്ചത്, ഐശ്വര്യയുടെ സുഹൃത്തും പ്രശസ്ത ഫിറ്റ്നസ് ട്രെയ്നറുമായ ലക്ഷ്മി വിശ്വനാഥാണ്.

https://youtube.com/shorts/0yD-K4mV2pY

തന്നോടൊപ്പം ചിരിച്ചും, ഒച്ച വെച്ചും, തന്നോട് കെഞ്ചിയുമൊക്കെയാണെങ്കിലും ഇന്ന് ഒരു ഗംഭീര അപ്പർ ബോഡി വർക്ക് ഔട്ട് സെഷനാണ് ഐശ്വര്യ ലക്ഷ്മി നടത്തിയതെന്നാണ് വീഡിയോ പങ്കു വെച്ച് കൊണ്ട് ലക്ഷ്മി വിശ്വനാഥ് കുറിച്ചിരിക്കുന്നത്. തമിഴിൽ മണി രത്നത്തിന്റെ ബ്രഹ്മാണ്ഡ ചിത്രമായ പൊന്നിയിൻ സെൽവനിലുൾപ്പെടെ ഐശ്വര്യ ലക്ഷ്മി നിർണ്ണായക വേഷം ചെയ്തിരുന്നു. കുമാരി, ബിസ്മി സ്പെഷ്യൽ എന്നീ ചിത്രങ്ങളാണ് ഐശ്വര്യ ലക്ഷ്മിയഭിനയിച് ഇനി മലയാളത്തിൽ റിലീസ് ചെയ്യാനുള്ളത്. ഗോഡ്‌സെ എന്ന ചിത്രത്തിലൂടെ തെലുങ്കിലും അരങ്ങേറ്റം കുറിക്കാൻ പോകുന്ന ഐശ്വര്യ ലക്ഷ്മി, ഗട്ട ഗുസ്തി എന്നൊരു തമിഴ്- തെലുങ്കു ദ്വിഭാഷാ ചിത്രവും ചെയ്യുന്നുണ്ട്. താൻ നിർമ്മിക്കുന്ന ഗാർഗി എന്ന തമിഴ്- തെലുങ്കു ചിത്രത്തിലും ഐശ്വര്യ ലക്ഷ്മി അഭിനയിക്കുന്നുണ്ട്.