സഹോദരിമാർക്കൊപ്പം അഹാന കൃഷ്ണയുടെ സ്റ്റൈലിഷ് നൃത്തം; വൈറൽ വീഡിയോ കാണാം

നടൻ കൃഷ്ണ കുമാറിന്റെ മകളും മലയാള സിനിമയുടെ പുതു തലമുറയിലെ നായികയുമായ അഹാന കൃഷ്ണ, തന്റെ സഹോദരിമാരോടൊപ്പം നൃത്തം ചെയ്യുന്ന വീഡിയോകൾ നേരത്തേയും സോഷ്യൽ മീഡിയ ഏറ്റെടുത്തിട്ടുണ്ട്. ഇപ്പോഴിതാ ഈ സഹോദരിമാരുടെ പുതിയ സ്റ്റൈലിഷ് ഡാൻസാണ് സോഷ്യൽ മീഡിയയിൽ വൈറലായി മാറുന്നത്. അഹാനയും മൂന്നു സഹോദരിമാരും ചേർന്ന് നൃത്തം ചെയ്യുന്നത് ജുഗ് ജുഗ് ജിയോ എന്ന ബോളിവുഡ് ചിത്രത്തിലെ രംഗ്‌സാരി എന്ന ഗാനത്തിനാണ്. സൂപ്പർ ഹിറ്റായി മാറിയ ഈ ഗാനം ആലപിച്ചത്‌ കനിഷ്‌ക് സേഥ്, കവിത സേഥ് എന്നിവരാണ്. ഇവർ തന്നെ സംഗീത സംവിധാനവും നിർവഹിച്ച ഈ ഗാനരംഗത്തിൽ വരുൺ ധവാൻ, കിയാരാ അദ്വാനി എന്നിവരാണ് ചുവടു വെക്കുന്നത്. ഏതായാലും ഈ ഗാനത്തിന് അതിമനോഹരമായി ചുവടുകൾ വെച്ച് കൊണ്ട് അഹാനയും സഹോദരിമാരും ഒരിക്കൽ കൂടി ഏവരുടെയും ശ്രദ്ധ നേടിക്കഴിഞ്ഞു.

നിവിൻ പോളി നായകനായ ഞണ്ടുകളുടെ നാട്ടിൽ ഒരിടവേള എന്ന ചിത്രത്തിലൂടെ പ്രേക്ഷക ശ്രദ്ധ നേടിയ അഹാന, ടോവിനോ തോമസിന്റെ നായികയായി എത്തിയ ലൂക്ക എന്ന ചിത്രവും പ്രേക്ഷക ശ്രദ്ധ നേടിയിരുന്നു. അഹാനയുടെ സഹോദരി ഇഷാനി കൃഷ്ണയും മലയാള സിനിമയിൽ അരങ്ങേറ്റം കുറിച്ചിരുന്നു. മമ്മൂട്ടി നായകനായ വൺ എന്ന ചിത്രത്തിലൂടെയാണ് ഇഷാനി അരങ്ങേറ്റം കുറിച്ചത്. ഞാൻ സ്റ്റീവ് ലോപസ് എന്ന രാജീവ് രവി ചിത്രത്തിലൂടെയാണ് അഹാന സിനിമയിലെത്തിയത്. നാൻസി റാണി, ഷൈൻ ടോം ചാക്കോ നായകനായെത്തുന്ന അടി എന്നിവയാണ് അഹാന നായികയായി ഇനി വരാനുള്ള മലയാള ചിത്രങ്ങൾ. സോഷ്യൽ മീഡിയയിൽ ഏറെ സജീവമായ ഈ നടിയുടെ ഗ്ലാമർ ചിത്രങ്ങൾ വലിയ രീതിയിൽ ശ്രദ്ധ നേടാറുണ്ട്. ദിയ കൃഷ്ണ, ഹൻസിക കൃഷ്ണ എന്നിവരാണ് അഹാനയുടെ മറ്റു രണ്ടു സഹോദരിമാർ.