പ്രശസ്ത സിനിമാ- സീരിയൽ താരമായ നടി ശരണ്യ ആനന്ദ് വിവാഹിതയായി. മനേഷ് രാജൻ നായരാണ് ശരണ്യയുടെ വരൻ. ഗുരുവായൂർ ക്ഷേത്രത്തിൽ വച്ച് ലളിതമായ ചടങ്ങുകളോടെയായിരുന്നു വിവാഹം നടന്നത്. ഫാഷൻ ഡിസൈനർ, കൊറിയോഗ്രഫർ, മോഡൽ തുടങ്ങിയ മേഖലകളിൽ ശ്രദ്ധ നേടിയ ഈ നടി സീരിയലുകളിലൂടെയാണ് അഭിനയ രംഗത്തെത്തുന്നത്. മോഹൻലാൽ നായകനായ മേജർ രവി ചിത്രം 1971 ബിയോണ്ട് ബോർഡേഴ്സിലൂടെ മലയാള സിനിമയിൽ അരങ്ങേറ്റം കുറിച്ച ശരണ്യ അതിനു ശേഷം കാപ്പുചീനോ, അച്ചായൻസ്, ചങ്ക്സ്, ആകാശമിഠായി, ചാണക്യ തന്ത്രം, ലിയാൻസ്, ലാഫിംഗ് അപ്പാർട്ട്മെന്റ് നിയർ ഗിരിനഗർ, എ ഫോർ ആപ്പിൾ, ആകാശ ഗംഗ 2, മമ്മൂട്ടി – എം പദ്മകുമാർ ചിത്രമായ മാമാങ്കം എന്നിവയിലും അഭിനയിച്ചു. പത്താം ക്ളാസിൽ പഠിക്കുമ്പോൾ മഹീന്ദ്ര സ്കോർപ്പിയയുടെ പരസ്യത്തിൽ മിസ്സ് സൂറത്തിനൊപ്പം അഭിനയിച്ചുകൊണ്ടാണ് ശരണ്യ മോഡലിംഗ് രംഗത്തേക്ക് കടന്നു വരുന്നത്.
മാധുരി ദീക്ഷിത് അടക്കമുള്ള താരങ്ങളോടൊപ്പം സ്റ്റേജ് ഷോ ചെയ്തിട്ടുള്ള ശരണ്യ നിരവധി പരസ്യ ചിത്രങ്ങൾക്ക് മോഡലായിട്ടുണ്ട്. ആമേൻ അടക്കം നാല് ചിത്രങ്ങളിൽ അസിസ്റ്റന്റ് കൊറിയോഗ്രാഫർ ആയി പ്രവർത്തിച്ചിട്ടുള്ള ശരണ്യ തമിഴിലും ജോലി ചെയ്തിട്ടുണ്ട്. നിലവിൽ കുടുംബവിളക്ക് എന്ന സീരിയലിൽ അഭിനയിച്ചു കൊണ്ടിരിക്കുന്ന ശരണ്യ മിനി സ്ക്രീൻ പ്രേക്ഷകർക്കിടയിലും വളരെയധികം പ്രശസ്തയാണ്. കസവു ലെഹങ്കയിൽ വളരെ കുറച്ചു മാത്രം ആഭരണങ്ങൾ അണിഞ്ഞെത്തിയ ശരണ്യയുടെ വിവാഹ ചിത്രങ്ങൾ ഇപ്പോൾ സോഷ്യൽ മീഡിയയിൽ വളരെയധികം ശ്രദ്ധ നേടിയെടുക്കുന്നുണ്ട്. കോവിഡ് മാനദണ്ഡങ്ങൾ പാലിച്ചു നടന്ന വിവാഹ സൽക്കാരത്തിൽ പ്രശസ്ത മലയാള താരങ്ങളായ അനുശ്രീ, ഉണ്ണി രാജൻ പി ദേവ് എന്നിവരും പങ്കു ചേർന്നു. അടൂർ സ്വദേശിയായ ശരണ്യ ജനിച്ചത് സൂററ്റിലാണ്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.