എണ്പതുകളിൽ ബാലതാരമായി മലയാള സിനിമയിലെത്തിയ നടനാണ് ബൈജു സന്തോഷ്. ബാലതാരമായെത്തിയ ബൈജുവിന്റെ കൗമാരവും യൗവനവുമെല്ലാം സിനിമാ താരമായി തന്നെയാണ് പിന്നിട്ടത്. ബാലതാരം, ഹാസ്യ താരം, നായകൻ, വില്ലൻ, സ്വഭാവ നടൻ എന്നിങ്ങനെ വ്യത്യസ്ത വേഷങ്ങളിൽ നിറഞ്ഞാടിയ ഈ നടൻ സൂപ്പർ താരങ്ങളായ മോഹൻലാൽ, മമ്മൂട്ടി, സുരേഷ് ഗോപി എന്നിവർക്കൊപ്പമെല്ലാം ഒട്ടേറെ ചിത്രങ്ങളിലഭിനയിച്ചിട്ടുണ്ട്. ബൈജു അഭിനയിച്ചു വിജയിപ്പിച്ച കഥാപാത്രങ്ങൾ ഇപ്പോഴും മലയാളി മനസ്സിലുണ്ട്. കേൾക്കാത്ത ശബ്ദം, പൂച്ചക്കൊരു മൂക്കുത്തി എന്നീ സിനിമകളിലെ ബൈജുവിന്റെ ബാല താരമായുള്ള പ്രകടനം മുതൽ കൗമാര കാലത്തു അഭിനയിച്ച വടക്കു നോക്കി യന്ത്രവും, കോട്ടയം കുഞ്ഞച്ചനും യൗവനകാലത്ത് അഭിനയിച്ച മാട്ടുപ്പെട്ടി മച്ചാനും ഒക്കെ ഇന്നും പ്രേക്ഷക മനസ്സിൽ നിറഞ്ഞു നിൽക്കുന്നു. ഇപ്പോഴിതാ ഈ വർഷത്തെ ബോക്സ് ഓഫിസ് വിജയത്തിലേക്ക് കുതിക്കുന്ന മമ്മൂട്ടി ചിത്രമായ ഷൈലോക്കിലെ മികച്ച പ്രകടനത്തിനും ഈ നടൻ കയ്യടി നേടുകയാണ്.
മമ്മൂട്ടി ഫാൻസ് ഖത്തറിൽ നടത്തിയ ഷൈലോക്ക് ഫാൻസ് ഷോയുടെ ഭാഗമായി അവർ ബൈജുവിന് ആദരവ് നൽകുകയും അവരുടെ ആദരവ് ഏറ്റുവാങ്ങി സംസാരിക്കവെ ബൈജുവിന്റെ കണ്ണു നിറയുകയും ചെയ്തു. ജീവിതത്തിലെ മറക്കാനാവാത്ത നിമിഷങ്ങൾ സമ്മാനിച്ച മമ്മൂട്ടി ആരാധകർക്ക് നന്ദി പറഞ്ഞ ബൈജുവിനെ പൊന്നാടയണിയിച്ചത് പ്രശസ്ത നിർമ്മാതാവായ സന്തോഷ് ടി കുരുവിളയാണ്. ആ ചടങ്ങിന്റെ വീഡിയോ നിങ്ങൾക്കിവിടെ കാണാം. അജയ് വാസുദേവ് സംവിധാനം ചെയ്ത മൂന്നാമത്തെ ചിത്രമായ ഷൈലോക്ക് രചിച്ചത് നവാഗതരായ ബിബിൻ മോഹൻ, അനീഷ് ഹമീദ് എന്നിവരും നിർമ്മിച്ചത് ഗുഡ് വിൽ എന്റർടൈന്മെന്റ്ന്റെ ബാനറിൽ ജോബി ജോർജുമാണ്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.