‘ലവ് അണ്ടർ കൺസ്ട്രക്ഷൻ’ സംവിധായകൻ ഇനി മോഹൻലാലിനൊപ്പം ?

സൂപ്പർ ഹിറ്റായ മലയാളം വെബ് സീരിസ് ‘ലവ് അണ്ടർ കൺസ്ട്രക്ഷൻ’ ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ ചിത്രവുമായി എത്തിയേക്കും എന്ന് വാർത്തകൾ. മോഹൻലാലുമായി ഒരു പുതിയ ചിത്രം ഒരുക്കുന്നതിന്റെ ആദ്യ ഘട്ട ചർച്ചകൾ വിഷ്ണു പൂർത്തിയാക്കി എന്നും, ചിത്രം നിർമ്മിക്കുന്നത് ജി സുരേഷ് കുമാറിന്റെ രേവതി കലാമന്ദിർ അല്ലെങ്കിൽ എം രഞ്ജിത്തിന്റെ രജപുത്ര വിഷ്വൽ മീഡിയ ആയേക്കാമെന്നും സ്ഥിരീകരിക്കാത്ത വാർത്തകൾ വരുന്നുണ്ട്. ടോവിനോ തോമസ് നായകനായ ‘വാശി’ എന്ന ചിത്രമൊരുക്കിയാണ് വിഷ്ണു ജി രാഘവ് അരങ്ങേറ്റം കുറിച്ചത്. ‘വാശി’ മികച്ച ശ്രദ്ധ നേടിയില്ലെങ്കിലും രജപുത്ര വിഷ്വൽ മീഡിയ നിർമ്മിച്ച ‘ലവ് അണ്ടർ കൺസ്ട്രക്ഷൻ’ എന്ന വെബ് സീരീസിലൂടെ വലിയ ശ്രദ്ധയാണ് വിഷ്ണു നേടിയത്. നീരജ് മാധവ്, അജു വർഗീസ്, ഗൗരി എന്നിവരാണ് അതിൽ പ്രധാന വേഷങ്ങൾ ചെയ്തത്.

Mohanlal in discussion with ‘Love Under Construction’ director Vishnu G Raghav