മെഗാ സ്റ്റാർ മമ്മൂട്ടിയെ നായകനാക്കി എസ് എൻ സ്വാമി രചിച്ച്, കെ മധു സംവിധാനം ചെയ്ത ചിത്രമാണ് സിബിഐ 5 ദി ബ്രെയിൻ. വലിയ പ്രേക്ഷക പ്രതീക്ഷകൾക്ക് നടുവിൽ തീയേറ്ററുകളിലെത്തിയ ഈ ചിത്രം, സമ്മിശ്ര പ്രതികരണമാണ് നേടിയത്. ബോക്സ് ഓഫീസിലും നേട്ടമുണ്ടാക്കാൻ കഴിയാതെ പോയ ഈ ചിത്രം കഴിഞ്ഞ ദിവസമാണ് ഒറ്റിറ്റി റിലീസായി നെറ്റ്ഫ്ലിക്സിലെത്തിയത്. ഒറ്റിറ്റി റിലീസായ നിമിഷം മുതൽ ഒട്ടേറെ ട്രോളുകളാണ് ചിത്രത്തിന് ലഭിക്കുന്നത്. ചിത്രത്തിലെ കാസ്റ്റിങ് മുതൽ, കഥയും കഥാ സന്ദർഭങ്ങളും പ്രകടനങ്ങളുമൊക്കെ ട്രോളിന് വിധേയമായിക്കഴിഞ്ഞു. ഇപ്പോഴിതാ ഈ ചിത്രത്തെ വിമർശിച്ചുകൊണ്ട് മുന്നോട്ട് വന്നിരിക്കുന്നത് പ്രശസ്ത സാഹിത്യകാരനായ എൻ എസ് മാധവനാണ്. ചിത്രത്തിൽ ഒട്ടേറെ പ്രശ്നങ്ങൾളുണ്ടെന്നും അത് വളരേ വലുതാണെന്നും എൻ എസ് മാധവൻ പറയുന്നു.
തന്റെ ട്വിറ്റർ അക്കൗണ്ടിൽ അദ്ദേഹം കുറിച്ച വാക്കുകൾ ഇങ്ങനെ, ” സിബിഐ 5 ദി ബ്രെയിൻ എന്ന ചിത്രം നെറ്റ്ഫ്ലിക്സില് കണ്ടു. നിത്യഹരിതനായ മമ്മൂട്ടിക്ക് കയ്യടി. എന്നാൽ സിനിമയിൽ ഏറെ പ്രശ്നങ്ങളുണ്ട്… വലുത് തന്നെയാണ്.. വൈഫൈയോ ബ്ലൂടൂത്തോ ഇല്ലാത്ത വിമാനത്തിനുള്ളില് വച്ച് എങ്ങനെയാണ് കൊല്ലപ്പെട്ടയാളിന്റെ പേസ്മേക്കര് കൊലയാളി ഹാക്ക് ചെയ്യുന്നത്? സാങ്കേതികവിദ്യയെക്കുറിച്ച് ഒട്ടും ധാരണകളില്ലാതെയാണ് ഈ സിനിമ ഒരുക്കിയിരിക്കുന്നത്”. പ്രശസ്തമായ സിബിഐ സീരീസിലെ അഞ്ചാം ചിത്രമായ സിബിഐ 5 ദി ബ്രെയിൻ നിർമ്മിച്ചത് സ്വർഗചിത്രയുടെ ബാനറിൽ അപ്പച്ചനാണ്. മമ്മൂട്ടിക്കൊപ്പം രഞ്ജി പണിക്കർ, അനൂപ് മേനോൻ, രമേശ് പിഷാരടി, സായ് കുമാർ, ആശ ശരത്, പ്രശാന്ത് അലക്സാണ്ടർ, സൗബിൻ ഷാഹിർ, ദിലീഷ് പോത്തൻ, ജഗതി ശ്രീകുമാർ, മുകേഷ് തുടങ്ങി ഒട്ടേറെ പേർ ഈ ചിത്രത്തിന്റെ താരനിരയിലുണ്ട്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.