വിജയ്ക്ക് വേണ്ടി ചിത്രം ചെയ്യാൻ ആവില്ല എന്ന് ഗൗതം വാസുദേവ് മേനോൻ..!

തെന്നിന്ത്യൻ സിനിമയിലെ ഏറ്റവും മികച്ച സംവിധായകരിൽ ഒരാൾ ആണ് ഗൗതം വാസുദേവ് മേനോൻ. വ്യത്യസ്തമായ രീതിയിൽ കഥ പറയുന്ന അദ്ദേഹത്തിന്റെ ചിത്രങ്ങൾക്ക് ആരാധകർ ഏറെയാണ്. കമൽ ഹാസനെ വെച്ച് പോലും ചിത്രം ചെയ്തിട്ടുള്ള ഗൗതം മേനോൻ ഇപ്പൊ വിക്രം നായകനാവുന്ന ധ്രുവനച്ചത്തിരം എന്ന ചിത്രത്തിന്റെ തിരക്കിൽ ആണ്. ചിത്രീകരണത്തിന്റെ അവസാന ഘട്ടത്തിൽ ഉള്ള ഈ ചിത്രമായിരിക്കും ഗൗതം മേനോന്റെ അടുത്ത റിലീസ്.

പക്ഷെ കുറച്ചു നാൾ മുന്നേ ഗൗതം മേനോൻ ദളപതി വിജയ്‌യെ നായകനാക്കി ഒരു ചിത്രം പ്രഖ്യാപിച്ചിരുന്നു എങ്കിലും പിന്നീട് അത് ഉപേക്ഷിക്കുകയായിരുന്നു. വിജയ്ക്കു വേണ്ടത് മറ്റൊരു തരത്തിൽ ഉള്ള ചിത്രമായിരുന്നു എന്നും അങ്ങനെ വിജയ്ക്ക് വേണ്ടി ചിത്രം ചെയ്യാൻ തനിക്കു കഴിയില്ല എന്നും അദ്ദേഹം പറയുന്നു.

നായകന്മാർ പറയുന്നതനുസരിച്ച് മാസും മസാലയും ചേർത്ത് സിനിമയൊരുക്കുന്ന ഒരാൾ അല്ല താൻ എന്നും തന്റെ സിനിമയിൽ കൊമേർഷ്യൽ ചേരുവകളും മാസ്സ് എലെമെന്റുകളും ഉണ്ടെങ്കിൽ പോലും അത് സ്വാഭാവികമായി തിരക്കഥയിൽ വരുന്നത് ആണെന്ന് അദ്ദേഹം പറയുന്നു.

വിജയോടൊപ്പം ആറു മാസത്തോളം ഒരുമിച്ചു യാത്ര ചെയ്ത് ചിത്രത്തെക്കുറിച്ച് സംസാരിക്കുകയും ചിത്രം അനൗൺസ് ചെയ്യുകയും ഫോട്ടോ ഷൂട്ട് നടത്തുകയും പോസ്റ്റർ വരെ റിലീസ് ചെയ്യുകയും ചെയ്തിട്ടു ഷൂട്ടിന് രണ്ടാഴ്ച മുമ്പ് താൻ തിരക്കഥ മുഴുവൻ വായിച്ചു കേൾപ്പിച്ചപ്പോൾ ഇത് വേണ്ട എന്ന് വിജയ് ഇങ്ങോട്ടു പറയുകയായിരുന്നു എന്ന് ഗൗതം വാസുദേവ് മേനോൻ പറയുന്നു.

അദ്ദേഹത്തിന് വേണ്ടത് വേറെ ഒരു തരത്തിൽ ഉള്ള ചിത്രവും തന്റെ മനസ്സിൽ ഉള്ളത് അതിൽ നിന്നെല്ലാം വ്യത്യസ്തമായ ഒരു ചിത്രവും ആയിരുന്നത് കൊണ്ടാണ് ആ പ്രൊജക്റ്റ് വേണ്ട എന്ന് വെച്ചതെന്ന് ഗൗതം മേനോൻ പറഞ്ഞു.