ബാഹുബലിക്ക് ശേഷം തെലുങ്കു സൂപ്പർ താരം പ്രഭാസ് നായകനായി എത്തുന്ന പുതിയ ബിഗ് ബജറ്റ് ചിത്രമാണ് സാഹോ. സുജിത് സംവിധാനം ചെയ്യുന്ന ഈ ബ്രഹ്മാണ്ഡ ആക്ഷൻ ത്രില്ലറിൽ ശ്രദ്ധ കപൂർ ആണ് നായികാ വേഷത്തിൽ എത്തുന്നത്. അടുത്ത വർഷം റിലീസ് പ്രതീക്ഷിക്കുന്ന ഈ ചിത്രത്തിൽ പ്രശസ്ത മലയാള നടൻ ലാലും ഒരു നിർണ്ണായക വേഷം ചെയ്യുന്നുണ്ട്. തമിഴ്, തെലുങ്കു, ഹിന്ദി ഭാഷകളിൽ ആയിട്ടാണ് ഈ ചിത്രം ഒരുങ്ങുന്നത്. ജാക്കി ഷെറോഫ്, നീൽ നിതിൻ മുകേഷ്, അരുൺ വിജയ്, മന്ദിര ബേദി, ചങ്കി പാണ്ഡെ, ടിനു ആനന്ദ്, മഹേഷ് മഞ്ജരേക്കർ എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. ഇപ്പോൾ സഹോയെ കുറിച്ച് മനസ്സ് തുറക്കുന്ന ലാൽ പറയുന്നത്, സാഹോയുടെ ബജറ്റ് ഉണ്ടെങ്കിൽ അമ്പതു മലയാള സിനിമകൾ ചെയ്യാം എന്നാണ്. നൂറ്റിയന്പത് കോടി രൂപ ബഡ്ജറ്റിൽ ആണ് ഈ ചിത്രം ഒരുങ്ങുന്നത് എന്നാണ് സൂചന.
ഒരുപാട് നാൾ ആയി ഷൂട്ട് ചെയ്യുന്ന ചിത്രമാണ് സാഹോ എന്നും തന്റെ കഴിഞ്ഞ രണ്ടു വെഡിങ് ആനിവേഴ്സറി താൻ ആഘോഷിച്ചത് സാഹോയുടെ സെറ്റിൽ ആണെന്ന് പറയുമ്പോൾ എത്ര വലുതാണ് ഇതിന്റെ ഷൂട്ടിംഗ് ഷെഡ്യൂൾ എന്ന് മനസ്സിലാക്കാമല്ലോ എന്നും ലാൽ ചോദിക്കുന്നു. താൻ അഭിനയിച്ചതും സംവിധാനം ചെയ്തിട്ടുള്ളതുമായ ചിത്രങ്ങളെ കുറിച്ച് അറിയാവുന്ന ഈ ചിത്രത്തിലെ പ്രവർത്തകർ വളരെ ബഹുമാനത്തോടെയാണ് തന്നോട് ഇടപെടുന്നതു എന്നും ലാൽ പറയുന്നു. സംവിധായകൻ സുജിത് എന്ന ചെറുപ്പക്കാരനുമായി ജോലി ചെയ്യാൻ വളരെ ഈസി ആണെന്നും അതുപോലെ പ്രഭാസും വളരെ സിമ്പിൾ ആയ ഒരു മനുഷ്യൻ ആണെന്നും ലാൽ പറയുന്നു. സാഹോയുടെ മേക്കിങ് വീഡിയോ പുറത്തു വന്നത് കുറച്ചു നാൾ മുൻപാണ്. ഗംഭീര സ്വീകരണമാണ് അതിനു സോഷ്യൽ മീഡിയയിൽ നിന്ന് ലഭിച്ചത്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.