മലയാള സിനിമയിൽ ഏറ്റവും കൂടുതൽ സൂപ്പർ ഹിറ്റുകൾ സമ്മാനിച്ചിട്ടുള്ള ജോഡിയാണ് മോഹൻലാൽ- പ്രിയദർശൻ ടീം. ചിത്രം, കിലുക്കം, ചന്ദ്രലേഖ എന്നീ മലയാളത്തിലെ മൂന്നു ഇൻഡസ്ട്രി ഹിറ്റുകൾ സമ്മാനിച്ചിട്ടുള്ള ഈ ടീം ഒട്ടേറെ സൂപ്പർ ഹിറ്റുകളും ബ്ലോക്ക്ബസ്റ്ററുകളും നമ്മുക്ക് മുന്നിൽ എത്തിച്ചിട്ടുണ്ട്. ഇപ്പോൾ മലയാള സിനിമയിലെ എക്കാലത്തേയും ഏറ്റവും വലിയ പ്രൊജക്റ്റ് ആയ മരക്കാർ അറബിക്കടലിന്റെ സിംഹവും നമ്മുക്ക് മുന്നിൽ എത്തിക്കാൻ ഒരുങ്ങുകയാണ് ഈ ടീം. ഇവരുടെ കരിയറിലെ ഏറ്റവും വലിയ ഹിറ്റ് സിനിമകളിൽ ഒന്നാണ് 1988 ഡിസംബറിൽ റിലീസ് ചെയ്ത ചിത്രം. മോഹൻലാൽ, രഞ്ജിനി, ലിസ്സി, നെടുമുടി വേണു, പൂർണ്ണം വിശ്വനാഥൻ, ശ്രീനിവാസൻ, എം ജി സോമൻ എന്നിവർ അഭിനയിച്ച ഈ സിനിമ അന്നുവരെയുള്ള മലയാള സിനിമാ ചരിത്രത്തിലെ സകല കളക്ഷൻ റെക്കോർഡുകളും തകർത്തെറിഞ്ഞ ചിത്രമാണ്.
അത് കൂടാതെ 365 ദിവസം റെഗുലർ ഷോയിൽ തുടർച്ചയായി തീയേറ്ററുകളിൽ പ്രദർശിപ്പിച്ച ഒരേയൊരു മലയാള സിനിമാ എന്ന റെക്കോർഡും ചിത്രത്തിന് സ്വന്തമാണ്. ഇപ്പോഴും ആ റെക്കോർഡ് തകർക്കപ്പെട്ടിട്ടില്ല. പി കെ ആർ പിള്ള നിർമ്മിച്ച ഈ ചിത്രത്തിലെ ഗാനങ്ങൾ എല്ലാം തന്നെ സൂപ്പർ ഹിറ്റുകൾ ആയിരുന്നു. അങ്ങനെ മലയാള സിനിമയിലെ എവർഗ്രീൻ ക്ലാസിക് ഹിറ്റുകളിൽ ഒന്നായ ചിത്രത്തിന് ഒരു രണ്ടാം ഭാഗം ഒരുങ്ങുന്നു എന്ന റിപ്പോർട്ടുകൾ ആണ് ഇപ്പോൾ പുറത്തു വരുന്നത്. മലയാള സിനിമയിലെ ഓൾ റൗണ്ടർ ആയ വിനീത് ശ്രീനിവാസൻ സംവിധാനം ചെയ്യാൻ പോകുന്ന പുതിയ സിനിമ, ചിത്രത്തിന്റെ രണ്ടാം ഭാഗം ആണെന്നും അതിലെ പ്രധാന വേഷങ്ങൾ ചെയ്യുന്നത് മോഹൻലാലിന്റെ മകൻ പ്രണവ് മോഹൻലാലും പ്രിയദർശന്റെ മകൾ കല്യാണി പ്രിയദർശനും ആണെന്നുമാണ് വാർത്തകൾ വരുന്നത്.
പ്രണവുമായി വിനീത് ശ്രീനിവാസൻ അടുത്ത വർഷം ഒരു ചിത്രം പ്ലാൻ ചെയ്യുന്നുണ്ട് എന്ന് വാർത്തകൾ വന്നിരുന്നു. എന്നാൽ ആ പ്രോജെക്ടിനെ കുറിച്ചുള്ള കൂടുതൽ വിവരങ്ങൾ ഇപ്പോൾ ലഭ്യമല്ല. മോഹൻലാൽ- പ്രിയദർശൻ ചിത്രമായ മരക്കാരിൽ അതിഥി വേഷങ്ങൾ ചെയ്ത പ്രണവും കല്യാണിയും ഒരുമിക്കുന്ന ഒരു ചിത്രം ഉടനെ ഉണ്ടാവും എന്നാണ് പ്രേക്ഷകരുടെ പ്രതീക്ഷ. ദുൽഖർ സൽമാൻ, സുരേഷ് ഗോപി, ശോഭന എന്നിവർ അഭിനയിക്കുന്ന പുതിയ മലയാള ചിത്രത്തിൽ ആണ് കല്യാണി ഇപ്പോൾ വേഷമിടുന്നത്. പ്രണവിനെ കാത്തു വിനീത് ശ്രീനിവാസൻ, അൻവർ റഷീദ്, അനി ഐ വി ശശി എന്നിവരുടെ ചിത്രങ്ങൾ ആണ് ഉള്ളതെന്ന് റിപ്പോർട്ടുകൾ പറയുന്നു.
പാന് ഇന്ത്യന് ബ്ലോക്ക് ബസ്റ്ററായ മാര്ക്കോയ്ക്ക് ശേഷം ഉണ്ണിമുകുന്ദന് നായകനാവുന്ന 'ഗെറ്റ് സെറ്റ് ബേബി'യുടെ റിലീസ് തിയതി പുറത്തു വിട്ടു.…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത എമ്പുരാൻ ടീസർ ഇപ്പോൾ സോഷ്യൽ മീഡിയയെ ആവേശം കൊണ്ട്…
മലയാളത്തിലെ എക്കാലത്തെയും ക്ലാസിക് ചിത്രങ്ങളിലൊന്നായ ഒരു വടക്കൻ വീരഗാഥയുടെ പുതിയ പതിപ്പിന്റെ ട്രൈലെർ ലോഞ്ച് അമ്മയുടെ ഓഫീസിൽ നടന്നു. മോഹൻലാൽ…
മലയാളത്തിന്റെ മഹാനടൻ മമ്മൂട്ടിയെ നായകനാക്കി എംടി-ഹരിഹരന് കൂട്ടുകെട്ടിലൊരുങ്ങിയ ക്ലാസിക് ചിത്രമായ ഒരു വടക്കന് വീരഗാഥ വീണ്ടും റിലീസിന് എത്തുന്നു. 2025…
നിങ്ങളുടെ സൗഹൃദത്തിലേക്ക് ഇന്നുമുതൽ പുതിയ ഒരു ബെസ്റ്റി കടന്നു വരുന്നു എന്ന പരസ്യ വാചകവുമായി എത്തിയ ചിത്രമാണ് 'ബെസ്റ്റി'. ഷാനു…
പ്രേക്ഷകർ ആകാംക്ഷയോടെ കാത്തിരിക്കുന്ന 'ബെസ്റ്റി'യുടെ ട്രെയിലർ എത്തി. ഒരു കംപ്ലീറ്റ് ഫാമിലി എന്റർടൈനർ ആണ് സിനിമയെന്നാണ് ട്രെയിലർ നൽകുന്ന സൂചന.…
This website uses cookies.