മധുര രാജ എട്ടു നിലയിൽ പൊട്ടുമോ? മരണ മാസ്സ് മറുപടിയുമായി വൈശാഖ്..!

മോഹൻലാലിനെ നായകനാക്കി പുലി മുരുകൻ എന്ന ബ്രഹ്മാണ്ഡ ഹിറ്റ് ഒരുക്കിയ സംവിധായകൻ ആണ് വൈശാഖ്. നൂറ്റമ്പതു കോടി കളക്ഷൻ നേടിയ ഈ ചിത്രത്തിന് ശേഷം വൈശാഖ് ഒരുക്കുന്നത് മധുര രാജ എന്ന മമ്മൂട്ടി ചിത്രമാണ്. വൈശാഖിന്റെ അരങ്ങേറ്റ ചിത്രമായ പോക്കിരി രാജയിൽ മമ്മൂട്ടി അവതരിപ്പിച്ച രാജ എന്ന കഥാപാത്രത്തെയാണ് മധുര രാജയിലൂടെ  വൈശാഖ് വീണ്ടും എത്തിക്കുന്നത്. ബിഗ് ബഡ്ജറ്റിൽ ഒരുക്കുന്ന ഈ മാസ്സ് മസാല എന്റെർറ്റൈനെർ ഈ വരുന്ന ഏപ്രിൽ മാസത്തിൽ ആണ് റിലീസ് ചെയ്യാൻ പോകുന്നത്. മധുര രാജയുടെ അവസാന ഘട്ട ചിത്രീകരണം ഇപ്പോൾ നടക്കുകയാണ്. അതിനിടയിൽ ആണ്  വൈശാഖ് ഫേസ്ബുക്കിൽ ഇട്ട ഒരു പോസ്റ്റിൽ, ഒരാൾ മധുര രാജ എന്ന ഈ ചിത്രം എട്ടു നിലയിൽ പൊട്ടും എന്ന് കമന്റ് ഇട്ടതു.

എന്നാൽ ചേട്ടൻ ഇവിടെയൊക്കെ തന്നെ കാണുമല്ലോ എന്ന അർത്ഥത്തിൽ വൈശാഖ് ഇട്ട മരണ മാസ്സ് മറുപടി ആണ് ഇപ്പോൾ സോഷ്യൽ മീഡിയയിൽ വൈറൽ ആയിരിക്കുന്നത്. ഉദയ കൃഷ്ണ തിരക്കഥ രചിച്ച ഈ ചിത്രം നിർമ്മിക്കുന്നത് നെൽസൺ ഐപ്പ് എന്ന പുതിയ നിർമ്മാതാവാണ്. വമ്പൻ താര നിര അണിനിരക്കുന്ന ഈ ചിത്രത്തിൽ ബോളിവുഡ് താര സുന്ദരി സണ്ണി ലിയോണിയുടെ ഐറ്റം ഡാൻസും ഉണ്ട്. തമിഴ് നടൻ ജയ്, തെലുങ്കു നടൻ ജഗപതി ബാബു എന്നിവരും ഈ ചിത്രത്തിൽ നിർണ്ണായക വേഷങ്ങൾ ചെയ്യുന്നുണ്ട്. പീറ്റർ ഹെയ്‌ൻ സംഘട്ടന സംവിധാനം നിർവഹിച്ച ഈ ചിത്രത്തിന് സംഗീതം ഒരുക്കുന്നത് ഗോപി സുന്ദറും ക്യാമറ ചലിപ്പിക്കുന്നത് ഷാജി കുമാറും ആണ്. ജോൺകുട്ടി ആണ് മധുര രാജയുടെ എഡിറ്റർ.