മലയാളത്തിലെ യുവ സൂപ്പർ താരമായ പൃഥ്വിരാജ് സുകുമാരൻ ഒരു സംവിധായകൻ എന്ന നിലയിൽ കൂടി കഴിവ് തെളിയിച്ച ആളാണ്. മോഹൻലാലിനെ നായകനാക്കി ലൂസിഫർ എന്ന ചിത്രമൊരുക്കിയ അരങ്ങേറിയ ആളാണ് അദ്ദേഹം. നൂറു കോടി ക്ലബിൽ ഇടം പിടിച്ച ലൂസിഫറിന് ശേഷം പൃഥ്വിരാജ് ഒരുക്കാനിരുന്നത് മോഹൻലാൽ തന്നെ നായകനായ അതിന്റെ രണ്ടാം ഭാഗമാണ്. എന്നാൽ കോവിഡ് പ്രതിസന്ധി മൂലം അതിന്റെ ഷൂട്ടിംഗ് തുടങ്ങാൻ വൈകിയപ്പോൾ പൃഥ്വിരാജ് മറ്റൊരു ചിത്രമാണ് ഒരുക്കിയത്. കംപ്ലീറ്റ് ആക്ടർ മോഹൻലാലിനെ തന്നെ വീണ്ടും നായകനാക്കി ഒരുക്കിയ ആ ചിത്രത്തിന്റെ പേര് ബ്രോ ഡാഡി എന്നാണ്. സംവിധാനത്തിനൊപ്പം പൃഥ്വിരാജ് അഭിനയിക്കുക കൂടി ചെയ്ത ഈ ചിത്രം ഇപ്പോൾ അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം ഒരു ഫാമിലി കോമഡി എന്റെർറ്റൈനെർ ആയാണ് ഒരുക്കിയിരിക്കുന്നത്. ഇപ്പോഴിതാ, കോവിഡ് പ്രതിസന്ധി മൂലം തീയറ്ററുകൾ അടഞ്ഞു കിടക്കുന്നതിനാലും, ഇനി തുറന്നാൽ തന്നെ അമ്പതു ശതമാനം ആളുകളെ മാത്രമേ പ്രവേശിപ്പിക്കു എന്നതിനാലും പല ചിത്രങ്ങൾക്ക് ഒപ്പം ബ്രോ ഡാഡിയും ഒടിടി റിലീസ് ആയാവും എത്തുക എന്ന വാർത്തകൾ വന്നിരുന്നു.
ഡിസ്‌നി ഹോട്ട് സ്റ്റാർ പ്ലാറ്റ്‌ഫോം റെക്കോർഡ് തുകയാണ് ഈ ചിത്രത്തിന് ഓഫർ ചെയ്തിരിക്കുന്നത് എന്നാണ് റിപ്പോർട്ടുകൾ പറയുന്നത്. ബ്രോ ഡാഡി തീയേറ്റർ റിലീസ് ആയിരിക്കുമോ എന്ന ചോദ്യത്തിന് ഇപ്പോൾ പൃഥ്വിരാജ് മറുപടി പറയുകയാണ്. ആമസോൺ പ്രൈം റിലീസ് ആയി എത്തുന്ന തന്റെ ചിത്രം ഭ്രമത്തിന്റെ പ്രമോഷന്റെ ഭാഗമായി ഏഷ്യാനെറ്റ് ന്യൂസിന് നൽകിയ അഭിമുഖത്തിൽ ആണ് പൃഥ്വിരാജ് അതിനെക്കുറിച്ചു പ്രതികരിച്ചത്. ബ്രോ ഡാഡിയുടെ നിര്‍മ്മാതാവ് തീരുമാനിക്കേണ്ട കാര്യമാണ് അതെന്നും തിയറ്റര്‍ റിലീസ് ആണോ ഒടിടി റിലീസ് ആണോ എന്നതിനേക്കാള്‍ താൻ ആഗ്രഹിക്കുന്നത്, ഇപ്പോഴത്തെ സാഹചര്യത്തിൽ പരമാവധി ആളുകള്‍ക്ക് കാണാൻ സാധിക്കണം എന്ന് മാത്രമാണെന്നും പൃഥ്വിരാജ് പറയുന്നു. ഈ കാര്യത്തിൽ നിര്‍മ്മാതാവിന്‍റെ തീരുമാനം എന്താണോ, അതിൽ തനിക്കു യാതൊരു പരാതിയുമില്ല എന്നും, ഏറ്റവും കൂടുതല്‍ ആളുകള്‍ക്ക് സിനിമ കാണാന്‍ പറ്റണമെന്നേ ഒരു സംവിധായകൻ എന്ന നിലയിൽ തനിക്കു ആഗ്രഹമുള്ളു എന്നും പൃഥ്വിരാജ് പറഞ്ഞു. ശ്രീജിത്ത് എന്‍, ബിബിന്‍ മാളിയേക്കല്‍ എന്നിവർ രചിച്ച ബ്രോ ഡാഡിയിൽ കല്യാണി പ്രിയദര്‍ശന്‍, മീന, ലാലു അലക്സ്, മുരളി ഗോപി, കനിഹ, സൗബിന്‍ ഷാഹിര്‍, കാവ്യ ഷെട്ടി എന്നിവരും അഭിനയിക്കുന്നുണ്ട്.
ജയസൂര്യയും വിനായകനും പ്രധാന വേഷങ്ങളിലെത്തുന്ന പ്രിൻസ് ജോയ് ചിത്രം ‘ടൈറ്റൻസി’ന്റെ അഡ്വാൻസ് ടിക്കറ്റ് ബുക്കിംഗ് ആരംഭിച്ചു. ഒക്ടോബർ 22ന് ആഗോളതലത്തിൽ…
അനൂപ് മേനോനും ഐശ്വര്യ മിഥുൻ കോറോത്തും പ്രധാന വേഷങ്ങളിൽ എത്തിയ ചിത്രം 'ചിരം ' കണ്ട എംഎൽഎ ഫാത്തിമ തഹ്ളിയ…
ജയസൂര്യയും വിനായകനും പ്രധാന വേഷങ്ങളിലെത്തുന്ന ‘ടൈറ്റൻസ്’ സിനിമയുടെ സെൻസറിംഗ് പൂർത്തിയായി. ചിത്രത്തിന് U/A 16+ സർട്ടിഫിക്കറ്റാണ് ലഭിച്ചത്. പ്രിൻസ് ജോയ്…
ജയസൂര്യയെ നായകനാക്കി പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസി’ലെ വീഡിയോ ഗാനം ‘ആഗോള ശൃംഖല’ പുറത്തിറങ്ങി. വൈക്കം വിജയലക്ഷ്മിയും സന്നിധാനന്ദനും…
ദിലീപിനെ നായകനാക്കി ജഗൻ ഷാജി കൈലാസ് സംവിധാനം ചെയ്യുന്ന ‘നീക്കം’ സിനിമയുടെ ടീസർ പുറത്തിറങ്ങി. ത്രില്ലർ സ്വഭാവമുള്ള ദൃശ്യങ്ങളും പശ്ചാത്തല…
സൂപ്പർഹിറ്റായ ‘എബ്രഹാം ഓസ്‌ലറി’ന് ശേഷം നേരമ്പോക്ക് ബാനറിൽ ഒരുങ്ങുന്ന പുതിയ ചിത്രം ‘ടൈറ്റൻസ്’ന്റെ ട്രെയ്‌ലർ പുറത്തിറങ്ങി. ജയസൂര്യ, വിനായകൻ, ബേബി…
This website uses cookies.