മലയാളത്തിലെ സൂപ്പർ ഹിറ്റ് സംവിധായകരിലൊരായ ഷാജി കൈലാസ് ആറ് വർഷത്തെ ഇടവേളക്ക് ശേഷം തിരിച്ചു വന്ന ചിത്രമാണ് ഈ വർഷം റിലീസ് ചെയ്ത കടുവ. ബ്ലോക്ക്ബസ്റ്റർ വിജയം നേടിയ ഈ ഷാജി കൈലാസ് ചിത്രത്തിൽ നായകനായി എത്തിയത് പൃഥ്വിരാജ് സുകുമാരനാണ്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ, പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോൻ എന്നിവർ ചേർന്ന് നിർമ്മിച്ച ഈ മാസ്സ് ചിത്രം രചിച്ചത് ജിനു എബ്രഹാമാണ്. ബോളിവുഡ് താരം വിവേക് ഒബ്റോയ് വില്ലൻ വേഷം ചെയ്ത ഈ ചിത്രത്തിൽ കടുവക്കുന്നേൽ കുര്യച്ചൻ എന്ന കഥാപാത്രമാണ് പൃഥ്വിരാജ് ചെയ്തത്. ഈ ചിത്രത്തിൽ കുര്യച്ചന്റെ അച്ഛനായ കടുവക്കുന്നേൽ കൊരുത് മാപ്പിള എന്ന കഥാപാത്രത്തെ കുറിച്ചും പറയുന്നുണ്ട്. ആ കഥാപാത്രത്തെ നായകനാക്കി ഒരു ചിത്രവും പ്ലാൻ ചെയ്യുന്നുണ്ട് എന്നാണ് പൃഥ്വിരാജ് കഴിഞ്ഞ ദിവസം നടന്ന കടുവ വിജയാഘോഷ ചടങ്ങിൽ പ്രഖ്യാപിച്ചത്.
മോഹൻലാൽ, മമ്മൂട്ടി, സുരേഷ് ഗോപി ഇവരിലാരെങ്കിലും ആ വേഷം ചെയ്യണം എന്നാണ് തങ്ങളുടെ ആഗ്രഹമെന്നും, ഇനി അവരെ കിട്ടിയില്ലെങ്കിൽ താൻ തന്നെ നരയിട്ട് ആ വേഷം ചെയ്യാൻ ഇറങ്ങുമെന്നും പൃഥ്വിരാജ് പറയുന്നു. ചിത്രത്തിലെ ഒരു രംഗത്തിൽ പോലും പ്രത്യക്ഷപ്പെടാതെ, അതിലെ മറ്റ് കഥാപാത്രങ്ങളുടെ വാക്കുകളിലൂടെ മാത്രം വലിയ ഹൈപ്പ് ലഭിച്ച ഒരു കഥാപാത്രമാണ് കടുവക്കുന്നേൽ കൊരുത് മാപ്പിള. ബിഗ് ബഡ്ജറ്റ് മാസ്സ് ചിത്രങ്ങൾ കാണാനും അത്തരം ചിത്രങ്ങൾ ചെയ്യാനും ഏറെ ഇഷ്ടമുള്ള ആളാണ് താനെന്നും, അത്തരം ചിത്രങ്ങളുടെ തമ്പുരാനാണ് ഷാജി കൈലാസ് എന്നും പൃഥ്വിരാജ് പറയുന്നു. പൃഥ്വിരാജ് തന്നെ നായകനായ കാപ്പ എന്ന മാസ്സ് ചിത്രമാണ് ഷാജി കൈലാസിന്റെ അടുത്ത റിലീസ്. അത് കൂടാതെ മോഹൻലാൽ നായകനായ പരീക്ഷണ ചിത്രം എലോണും ഷാജി കൈലാസ് ഒരുക്കി റിലീസ് കാത്തിരിക്കുന്ന ചിത്രമാണ്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.