ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്ന ഒരു ചർച്ചയാണ് ബ്ലോക്ക്ബസ്റ്റർ മലയാള സിനിമാ സീരിസായ ദൃശ്യത്തിന് ഒരു മൂന്നാം ഭാഗം വരുമോ എന്നത്. മലയാളികൾ മാത്രമല്ല, ഇന്ത്യ മുഴുവനുമുള്ള സിനിമാ പ്രേമികൾ ആകാംഷയോടെ കാത്തിരിക്കുന്ന ഒരു ചിത്രമാണ് ദൃശ്യം 3. മോഹൻലാലിനെ നായകനാക്കി ജീത്തു ജോസഫ് രചിച്ച് സംവിധാനം ചെയ്ത ദൃശ്യം 2013 ലാണ് റിലീസ് ചെയ്തത്. അമ്പത് കോടി ഗ്രോസ് എന്ന നേട്ടം മലയാള സിനിമക്ക് ആദ്യമായി സമ്മാനിച്ച ഈ ചിത്രം അതിന് ശേഷം തമിഴ്, ഹിന്ദി, കന്നഡ, തെലുങ്ക്, സിംഹളീസ്, ചൈനീസ്, ഇൻഡോനേഷ്യൻ തുടങ്ങി ഏഴോളം ഭാഷകളിലേക്കാണ് റീമേക്ക് ചെയ്തത്. അവിടെയെല്ലാം ഈ ചിത്രം വമ്പൻ ഹിറ്റായി മാറി. കഴിഞ്ഞ വർഷമാണ് ഇതിന്റെ രണ്ടാം ഭാഗമായ ദൃശ്യം 2 റിലീസായത്. ആഗോള തലത്തിലാണ് ഈ ചിത്രം അഭിനന്ദിക്കപ്പെട്ടത്. ഇന്ത്യൻ സിനിമയുടെ ചരിത്രത്തിലെ തന്നെ ഏറ്റവും മികച്ച രണ്ടാം ഭാഗമെന്നാണ് പ്രേക്ഷകരും നിരൂപകരും ഇതിനെ വിശേഷിപ്പിച്ചത്.
ഇപ്പോഴിതാ ഇതിന്റെ മൂന്നാം ഭാഗം എന്നുവരുമെന്നുള്ള ആകാംഷയിലാണ് പ്രേക്ഷകർ. മൂന്നാം ഭാഗത്തോടെയാണ് ഇതിന്റെ കഥ അവസാനിക്കുക എന്നും, അതിന്റെ ഒരു ബീജം തന്റെ മനസ്സിലുണ്ടെന്നും ജീത്തു ജോസഫ് വെളിപ്പെടുത്തിയിരുന്നു. പക്ഷെ ഏറ്റവും മികച്ച ഒരു കഥ രൂപപ്പെടുത്താൻ കഴിഞ്ഞാൽ മാത്രമേ താനത് ചെയ്യൂ എന്നും അദ്ദേഹം പറഞ്ഞിരുന്നു. ഏതായാലും ദൃശ്യം സീരിസിൽ ഒരു പ്രധാന കഥാപാത്രം ചെയ്ത ആശ ശരത്തും അത് തന്നെയാണ് പ്രതീക്ഷിക്കുന്നത്. അതിന്റെ കഥയൊരുങ്ങുകയാണെന്നും ദൃശ്യം 3 വരുമെന്നാണ് തന്റെ പ്രതീക്ഷയെന്നും ആശ ശരത് പറയുന്നു. മോഹൻലാൽ അവിസ്മരണീയമാക്കിയ ജോർജ്കുട്ടി എന്ന കഥാപാത്രത്തെ നമ്മുക്ക് പൂട്ടണ്ടേ എന്നും ആശ ശരത് ചോദിക്കുന്നുണ്ട്. ഇപ്പോൾ മോഹൻലാൽ തന്നെ നായകനായ റാം എന്ന 2 ഭാഗമുള്ള ചിത്രമൊരുക്കുകയാണ് ജീത്തു ജോസഫ്. അതിന് ശേഷം അദ്ദേഹം ദൃശ്യം 3 ന്റെ രചനയിലേക്കു കടക്കുമെന്നാണ് അറിയിച്ചിരിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.