വിവേകം ആദ്യ ദിനത്തിൽ കേരളത്തിൽ നിന്നും നേടിയത്..

തമിഴ് സിനിമ ലോകം കാത്തിരുന്ന ചിത്രമായിരുന്നു തല അജിത് കുമാർ നായകനായ വിവേകം. തമിഴ് നാട്ടിൽ എന്ന പോലെ വമ്പൻ റിലീസായിരുന്നു കേരളത്തിലും വിവേകത്തിന് ലഭിച്ചത്.

പുലിമുരുകൻ എന്ന ബ്രഹ്‌മാണ്ഡ ചിത്രത്തിന്റെ നിമ്മാതാവായ ടോമിച്ചൻ മുളക്‌പാടമാണ് വിവേകം കേരളത്തിൽ റിലീസിന് എത്തിച്ചത്.

ആരാധകർക്ക് വേണ്ടിയുള്ള പതിവ് ശൈലിയിൽ ഒരു മാസ്സ് മസാല ചിത്രമായാണ് വിവേകവും ഒരുക്കിയിരിക്കുന്നത്.

ബാഹുബലി 2വിന്റെ റിലീസിനെ അനുസ്മരിപ്പിക്കുന്ന റിലീസാണ് വിവേകത്തിന് കേരളത്തിൽ ലഭിച്ചത്. കേരളത്തിലെ 309 സെന്ററുകളിൽ ആണ് ചിത്രം റിലീസിനെത്തിയത്. 1650 ഷോ ആദ്യ ദിവസം ചിത്രത്തിന് ലഭിച്ചു.

വിവേകത്തിന് ആദ്യ ദിനം കേരളത്തിൽ നിന്നും ലഭിച്ചത് 2 കോടി 87 ലക്ഷം രൂപ (28789770 രൂപ)യാണെന്ന് വിതരണക്കാരനായ ടോമിച്ചൻ മുളക്പാടം മാധ്യമങ്ങളോട് പറഞ്ഞു.

വലിയൊരു ഫാൻ ഫോളോവിങ് കേരളത്തിൽ ഇല്ലാത്ത അജിത്തിന്റെ ചിത്രത്തിന് ആദ്യ ദിനം ഇത്ര കലക്ഷൻ ലഭിക്കുക എന്നത് വലിയ നേട്ടമായാണ് കണക്കാക്കുന്നത്