വിശ്വക് സെന്നിന്റെ ദാസ് കാ ധാമ്കി എന്ന ചിത്രം 2023 ഫെബ്രുവരിയിൽ പ്രേക്ഷകരുടെ മുന്നിലെത്തും. വിശ്വക് സെൻ – നിവേദ പേഥുരാജ് ടീം ഒരുമിച്ചെത്തുന്ന ഈ ചിത്രം വാൻമയ ക്രിയേഷൻസിൻ്റേയും വിശ്വക് സെൻ സിനിമാസിൻ്റേയും ബാനറിൽ ആണ് നിർമ്മിച്ചിരിക്കുന്നത്. 2023 ഫെബ്രുവരിയിൽ ഈ ചിത്രം ആഗോള റിലീസായി എത്തിക്കാനാണ് അണിയറ പ്രവർത്തകരുടെ ശ്രമം. യുവ പ്രേക്ഷകരുടെ ഹരമായി മാറിയ വിശ്വക് സെൻ, തൻ്റെ മുൻ ചിത്രമായ ‘ഫലക് നുമ ദാസി ‘ലൂടെയാണ് വമ്പൻ ജനപ്രീതി നേടിയെടുത്തത്. വാൻമയ ക്രിയേഷൻസിൻ്റേയും, വിശ്വക് സെൻ സിനിമാസിൻ്റേയും ബാനറിൽ, കരാട്ടേ രാജു നിർമ്മിക്കുന്ന ദാസ് കാ ധാമ്കിയുടെ തിരക്കഥയും സംവിധാനവും ഇതിലേ നായകനായ വിശ്വക് സെൻ തന്നെയാണ് നിർവഹിച്ചിരിക്കുന്നത്. ഈ ചിത്രത്തിന്റെ സംഭാഷണം രചിച്ചിരിക്കുന്നത് പ്രസന്നകുമാറാണ്.
ഇപ്പോൾ റിലീസ് ചെയ്തിരിക്കുന്ന “ദാസ് കാ ധാമ്കി “യുടെ ഫസ്റ്റ് ലുക്ക് പോസ്റ്ററിൽ സ്റ്റൈലിഷ്- മാസ്സ് ലുക്കിലാണ് വിശ്വക് സെൻ പ്രത്യക്ഷപ്പെട്ടിരിക്കുന്നത്. ഒരു മാസ്- ആക്ഷൻ കഥാപാത്രമായാണ് അദ്ദേഹം ഈ ചിത്രത്തിൽ പ്രത്യക്ഷപ്പെടുന്നത് എന്നാണ് ഈ പോസ്റ്റർ നമ്മുക്ക് നൽകുന്ന സൂചന. പ്രേക്ഷകർ ഏറെ കാത്തിരിക്കുന്ന ഈ ആക്ഷൻ ത്രില്ലർ ചിത്രം അവർക്ക് ഇതുവരെ കാണാത്ത ഒരു സിനിമാനുഭവം സമ്മാനിക്കുമെന്നാണ് അണിയറ പ്രവർത്തകരുടെ പ്രതീക്ഷ. ഇപ്പോൾ ഹൈദരാബാദിൽ ഷൂട്ടിംഗ് പുരോഗമിക്കുന്ന ഈ സിനിമക്ക് വേണ്ടി ഗംഭീര ആക്ഷൻ രംഗങ്ങൾ ഒരുക്കിയിരിക്കുന്നത്, ബൾഗേറിയൻ ഫൈറ്റ് മാസ്റ്ററായ ടൊഡോർ ലാസ റോവ് – ജുജി ആണ്. അദ്ദേഹത്തെ കൂടാതെ ഹരിഹര മല്ലു ഒരുക്കിയിരിക്കുന്ന ക്ലൈമാക്സ് ആക്ഷൻ രംഗങ്ങളും ഈ ചിത്രത്തിന്റെ ഹൈലൈറ്റായി മാറുമെന്നാണ് സൂചന. ബിംബിസാര ആക്ഷൻ കോറിയോഗ്രാഫർ രാമകൃഷ്ണ മാസ്റ്ററ്റും, വെങ്കട് മാസ്റ്ററും ഈ ചിത്രത്തിന്റെ ഭാഗമായിട്ടുണ്ട് എന്ന വസ്തുതയും എടുത്തു പറയണം. ദിനേഷ് കെ ബാബു ഛായാഗ്രഹണവും, ലിയോൺ ജയിംസ് സംഗീതവും, അൻവർ അലി എഡിറ്റിംഗും നിർവഹിച്ചിരിക്കുന്ന ഈ ചിത്രം തെലുങ്ക്, തമിഴ്, മലയാളം, ഹിന്ദി ഭാഷകളിലായാണ് റിലീസ് ചെയ്യുക. റാവു രമേഷ്, ഹൈപ്പർ ആദി, രോഹിണി, പൃഥിരാജ് എന്നിവരും ഈ ചിത്രത്തിന്റെ താരനിരയിലുണ്ട്.
ഫോട്ടോ കടപ്പാട്: ഇൻസ്റ്റാഗ്രാം
ധ്യാൻ ശ്രീനിവാസൻ, ധ്രുവൻ, അനീഷ് ഗോപാൽ, അഭിഷേക് ശ്രീകുമാർ, ശ്രുതി ജയൻ, നയന എൽസ, നൈറ നിഹാർ, അർച്ചന വിവേക്…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രം 'ജി.ഡി. നായിഡു' എന്ന സിനിമയുടെ പ്രചാരണത്തിന്റെ ഭാഗമായി, ചിത്രത്തിൽ ഉപയോഗിച്ചിട്ടുള്ള…
മോഹൻലാലിന്റെ മകൾ വിസ്മയ മോഹൻലാൽ അഭിനയരംഗത്തേക്ക് അരങ്ങേറ്റം കുറിക്കുന്ന ‘തുടക്കം’ എന്ന ചിത്രത്തിന്റെ ട്രെയിലർ പുറത്തിറങ്ങി. ‘2018’ എന്ന മെഗാഹിറ്റ്…
ആർ. മാധവൻ നായകനാകുന്ന 'ജി.ഡി.എൻ' ഓഗസ്റ്റ് 7ന് തിയറ്ററുകളിലെത്താനിരിക്കെ സിനിമയുടെ അണിയറപ്രവർത്തകർ പ്രേക്ഷകർക്കായി പ്രത്യേക മത്സരം പ്രഖ്യാപിച്ചു. നിർമാതാക്കൾ പങ്കുവെച്ചിരിക്കുന്ന…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ബയോപിക് ചിത്രം 'ജി.ഡി.എൻ' ഓഗസ്റ്റ് 7ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. റിലീസ് തീയതി…
ബ്ലെസ്സൺ എൽസ സംവിധാനം ചെയ്യുന്ന ധ്യാൻ ശ്രീനിവാസൻ ചിത്രത്തിലെ''കൊതിയാലേറെ മതിയാകാതെ പൊതിരെ അനുരാഗം'' എന്ന് തുടങ്ങുന്ന ഗാനം റിലീസ് ആയി.…
This website uses cookies.