ഇന്ന് മലയാള സിനിമയിലെ ഏറ്റവും ജനപ്രിയരായ തിരക്കഥാ രചയിതാക്കളാണ് വിഷ്ണു ഉണ്ണികൃഷ്ണൻ- ബിബിൻ ജോർജ് ടീം. അമർ അക്ബർ അന്തോണി, കട്ടപ്പനയിലെ ഹൃതിക് റോഷൻ, ഒരു യമണ്ടൻ പ്രേമകഥ എന്നീ മൂന്നു സൂപ്പർ ഹിറ്റുകൾ ആണ് ഈ കൂട്ടുകെട്ട് നമ്മുക്ക് സമ്മാനിച്ചത്. അത് കൂടാതെ അഭിനേതാക്കൾ എന്ന നിലയിലും ഇരുവരും ഇന്ന് മലയാള സിനിമാ പ്രേമികൾക്കിടയിൽ സുപരിചിതരാണ്. വിഷ്ണു ഉണ്ണികൃഷ്ണൻ പ്രധാന വേഷത്തിൽ എത്തുന്ന പുതിയ ചിത്രമാണ് ചിൽഡ്രൻസ് പാർക്ക്. ഷറഫുദീൻ, ധ്രുവൻ എന്നിവരും പ്രധാന വേഷങ്ങൾ ചെയ്യുന്ന ഈ ചിത്രം സംവിധാനം ചെയ്തത് ഷാഫിയും രചിച്ചത് റാഫിയും ആണ്.
പണ്ട് ഷാഫി സംവിധാനം ചെയ്ത പുലിവാൽ കല്യാണം എന്ന സൂപ്പർ ഹിറ്റ് ചിത്രത്തിന്റെ ലൊക്കേഷനിൽ താൻ അവസരം ചോദിച്ചു പോയിട്ടുണ്ട് എന്നും ഇപ്പോൾ അതേ സംവിധായകന്റെ ചിത്രത്തിൽ തന്നെ പ്രധാന വേഷങ്ങളിൽ ഒന്ന് ചെയ്യുന്നത് മഹാ ഭാഗ്യം ആയാണ് കരുതുന്നത് എന്നും വിഷ്ണു ഉണ്ണികൃഷ്ണൻ പറയുന്നു. അതുപോലെ ടു കൺഡ്രീസിനു ശേഷം റാഫി- ഷാഫി കൂട്ടുകെട്ട് ഒന്നിക്കുന്ന ചിത്രത്തിൽ അഭിനയിക്കാൻ സാധിച്ചതും ഭാഗ്യമായി തന്നെയാണ് വിഷ്ണു കാണുന്നത്. വരുന്ന ജൂണിൽ ഈദ് റിലീസ് ആയി ഈ ചിത്രം പ്രദർശനത്തിന് എത്തും. അതുപോലെ തന്നെ തങ്ങളുടെ അടുത്ത ചിത്രം മോഹൻലാൽ നായകനായി ഉള്ളതാണെന്നുള്ള ഗോസിപ്പുകൾ വിഷ്ണു നിഷേധിച്ചിട്ടുണ്ട്. അത് തങ്ങളുടെ വലിയ ഒരു ആഗ്രഹം ആണെന്നതല്ലാതെ അതിന്റെ തിരക്കഥ ഒന്നും തയ്യാറായിട്ടില്ല എന്നും വിഷ്ണു പറയുന്നു. മോഹൻലാൽ- സിദ്ദിഖ് കൂട്ടുകെട്ടിൽ ഒരുങ്ങുന്ന ബിഗ് ബ്രദർ എന്ന ചിത്രത്തിൽ വിഷ്ണു ഉണ്ണികൃഷ്ണൻ അഭിനയിക്കുന്നുണ്ട് എന്നാണ് റിപ്പോർട്ടുകൾ പറയുന്നത്.
രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി' എന്ന ചിത്രം…
ജനസേന പാർട്ടി അധ്യക്ഷനും ആന്ധ്രാപ്രദേശ് ഉപമുഖ്യമന്ത്രിയുമായ ശ്രീ പവൻ കല്യാൺ തിരുപ്പതിയിൽ പൊതുയോഗത്തിൽ ജനങ്ങളെ അഭിസംബോധനം ചെയ്യുന്ന ലൈവ് വീഡിയോ…
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
This website uses cookies.