വീണ്ടും ബോക്സ് ഓഫീസ് വിജയം ആവർത്തിക്കാൻ വിഷ്ണു ഉണ്ണികൃഷ്ണൻ- ധർമജൻ ടീം; വികട കുമാരൻ എത്തുന്നു..!

വിഷ്ണു ഉണ്ണികൃഷ്ണൻ എന്ന പുതിയ നായകനെ മലയാളികൾക്ക് തന്ന ചിത്രമാണ് നാദിർഷ സംവിധാനം ചെയ്ത കട്ടപ്പനയിലെ ഹൃതിക് റോഷൻ. വിഷ്ണുവും ബിബിൻ ജോര്ജും ചേർന്ന് തിരക്കഥയൊരുക്കിയ ആ ചിത്രത്തിൽ വിഷ്ണു ഉണ്ണിക്കൃഷനൊപ്പം നിന്ന് കയ്യടി നേടിയ താരമാണ് ധർമജൻ ബോൾഗാട്ടി. ഈ കൂട്ടുകെട്ട് പ്രേക്ഷകർ ഹൃദയം കൊണ്ട് സ്വീകരിച്ചതോടെ വമ്പൻ വിജയമാണ് കട്ടപ്പനയിലെ ഹൃതിക് റോഷൻ നേടിയത്.

ആ വിജയം ഒരിക്കൽ കൂടി ആവർത്തിക്കാൻ ഈ കൂട്ടുകെട്ട് ഒരിക്കൽ കൂടി വെള്ളിത്തിരയിൽ എത്തുകയാണ്. വിഷ്ണു ഉണ്ണികൃഷ്ണൻ നായകനായി എത്തുന്ന വികട കുമാരൻ എന്ന ചിത്രത്തിലാണ് വിഷ്ണുവിന് ഒപ്പം നിൽക്കുന്ന കഥാപാത്രവുമായി ധർമജനും എത്തുന്നത്. ബോബൻ സാമുവൽ സംവിധാനം ചെയ്ത ഈ ചിത്രം വരുന്ന മാർച്ചു ഇരുപത്തിയൊൻപത്തിനു തീയേറ്ററുകളിൽ എത്തും.

വൈ വി രാജേഷ് തിരക്കഥയൊരുക്കിയ ഈ ചിത്രം നിർമ്മിച്ചിരിക്കുന്നത് ചാന്ദ് വി ക്രീയേഷന്സിന്റെ ബാനറിൽ അരുൺ ഘോഷ്, ബിജോയ് ചന്ദ്രൻ എന്നിവർ ചേർന്നാണ്. വിഷ്ണു ഉണ്ണികൃഷ്ണൻ വക്കീൽ ആയാണ് ഈ ചിത്രത്തിൽ അഭിനയിക്കുന്നത്. ആ വക്കീലിന്റെ ഗുമസ്തൻ ആയാണ് ധർമജൻ അഭിനയിച്ചിരിക്കുന്നത്. ഇരുവരും ചേർന്ന് തിയേറ്ററിൽ പൊട്ടിച്ചിരി സൃഷ്ടിക്കുന്ന ഒരുപാട് രംഗങ്ങൾ ഈ സിനിമയിൽ ഉണ്ടാകുമെന്നുള്ള സൂചനയാണ് ചിത്രത്തിന്റെ ട്രൈലെർ നൽകിയത്.

ഇവരെ കൂടാതെ മാനസ്സാ രാധാകൃഷ്ണൻ, റാഫി, ജയരാജ് വാര്യർ, , ഇന്ദ്രൻസ്, ബൈജു, ജിനു ജോസ്, സുനിൽ സുഗത, ദേവിക നമ്പ്യാർ, പാർവതി നായർ, ശ്രീലക്ഷ്മി ഗീതാനന്ദൻ, സീമ ജി നായർ എന്നിവരും ഈ ചിത്രത്തിൽ അഭിനയിച്ചിട്ടുണ്ട്. അജയ് ഡേവിഡ് കാച്ചപ്പിള്ളി ദൃശ്യങ്ങൾ ഒരുക്കിയ ഈ ചിത്രത്തിന് എഡിറ്റിംഗ് നിർവഹിച്ചിരിക്കുന്നതു ദീപു ജോസഫ് ആണ്. ഈ ചിത്രത്തിന് സംഗീതം പകർന്നിരിക്കുന്നത് രാഹുൽ രാജ് ആണ്. വികട കുമാരനിലെ ഒരു ഗാനം ഇപ്പോഴേ സൂപ്പർ ഹിറ്റായി കഴിഞ്ഞു.