പ്രതീക്ഷകൾ ഏറുന്നു; ബോക്സ് ഓഫീസിൽ തരംഗം സൃഷ്ടിക്കാൻ സ്വാതന്ത്ര്യം അർദ്ധരാത്രിയിൽ തീയേറ്ററുകളിലേക്കു ..!

നവാഗതനായ ടിനു പാപ്പച്ചൻ സംവിധാനം ചെയ്ത സ്വാതന്ത്ര്യം അർദ്ധരാത്രിയിൽ എന്ന ചിത്രം തീയേറ്ററുകളിൽ എത്താൻ ഇനി ദിവസങ്ങൾ മാത്രമേ ബാക്കിയുള്ളു. ആന്റണി വർഗീസ് നായകനായി എത്തുന്ന ഈ ചിത്രം ഇപ്പോഴേ വമ്പൻ ഹൈപ്പ് ആണ് സൃഷ്ടിച്ചിരിക്കുന്നത്. മാത്രമല്ല ഈ ചിത്രത്തിലെ ഓരോ പുതിയ പോസ്റ്ററുകളും പുറത്തു വരുമ്പോഴും പ്രേക്ഷകരുടെ പ്രതീക്ഷകൾ ഏറുകയാണ് എന്ന് തന്നെ പറയാം. മലയാള സിനിമാ പ്രേമികൾ ഈ സീസണിൽ ഏറ്റവും അധികം കാത്തിരിക്കുന്ന ചിത്രമാണിതെന്നു നിസംശയം പറയാം നമ്മുക്ക്.

2.4 മില്യൺ വ്യൂസ് നേടിയ തകർപ്പൻ മോഷൻ പോസ്റ്റർ, പ്രതീക്ഷകൾ ഏറെ നൽകുന്ന കിടിലൻ പോസ്റ്ററുകൾ, അതിനെല്ലാം മേലെ നിൽക്കുന്ന 1 മില്യൺ വ്യൂസ് നേടിയ കിടു ട്രെയ്‌ലറും. സോഷ്യൽ മീഡിയയിൽ തരംഗമായി മാറിയ ഈ ട്രെയിലറിന് പുറമെ വമ്പൻ പ്രേക്ഷക ശ്രദ്ധ നേടിയ ഇതിന്റെ മാസ്സ് പോസ്റ്ററുകളും ഈ ചിത്രത്തെ വമ്പൻ പ്രതീക്ഷയോടെ കാത്തിരിക്കാൻ പ്രേക്ഷകരെ പ്രേരിപ്പിക്കുന്നുണ്ട്. ഓരോന്നൊന്നൊര പടം ആയിരിക്കും സ്വാതന്ത്ര്യം അർദ്ധ രാത്രിയിൽ എന്നാണ് പ്രേക്ഷകർ ഇപ്പോഴേ പറയുന്നതും പ്രതീക്ഷിക്കുന്നതും .

ചെമ്പൻ വിനോദ്, വിനായകൻ , ലിജോ ജോസ് പെല്ലിശ്ശേരി എന്നിവരും നിർണ്ണായക കഥാപാത്രങ്ങളെ അവതരിപ്പിക്കുന്ന ഈ ചിത്രം നിർമ്മിച്ചിരിക്കുന്നത് സൂര്യ സിനിമയുടെ ബാനറിൽ ബി സി ജോഷി, ആർ ഡി ഇല്ല്യൂമിനേഷന്റെ ബാനറിൽ ബി ഉണ്ണികൃഷ്ണൻ, സംവിധായകനായ ലിജോ ജോസ് പെല്ലിശേരി, നടനായ ചെമ്പൻ വിനോദ് ജോസ് എന്നിവർ ചേർന്നാണ്. ഗിരീഷ് ഗംഗാധരൻ കാമറ ചലിപ്പിച്ച ഈ ചിത്രം എഡിറ്റ് ചെയ്തത് ഷമീർ മുഹമ്മദും ഈ ചിത്രത്തിന് സംഗീതം ഒരുക്കിയത് ജേക്സ് ബിജോയും ആണ്. ദിലീപ് കുര്യൻ തിരക്കഥ രചിച്ച ഈ ചിത്രത്തിന്റെ പശ്ചാത്തല സംഗീതം ഒരുക്കിയത് ദീപക് അലക്സാണ്ടർ ആണ്. അങ്കമാലി ഡയറീസിൽ ലിജോ ജോസ് പെല്ലിശ്ശേരിയുടെ സംവിധാന സഹായി ആയിരുന്നു ഈ ചിത്രത്തിന്റെ സംവിധായകൻ ടിനു പാപ്പച്ചൻ.