വിശാൽ ചിത്രം വീരമേ വാഗൈ സൂടും എത്തുന്നു; വമ്പൻ ആക്ഷൻ ചിത്രത്തിന്റെ റിലീസ് തീയതി പ്രഖ്യാപിച്ചു..!

തമിഴ് സൂപ്പർ താരം വിശാൽ നായകനായി എത്തുന്ന പുതിയ ചിത്രമാണ് വീരമേ വാഗൈ സൂടും. വിശാൽ തന്നെ നിർമ്മാണവും നിർവഹിച്ചിരിക്കുന്ന ഈ ചിത്രം സംവിധാനം ചെയ്തിരിക്കുന്നത് തു പ ശരവണൻ ആണ്. ഇപ്പോഴിതാ ഈ ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ്. ഈ വരുന്ന ഫെബ്രുവരി നാലിന് ആണ് ഈ ചിത്രം റിലീസ് ചെയ്യാൻ പോകുന്നത്. വമ്പൻ താരനിര അണിനിരക്കുന്ന ഈ ആക്ഷൻ ചിത്രത്തിന്റെ ട്രൈലെർ സൂപ്പർ ഹിറ്റായി മാറിയിരുന്നു. ജനുവരി 19നു ആണ് ഇതിന്റെ ട്രയ്ലർ റിലീസ് ആയത്. യൂട്യൂബിൽ വലിയ രീതിയിൽ ആണ് ഈ ട്രയ്ലർ ട്രെൻഡ് ആയി മാറിയത്. കാവിൻ രാജ് ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത് യുവാൻ ശങ്കർ രാജയാണ്.

എനിമി എന്ന സൂപ്പർ ഹിറ്റ് ചിത്രത്തിന് ശേഷം എത്തുന്ന വിശാലിന്റെ ആക്ഷൻ ചിത്രമാണ് വീരമേ വാഗൈ സൂടും. പ്രശസ്ത മലയാള താരം ബാബുരാജ് പ്രധാന വില്ലൻ ആയി എത്തുന്ന ഈ ചിത്രത്തിൽ ഡിംപിൾ ഹയാത്തി നായികയായി എത്തുന്നു. യോഗി ബാബു, കുമരവേൽ, രവീണ രവി, മാരിമുത്തു, ആർ എൻ ആർ മനോഹർ, കവിത ഭാരതി, തുളസി, അഖിലൻ എസ പി ആർ എന്നിവരും അഭിനയിക്കുന്ന ഈ ചിത്രത്തിൽ സ്റ്റൈലിഷ് മാസ്സ് വില്ലൻ ആയാണ് ബാബുരാജ് എത്തുന്നത് എന്നു ഇതിന്റെ ട്രയ്ലർ കാണിച്ചു തരുന്നു. എൻ ബി ശ്രീകാന്ത് ആണ് ഈ ചിത്രം എഡിറ്റ് ചെയ്തിരിക്കുന്നത്. വിശാൽ ഒരിക്കൽ കൂടി പോലീസ് കഥാപാത്രമായി ആവും എത്തുക എന്നൊരു സൂചന കൂടി ഇതിന്റെ ട്രയ്ലർ നമ്മുക്ക് തരുന്നുണ്ട്.