ഇത്തിക്കര പക്കിക്കു ശേഷം കണ്ണിറുക്കി ഇട്ടിമാണി; സോഷ്യൽ മീഡിയയിൽ തരംഗമായി പുതിയ മോഹൻലാൽ ചിത്രം

മലയാളത്തിന്റെ താര ചക്രവർത്തി കമ്പ്ലീറ്റ് ആക്ടർ മോഹൻലാൽ നായകനായി എത്തുന്ന പുതിയ ചിത്രമാണ് ഇട്ടിമാണി മേഡ് ഇൻ ചൈന. നവാഗത സംവിധായകരായ ജിബി- ജോജു ടീം രചിച്ചു സംവിധാനം ചെയ്യുന്ന ഈ ചിത്രം ഈ കഴിഞ്ഞ ഏപ്രിൽ ഇരുപത്തിനാലിനു ആണ് ആരംഭിച്ചത്. മോഹൻലാൽ തൃശൂർക്കാരനായ ഇട്ടിമാണി എന്ന ടൈറ്റിൽ കഥാപാത്രം ആയി എത്തുന്ന ഈ ചിത്രം നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. ഇപ്പോഴിതാ ഇന്ന് മോഹൻലാൽ തന്റെ ഒഫീഷ്യൽ ഫേസ്ബുക് പേജ് വഴി പുറത്തു വിട്ട ഈ ചിത്രത്തിലെ ഒരു സ്റ്റിൽ ആണ് സോഷ്യൽ മീഡിയയിൽ വൈറൽ ആവുന്നത്. കണ്ണിറുക്കി ഒരു കള്ള ചിരിയോടെ നിൽക്കുന്ന തന്റെ ചിത്രമാണ് മോഹൻലാൽ പുറത്തു വിട്ടത്.  

വിന്റേജ് മോഹൻലാൽ ഭാവം എന്ന തലകെട്ടുകളുമായി ആരാധകരും സിനിമാ പ്രേമികളും ഒരുപോലെ ഏറ്റെടുക്കുകയാണ് ഈ ഇട്ടിമാണി സ്റ്റിൽ. ഇതിനു  മുൻപേ ഈ അടുത്തിടെ ഇതുപോലെ മോഹൻലാലിന്റെ കണ്ണിറുക്കി ഉള്ള ഒരു സ്റ്റിൽ വൈറൽ ആയതു കായംകുളം കൊച്ചുണ്ണി എന്ന ചിത്രത്തിലെ ഇത്തിക്കര പക്കി എന്ന കഥാപാത്രത്തിന്റേതു ആയിരുന്നു. റോഷൻ ആൻഡ്രൂസ് ഒരുക്കിയ ആ ചിത്രത്തിൽ മോഹൻലാൽ, നിവിൻ പോളി എന്നിവരാണ് അഭിനയിച്ചത്. ഒരു പക്കാ  കോമഡി എന്റർറ്റെയിനെർ ആയി  ജിബി- ജോജു ടീം ഒരുക്കുന്ന ഇട്ടിമാണി മേഡ് ഇൻ ചൈന എന്ന മോഹൻലാൽ ചിത്രം ഈ വരുന്ന ഓണത്തിന് തിയേറ്ററിൽ എത്തിക്കാൻ ആണ് പ്ലാൻ. മോഹൻലാലിനൊപ്പം വലിയ താര നിര തന്നെ ഈ ചിത്രത്തിൽ അണിനിരക്കുന്നുണ്ട്.