[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

നൂറാം ചിത്രവുമായി ഹരം പകരാൻ പ്രിയദർശൻ; മോഹൻലാൽ ചിത്രത്തിന് തിരക്കഥയൊരുക്കാൻ വിനീത് ശ്രീനിവാസൻ.

ഇന്ത്യൻ സിനിമയിലെ തന്നെ ഏറ്റവും മികച്ച സംവിധായകരിലൊരാളായ പ്രിയദർശൻ 100 ചിത്രങ്ങളെന്ന അപൂർവ നേട്ടത്തിലേക്ക് അടുക്കുകയാണ്. ഇന്ത്യൻ സിനിമയുടെ ചരിത്രത്തിൽ തന്നെ വിരലിലെണ്ണാവുന്ന സംവിധായകർ മാത്രം കൈവരിച്ച നേട്ടമാണ് പ്രിയദർശനെ തേടിയെത്തുന്നത്. ഇപ്പോൾ ലഭിക്കുന്ന റിപ്പോർട്ടുകളനുസരിച്ച് മോഹൻലാലിനെ നായകനാക്കിയാണ് പ്രിയദർശൻ തന്റെ നൂറാം ചിത്രമൊരുക്കുന്നത്. ഈ ചിത്രത്തിന് തിരക്കഥ രചിക്കുന്നത് വിനീത് ശ്രീനിവാസനാണ്. ആദ്യമായാണ് മോഹൻലാൽ- പ്രിയദർശൻ- വിനീത് ശ്രീനിവാസൻ ടീം ഒന്നിക്കുന്നതെന്ന പ്രത്യേകതയുമുണ്ട്. വിനീത് ശ്രീനിവാസന്റെ അച്ഛനായ ശ്രീനിവാസനൊപ്പം മോഹൻലാൽ- പ്രിയദർശൻ ടീമൊന്നിച്ച ഒട്ടേറെ ക്ലാസിക് സൂപ്പർ ഹിറ്റുകൾ മലയാള സിനിമാ പ്രേമികളുടെ മനസ്സിൽ ഇന്നും തിളങ്ങി നിൽക്കുമ്പോഴാണ് ഈ പുത്തൻ കൂട്ടുകെട്ട് ഒന്നിക്കുന്നത്.

ഹരം എന്നാണ് പ്രിയദർശന്റെ നൂറാം ചിത്രത്തിന് നൽകിയിരിക്കുന്ന പേരെന്നാണ് സൂചന. അടുത്ത വർഷം ചിത്രീകരണം പ്ലാൻ ചെയ്യുന്ന ഈ ചിത്രം നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. ഇപ്പോൾ പ്രണവ് മോഹൻലാൽ നായകനായ വർഷങ്ങൾക്ക് ശേഷം എന്ന ചിത്രത്തിന്റെ പണിപ്പുരയിലാണ് വിനീത് ശ്രീനിവാസൻ. അതിന് ശേഷം ഈ മോഹൻലാൽ- പ്രിയദർശൻ ചിത്രത്തിന്റെ ജോലികളിലേക്ക് വിനീത് കടക്കുമെന്നാണ് വാർത്തകൾ വരുന്നത്. മലയാള സിനിമയിൽ ഏറ്റവും കൂടുതൽ സൂപ്പർ ഹിറ്റുകൾ സമ്മാനിച്ച കൂട്ടുകെട്ടുകളിലൊന്നാണ് മോഹൻലാൽ- പ്രിയദർശൻ ടീം. ചിത്രം, കിലുക്കം, ചന്ദ്രലേഖ എന്നീ മൂന്ന് ഇൻഡസ്ട്രി ഹിറ്റ് ചിത്രങ്ങളും സമ്മാനിച്ച ഈ ടീമിൽ നിന്ന് ലഭിച്ച ചിത്രങ്ങളിലേറെയും ഇന്ന് മലയാള സിനിമയിലെ ക്ലാസ്സിക്കുകളായാണ് വിലയിരുത്തപ്പെടുന്നത്. പൂച്ചക്കൊരു മൂക്കുത്തി എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച പ്രിയദർശന്റെ അവസാന റിലീസ് ഷെയ്ൻ നിഗം നായകനായ കൊറോണ പേപ്പേഴ്സ് ആയിരുന്നു.

webdesk

Recent Posts

മാജിക് ഫ്രെയിംസിന്റെ “ബേബി ഗേൾ” ഷൂട്ടിംഗ് ആരംഭിച്ചു; സംവിധാനം അരുൺ വർമ്മ. തിരക്കഥ ബോബി സഞ്ജയ്

ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ്‌ കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…

1 day ago

ഇടിയുടെ ‘പഞ്ചാര പഞ്ച്’ ആലപ്പുഴ ജിംഖാന’യിലെ അടുത്ത ഗാനം പുറത്തിറങ്ങി

ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…

2 days ago

പെണ്ണേ നീ തീയാകുന്നു… മാസ്സ് ആയി “മരണമാസ്സ്‌” ട്രെയ്‌ലർ.

ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്‌ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…

2 days ago

ആസിഫ് അലി- താമർ – അജിത് വിനായക ചിത്രം സർക്കീട്ട് മെയ് 8ന് തീയേറ്ററുകളിൽ എത്തും.

ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്‌…

3 days ago

വിവാദങ്ങൾക്കിടയിലും എമ്പുരാന്റെ ബോക്സ് ഓഫീസ് താണ്ഡവം

ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…

4 days ago

ഗംഭീര പ്രേക്ഷക – നിരൂപക പ്രശംസകൾ നേടി ചിയാൻ വിക്രമിന്റെ വീര ധീര ശൂരൻ കേരളത്തിൽ കൂടുതൽ സ്‌ക്രീനുകളിലേക്ക്

എസ് യു അരുൺകുമാർ സംവിധാനം ചെയ്‌ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…

6 days ago

This website uses cookies.