മലയാളി പ്രേക്ഷകരുടെ പ്രീയപ്പെട്ട നടനും സംവിധായകനും രചയിതാവും ഗായകനുമൊക്കെയാണ് വിനീത് ശ്രീനിവാസൻ. മലർവാടി ആർട്സ് ക്ലബ് എന്ന ചിത്രം സംവിധാനം ചെയ്തുകൊണ്ടരങ്ങേറ്റം കുറിച്ച വിനീത് ശ്രീനിവാസൻ, അതിന് ശേഷം തിര, തട്ടത്തിൻ മറയത്ത്, ജേക്കബിന്റെ സ്വർഗ്ഗ രാജ്യം, ഹൃദയം എന്നീ ചിത്രങ്ങൾ സംവിധാനം ചെയ്യുകയും, ഒരു വടക്കൻ സെൽഫി എന്ന ചിത്രത്തിന് തിരക്കഥ രചിക്കുകയും ചെയ്തു. പ്രണവ് മോഹൻലാലിനെ നായകനാക്കി വിനീത് ഒരുക്കിയ ഹൃദയം എന്ന ചിത്രം ഈ വർഷമാണ് റിലീസ് ചെയ്തത്. വിനീതിന്റെ കരിയറിലെ തന്നെ ഏറ്റവും വലിയ ഹിറ്റായ ഈ ചിത്രം 50 കോടി ക്ലബിൽ ഇടം പിടിക്കുന്ന മലയാള ചിത്രവുമാണ്. ഇപ്പോഴിതാ വിനീതിന്റെ അടുത്ത ചിത്രത്തെ കുറിച്ചുള്ള ചില ഊഹാപോഹങ്ങളാണ് സോഷ്യൽ മീഡിയയിൽ പരക്കുന്നത്. നിവിൻ പോളി, ധ്യാൻ ശ്രീനിവാസൻ, പ്രണവ് മോഹൻലാൽ എന്നിവർക്ക് ശേഷം ഇനി ദുൽഖർ സൽമാനെ നായകനാക്കി ഒരു ചിത്രമൊരുക്കാനുള്ള പ്ലാനിലാണ് വിനീത് ശ്രീനിവാസനെന്നാണ് റിപ്പോർട്ടുകൾ വരുന്നത്.
ഇതുവരെ ഈ വാർത്തകൾക്കു യാതൊരു വിധ ഔദ്യോഗിക സ്ഥിതീകരണവുമില്ല. നേരത്തെ പ്രണവ് തന്നെ നായകനാവുന്ന ഒരു ചിത്രം കൂടി ചെയ്യാൻ തനിക്ക് ഏറെ ആഗ്രഹമുണ്ടെന്ന് വിനീത് ശ്രീനിവാസൻ വെളിപ്പെടുത്തിയിരുന്നു. അതുപോലെ തന്നെ, മോഹൻലാൽ- ശ്രീനിവാസൻ കൂട്ടുകെട്ടിൽ ഒരു ചിത്രമൊരുക്കാനുള്ള പ്ലാനും തനിക്കുണ്ടെന്നും, അതിന്റെ കഥ മനസ്സിലുണ്ടെന്നും വിനീത് ശ്രീനിവാസൻ തുറന്ന് പറഞ്ഞിരുന്നു. ഇപ്പോൾ താൻ അഭിനയിക്കുന്ന ചിത്രങ്ങളുടെ തിരക്കിലാണ് വിനീത് ശ്രീനിവാസൻ. മുകുന്ദൻ ഉണ്ണി അസോസിയേറ്റ്സ് എന്ന ചിത്രമാണ് വിനീത് നായകനായി ഇനി റിലീസ് ചെയ്യാൻ പോകുന്നത്. നവംബർ മാസത്തിൽ റിലീസ് ചെയ്യാൻ പോകുന്ന ഈ ചിത്രം സംവിധാനം ചെയ്തത് അഭിനവ് സുന്ദർ നായക് ആണ്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.