യുവ താരം നിവിൻ പോളിയെ നായകനാക്കി സൂപ്പർ ഹിറ്റ് സംവിധായകൻ റോഷൻ ആൻഡ്രൂസ് ഒരുക്കിയ ഏറ്റവും പുതിയ ചിത്രമായ സാറ്റർഡേ നൈറ്റ് റിലീസിന് ഒരുങ്ങുകയാണ്. സെൻസറിങ് പൂർത്തിയായപ്പോൾ ക്ലീൻ യു സർട്ടിഫിക്കറ്റ് നേടിയ ഈ ചിത്രം ആദ്യാവസാനം ചിരിപ്പിക്കുന്ന ഒരു കമ്പ്ലീറ്റ് ഫൺ റൈഡാണ് എന്ന സൂചനയാണ് ഇതിന്റെ ടീസർ, ട്രൈലെർ, ഇതുവരെ പുറത്ത് വന്ന പോസ്റ്ററുകൾ എന്നിവ നമ്മുക്ക് തന്നത്. അതുപോലെ ഇതിലെ രണ്ട് ഗാനങ്ങളും റിലീസ് ചെയ്തിരുന്നു. അതിലൊന്ന് വിജയ് യേശുദാസ് ആലപിച്ച നിലാത്തുമ്പി നീ എന്ന വരികളോടെ തുടങ്ങുന്ന മെലഡിയും, മറ്റൊന്ന് ഇതിന്റെ സംഗീത സംവിധായകൻ ജേക്സ് ബിജോയ് തന്നെയാലപിച്ച ഒരു ഫ്രണ്ട്ഷിപ് സോങുമാണ്. ഇപ്പോഴിതാ ഇതിലെ ചിൽ മകാ എന്ന അടിച്ചു പൊളി ഗാനത്തിന്റെ ടീസർ റിലീസ് ചെത്തിരിക്കുകയാണ്.
മർത്യൻ ആലപിച്ച ഈ ഗാനത്തിന് വരികൾ രചിച്ചത് സുഹൈൽ കോയയാണ്. ഏറെ നാളുകൾക്കു ശേഷം ഒരുമിച്ചു കൂടുന്ന ഒരു സംഘം കൂട്ടുകാരുടെ ജീവിതത്തിൽ തുടർന്ന് സംഭവിക്കുന്ന രസകരമായ കാര്യങ്ങളാണ് ഈ ചിത്രം നമ്മുടെ മുന്നിൽ അവതരിപ്പിക്കുക. നവംബർ നാലിനാണ് ഈ ചിത്രം പ്രേക്ഷകരുടെ മുന്നിലെത്തുക. എ ബി സി ഡി, അനുരാഗ കരിക്കിൻ വെള്ളം എന്നീ ഹിറ്റ് ചിത്രങ്ങൾ രചിച്ച നവീൻ ഭാസ്കർ തിരക്കഥ രചിച്ച ഈ ബിഗ് ബഡ്ജറ്റ് ചിത്രത്തിൽ സ്റ്റാൻലി എന്ന് പേരുള്ള ഒരു കഥാപാത്രമായാണ് നിവിൻ പോളി എത്തുന്നത്. നിവിൻ പോളിക്കൊപ്പം അജു വർഗീസ്, സിജു വിൽസൺ, സൈജു കുറുപ്പ്, ഗ്രേസ് ആന്റണി, മാളവിക ശ്രീനാഥ്, സാനിയ ഇയ്യപ്പൻ എന്നിവരും വേഷമിട്ട ഈ ചിത്രം വിനായക ഫിലിംസിന്റെ ബാനറിൽ അജിത് വിനായകയാണ് നിർമ്മിച്ചിരിക്കുന്നത്. ടി ശിവാനന്ദേശ്വരൻ എഡിറ്റ് ചെയ്ത ഈ ചിത്രത്തിന് ക്യാമറ ചലിപ്പിച്ചത് അസ്ലം കെ പുരയിലാണ്.
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
This website uses cookies.