പുലി മുരുകന്റെ റെക്കോർഡ് തകർത്തു വില്ലൻ: ഓവർസീസ് റൈറ്റ്സിലും പുതിയ റെക്കോർഡ്.

മോഹൻലാൽ ചിത്രം വില്ലൻ റിലീസിന് മുൻപേ തന്നെ റെക്കോർഡുകൾ തിരുത്തി കുറിച്ച് കൊണ്ട് പറക്കുകയാണ്. ഹിന്ദി ഡബ്ബിങ് റൈറ്റ്സിലും മ്യൂസിക് റൈറ്റ്സിലും പ്രീ-റിലീസ് സാറ്റലൈറ്റ് റൈറ്റ്സിലും റെക്കോർഡ് സൃഷ്‌ടിച്ച വില്ലൻ ഇപ്പോൾ ഒരു മലയാള സിനിമ നേടുന്ന ഏറ്റവും വലിയ ഓവർസീസ് റൈറ്റ്‌സ് നേടിയും റെക്കോർഡ് സൃഷ്ടിച്ചിരിക്കുകയാണ്.

രണ്ടര കോടി രൂപയാണ് ഈ ചിത്രം ഓവർസീസ് റൈറ്റ്‌സ് ആയി നേടിയത് . 2 കോടിയോളം രൂപ ഓവർസീസ് റൈറ്റ്‌സ് നേടി റെക്കോർഡ് ഇട്ട മോഹൻലാലിൻറെ തന്നെ പുലി മുരുകന്റെ റെക്കോർഡ് ആണ് വില്ലൻ തകർത്തെറിഞ്ഞത്. ഇപ്പോൾ തന്നെ 13 കോടി രൂപയുടെ പ്രീ-റിലീസ് ബിസിനസ് ആണ് വില്ലൻ നടത്തി കഴിഞ്ഞത്. 15 കോടി രൂപയുടെ പ്രീ-റിലീസ് ബിസിനസ് നടത്തിയ പുലി മുരുകൻ മാത്രമാണ് ഇനി വില്ലന്റെ മുന്നിൽ ഉള്ളത്.

വില്ലൻ ഓവർസീസ് റൈറ്റ്‌സ്റെ ക്കോർഡ് തുകക്കു വിറ്റു പോയ കാര്യം ടീം വില്ലൻ ഔദ്യോഗികമായി സ്ഥിതീകരിച്ചിട്ടുണ്ട് . മലയാള സിനിമയിലെ പല ചരിത്രങ്ങളും തകർത്തെറിഞ്ഞു കൊണ്ടാണ് വില്ലൻ റിലീസിന് തയ്യാറെടുക്കുന്നത്.

മലയാളത്തിലെ ഏറ്റവും വലിയ റിലീസിന് ആണ് ഒക്ടോബർ 27 നു വില്ലൻ തയ്യാറെടുക്കുന്നത്. ഇതിനോടകം 115 ഇൽ അധികം ഫാൻസ്‌ ഷോകൾ കേരളത്തിൽ ഒരുങ്ങുന്ന ഈ ചിത്രത്തിന് 10 ഫാൻസ്‌ ഷോകൾ കൂടി ഒരുക്കാനായാൽ 125 ഫാൻസ്‌ ഷോകൾ ഒരുക്കി റെക്കോർഡ് സൃഷ്‌ടിച്ച പുലി മുരുകന്റെ മറ്റൊരു റെക്കോർഡ് കൂടി തകർക്കാം.

സാറ്റലൈറ്റ് റൈറ്സ് 7 കോടി, മ്യൂസിക് റൈറ്സ് 50 ലക്ഷം, ഹിന്ദി ഡബ്ബിങ് റൈറ്റ്‌സ് 3 കോടി, ഓവർസീസ് റൈറ്റ്‌സ് 2.5 കോടി എന്നിങ്ങനെയാണ് വില്ലന്റെ ഇത് വരെയുള്ള പ്രീ-റിലീസ് ബിസിനസ്.

തമിഴ്, തെലുങ്ക് ഭാഷകളിലും പുറത്തിറങ്ങുന്ന ഈ ക്രൈം ത്രില്ലറിൽ മോഹൻലാലിനൊപ്പം തമിഴ് നടൻ വിശാൽ, തെലുങ്കു നടൻ ശ്രീകാന്ത് എന്നിവരും അഭിനയിക്കുന്നു. മഞ്ജു വാര്യർ, രാശി ഖന്ന , ഹൻസിക, ചെമ്പൻ വിനോദ്, സിദ്ദിഖ്, അജു വർഗീസ് , രഞ്ജി പണിക്കർ എന്നിവരും അഭിനയിക്കുന്ന ഈ ചിത്രം ഇന്ത്യയിലെ ആദ്യമായി പൂർണ്ണമായും 8 K റെസൊല്യൂഷൻ ക്യാമെറയിൽ ഷൂട്ട് ചെയ്ത ചിത്രം കൂടിയാണ്.