കേരളത്തിലെ അഞ്ഞൂറിലധികം സ്‌ക്രീനുകളിൽ ഇന്ന് മുതൽ ആണ്ടവർ വിളയാട്ടം; വിക്രം തിയേറ്റർ ലിസ്റ്റ് ഇതാ

തെന്നിന്ത്യൻ സിനിമാ പ്രേമികൾ ആവേശംപൂർവം കാത്തിരുന്ന ബിഗ് ബഡ്ജറ്റ് മാസ്സ് തമിഴ് ചിത്രമായ വിക്രം ഇന്ന് മുതൽ ആഗോള റിലീസായി എത്തുകയാണ്. മലയാളി സിനിമാ പ്രേക്ഷകരും കാത്തിരിക്കുന്ന ഈ ചിത്രം കേരളത്തിലെ അഞ്ഞൂറിലധികം സ്‌ക്രീനുകളിൽ മെഗാ റിലീസായാണ് എത്തിയിരിക്കുന്നത്. ചിത്രത്തിന്റെ തീയേറ്റർ ലിസ്റ്റ് ചുവടെ ചേർക്കുന്നു. കേരളത്തിൽ ഷിബു തമീൻസിന്റെ നേതൃത്വത്തിൽ റിയാ ഷിബുവിന്റെ എച്ച് ആർ പിക്ചേഴ്സ് ആണ് ഈ ചിത്രം വിതരണം ചെയ്യുന്നത്. ഉലക നായകൻ കമൽ ഹാസൻ നായക വേഷം ചെയ്യുന്ന ഈ ചിത്രത്തിൽ മലയാളി താരം ഫഹദ് ഫാസിൽ, മക്കൾ സെൽവൻ വിജയ് സേതുപതി, ചെമ്പൻ വിനോദ്, കാളിദാസ് ജയറാം, നരെയ്ൻ, അർജുൻ ദാസ്, ഹാരിഷ് ഉത്തമൻ എന്നിവരും, അതിഥി വേഷത്തിൽ നടിപ്പിൻ നായകൻ സൂര്യയും എത്തിയിരിക്കുന്നു. ലോകേഷ് കനകരാജ് സംവിധാനം ചെയ്ത ഈ ചിത്രം രചിച്ചിരിക്കുന്നത് അദ്ദേഹവും രത്ന കുമാറും ചേർന്നാണ്.

രാജ് കമൽ ഇന്റെനാഷണലിന്റെ ബാനറിൽ കമൽ ഹാസൻ തന്നെയാണ് ഈ മാസ്സ് ആക്ഷൻ ത്രില്ലർ ചിത്രം നിർമ്മിച്ചിരിക്കുന്നത്. ഇതിന്റെ ടീസർ, ട്രൈലെർ, ഇതിലെ ഗാനങ്ങൾ, ഈ ചിത്രത്തിന്റെ പ്രമോഷൻ പരിപാടികൾ എന്നിവ സൂപ്പർ ഹിറ്റുകളായതോടെ വലിയ ഹൈപ്പിലാണ് വിക്രം തീയേറ്ററുകളിലെത്തുന്നത്. കമൽ ഹാസന്റെ കരിയറിലെ തന്നെ ഏറ്റവും വലിയ റിലീസായാണ് വിക്രം ലോകം മുഴുവനുമെത്തുന്നത്. അനിരുദ്ധ് രവിചന്ദര് സംഗീതമൊരുക്കിയ ഈ ചിത്രത്തിന് ക്യാമറ ചലിപ്പിച്ചത് മലയാളിയായ ഗിരീഷ് ഗംഗാധരൻ, എഡിറ്റ് ചെയ്തിരിക്കുന്നത് ഫിലോമിൻ രാജ് എന്നിവരാണ്. ലോകേഷ് കനകരാജിന്റെ മുൻ ചചിത്രമായ കൈതിയുമായി ഉള്ള ബന്ധവും ഈ ചിത്രം കാത്തിരിക്കാൻ പ്രേക്ഷകരെ പ്രേരിപ്പിച്ച വലിയ ഘടകമാണ്.