ഉലക നായകൻ കമൽ ഹാസൻ നായകനായി എത്തിയ ഏറ്റവും പുതിയ ചിത്രമായ വിക്രം ഇന്നാണ് തീയേറ്ററുകളിൽ എത്തിയത്. മാനഗരം, കൈതി, മാസ്റ്റർ എന്നീ ബ്ലോക്ക്ബസ്റ്ററുകൾ ഒരുക്കിയ ലോകേഷ് കനകരാജ് സംവിധാനം ചെയ്ത നാലാമത്തെ ചിത്രമാണ് വിക്രം. അദ്ദേഹവും രത്നകുമാറും ചേർന്ന് രചിച്ച ഈ ചിത്രത്തിൽ കമൽ ഹാസൻ കൂടാതെ, മലയാളി താരം ഫഹദ് ഫാസിൽ, മക്കൾ സെൽവൻ വിജയ് സേതുപതി, ചെമ്പൻ വിനോദ്, കാളിദാസ് ജയറാം, നരെയ്ൻ, അർജുൻ ദാസ്, ഹാരിഷ് ഉത്തമൻ എന്നിവരും, അതിഥി വേഷത്തിൽ നടിപ്പിൻ നായകൻ സൂര്യയും അഭിനയിച്ചിട്ടുണ്ട്. അത്കൊണ്ട് തന്നെ വലിയ ഹൈപ്പിലാണ് ഈ ചിത്രം പ്രദർശനത്തിനെത്തിയത്. ഇപ്പോഴിതാ ഫാൻസ് ഷോകളോടെ ലോകം മുഴുവൻ പ്രദർശനമാരംഭിച്ച വിക്രത്തിന്റെ ആദ്യ പകുതി തീയേറ്ററുകളിൽ ഉത്സവം സൃഷ്ടിക്കുകയാണ്. ഇതിന്റെ ഇന്റർവെൽ അക്ഷരാർത്ഥത്തിൽ തീയായി മാറിയിട്ടുണ്ട് എന്ന് തന്നെ പറയാൻ സാധിക്കും. പതുക്കെ ആരംഭിക്കുന്ന ചിത്രം കൃത്യമായ സ്പീഡിലാണ് മുന്നോട്ടു പോകുന്നത്.
എന്നാൽ ഇന്റർവെൽ ഭാഗം എത്തിയതോടെ വേറെ ലെവലിലേക്കാണ് ചിത്രം മാറുന്നത്. വിജയ് സേതുപതിയെ കാണിക്കുന്ന സ്ലോ മോഷൻ ഷോട്ടിന് വമ്പൻ കയ്യടിയാണ് തീയേറ്ററുകളിൽ ലഭിക്കുന്നത്. കമൽ ഹാസനും ഗംഭീര പ്രകടനം കാഴ്ച വെച്ചിരിക്കുന്ന ആദ്യ പകുതിയിൽ, പക്ഷെ നിറഞ്ഞു നിൽക്കുന്നത് ഫഹദ് ഫാസിലിന്റെ അമർ എന്ന കഥാപാത്രമായുള്ള പ്രകടനമാണെന്നു പറയാം. എന്നാൽ എല്ലാവർക്കും മുകളിൽ ആദ്യ പകുതിയിൽ സ്കോർ ചെയ്തിരിക്കുന്നത് തന്റെ കിടിലൻ പശ്ചാത്തല സംഗീതത്തിലൂടെ അനിരുദ്ധ് രവിചന്ദറാണ്. ഇതിനു മുൻപ് ഇത്രയും കയ്യടി ലഭിച്ച ഒരു ഇന്റർവെൽ ഭാഗം ബാഹുബലി രണ്ടാം ഭാഗത്തിനാണ് കണ്ടിട്ടുള്ളതെന്നു പറഞ്ഞാലും അതിശയോക്തിയാവില്ല. ലോകേഷ് കനകരാജിന്റെ അതിഗംഭീരമായ മേക്കിങ്ങും, വളരെ വ്യത്യസ്തമായ ശൈലിയിലൊരുക്കിയ തിരക്കഥയുമാണ് ഈ ചിത്രത്തിന്റെ നട്ടെല്ലെന്നു ആദ്യ പകുതി തന്നെ നമ്മുക്ക് കാണിച്ചു തരുന്നുണ്ട്. രണ്ടാം പകുതിയിൽ ഒരു പക്കാ കമൽ ഹാസൻ ഷോക്കുള്ള വെടിമരുന്നാണ് വിക്രം ആദ്യ പകുതിയിൽ ലോകേഷ് നിറച്ചു വെച്ചിരിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.