ചാന്ദ് വി ക്രിയേഷൻസിന്റെ ബാനറിൽ അരുൺ ഘോഷ്, ബിജോയ് ചന്ദ്രൻ എന്നിവർ ചേർന്ന് നിർമ്മിച്ചു ബോബൻ സാമുവൽ സംവിധാനം ചെയ്ത ചിത്രം വികടകുമാരൻ നാളെ റിലീസിന് ഒരുങ്ങുകയാണ്. ചിത്രത്തിന്റെ തിയേറ്റർ ലിസ്റ്റ് പുറത്തു വിട്ടു. കട്ടപ്പനയിലെ ഹൃതിക് റോഷന് ശേഷം വിഷ്ണു ഉണ്ണികൃഷ്ണനും ധർമജനും ഒന്നിക്കുന്ന ചിത്രം ഒരു മുഴുനീള കോമഡി ഫാമിലി എന്റർടൈനർ ആണ്. റോമൻസ് റിലീസിന്റെ 5 ആമത്തെ വർഷം തന്നെ കൂട്ടുകെട്ട് വീണ്ടും ഒന്നിക്കുന്നു എന്ന പ്രത്യേകത കൂടി വികടകുമാരനു ഉണ്ട്. ചിത്രത്തിലെ നായകനായ ബിനു എന്ന കേസില്ലാ വക്കീലായി വിഷ്ണു ഉണ്ണികൃഷ്ണൻ എത്തുന്നു. അങ്ങനെയിരിക്കെ അപ്രതീക്ഷിതമായി ഒരു വക്കാലത്ത് എത്തുന്നതും തുടർന്ന് വരുന്ന പുലിവാലുകളും ആണ് ചിത്രത്തിന്റെ പ്രധാന ഇതിവൃത്തം. ബിനു വിന്റെ ഗുമസ്തനായി എത്തുന്നത് ധർമജൻ ആണ് നായികയായി മാനസ രാധാകൃഷ്ണനും ചിത്രത്തിൽ ഉണ്ട്.
ഈസ്റ്റർ റിലീസുകളിൽ ആദ്യം എത്തുന്ന ചിത്രം എന്ന നിലയ്ക്ക് വലിയ പ്രതീക്ഷകളാണ് ചിത്രത്തിന് ഉള്ളത്. ബൈജു, ഇന്ദ്രൻസ്, സലിം കുമാർ, സുനിൽ സുഖദ, റാഫി തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ജനപ്രിയൻ, റോമൻസ് തുടങ്ങിയ ഹിറ്റുകളുടെ സംവിധായകനായ ബോബൻ സാമൂവലിന്റെ അഞ്ചാമത് ചിത്രമാണ് വികടകുമാരൻ. റോമൻസ്, ജോർജേട്ടന്റെ പൂരം തുടങ്ങി നിരവധി ചിത്രങ്ങൾക്ക് തിരക്കഥ ഒരുക്കിയ വൈ. വി. രാജേഷാണ് ഈ ചിത്രത്തിനും രചന നിർവഹിക്കുന്നത്. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് അജയ് ഡേവിഡ് ആണ്. കഴിഞ്ഞ വർഷത്തെ ഹിറ്റ് ചാർട്ടിൽ ഇടം നേടിയ എസ്രയ്ക്ക് ശേഷം രാഹുൽ രാജ് സംഗീതം പകരുന്ന ചിത്രം കൂടിയാണ് വികടകുമാരൻ. തിയേറ്ററുകളിൽ ചിരിയുടെ മാലപ്പടക്കം തീർക്കാൻ ചിത്രം നാളെ മുതൽ.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.