പുഷ്പ സംവിധായകനൊപ്പം ഒരു ചിത്രം; ആഗ്രഹം പറഞ്ഞു ദളപതി വിജയ്

തെലുങ്കിലെ സൂപ്പർ ഹിറ്റ് സംവിധായകരിൽ ഒരാളാണ് സുകുമാർ. 2004 ഇൽ തെന്നിന്ത്യൻ സിനിമയിൽ തരംഗമായി മാറിയ ആര്യ എന്ന അല്ലു അർജുൻ ചിത്രം ഒരുക്കികൊണ്ടാണ് അദ്ദേഹം അരങ്ങേറ്റം കുറിച്ചത്. അതിനു ശേഷം ആര്യ 2, നേനക്കാടിനെ, നനക്കു പ്രേമതോ, രംഗസ്ഥലം, പുഷ്പ എന്നീ ഗംഭീര ചിത്രങ്ങളും ഒരുക്കിയ സുകുമാർ ഇപ്പോൾ പുഷ്പ 2 ഒരുക്കുകയാണ്. അല്ലു അർജുൻ നായകനായ പുഷ്പ ഇന്ത്യ മുഴുവൻ തരംഗമായി മാറിയിരുന്നു. അല്ലു അർജുന്റെ കരിയറിലെ തന്നെ ഏറ്റവും വലിയ ഹിറ്റായി മാറിയ ഈ ചിത്രം 300 കോടിക്കു മുകളിൽ ആണ് കലക്ഷൻ നേടിയത്. ഇപ്പോഴിതാ, സിനിമാ വികടൻ എന്ന തമിഴ് യൂട്യൂബ് ചാനലിന് നൽകിയ അഭിമുഖത്തിൽ ദളപതി വിജയ് ആയി ബന്ധപ്പെട്ടു സുകുമാർ നടത്തിയ പരാമർശം ഏറെ ശ്രദ്ധ നേടുകയാണ്.

താൻ അദ്ദേഹത്തിന്റെ വലിയ ആരാധകൻ ആണെന്ന് സുകുമാർ പറയുന്നു. പുഷ്പ വന്നതിനു ശേഷം തനിക്കൊപ്പം ഒരു ചിത്രം ചെയ്യാൻ ദളപതി വിജയ് ആഗ്രഹം പ്രകടിപ്പിച്ച വിവരം, മറ്റൊരാൾ വഴി താൻ അറിഞ്ഞു എന്നും, അത് കേട്ടപ്പോൾ വലിയ സന്തോഷം തോന്നി എന്നും അദ്ദേഹം പറയുന്നു. താൻ വിജയ് സാറിനെ നേരിട്ടു കണ്ടില്ല എങ്കിലും, അദ്ദേഹവുമായി ഭാവിയിൽ ജോലി ചെയ്യാൻ കാത്തിരിക്കുന്നു എന്നും സുകുമാർ പറയുന്നു. വിജയ് സാറുമായി ഒന്നിക്കുമ്പോൾ ഒരു വ്യത്യസ്ത ചിത്രം ചെയ്യണം എന്നാണ് ആഗ്രഹം എന്നും സുകുമാർ വെളിപ്പെടുത്തി. വിജയ് ഇപ്പോൾ ചെയ്യുന്നത് തെലുങ്ക് സംവിധായകൻ ആയ വംശി ഒരുക്കുന്ന ചിത്രത്തിൽ ആണ്. രശ്മിക നായികാ വേഷം ചെയ്യുന്ന ഈ ചിത്രം തമിഴിൽ ആണ് ഒരുക്കുന്നത്.