തമിഴകത്തെ ഇപ്പോഴത്തെ ഏറ്റവും വലിയ താരമാണ് ദളപതി വിജയ്. നെൽസൺ ദിലീപ് കുമാർ സംവിധാനം ചെയ്യുന്ന പുതിയ ചിത്രത്തിലാണ് വിജയ് ഇപ്പോൾ അഭിനയിച്ചു കൊണ്ടിരിക്കുന്നത്. വിജയ്യുടെ അറുപത്തിയഞ്ചാമതു ചിത്രമാണ് നെൽസൺ ഇപ്പോൾ ഒരുക്കുന്നത്. എന്നാൽ ഇപ്പോൾ തന്നെ വിജയ്യുടെ അടുത്ത ചിത്രമേതായിരിക്കും എന്ന ചർച്ച സോഷ്യൽ മീഡിയയിൽ ആരംഭിച്ചു കഴിഞ്ഞു. ഒട്ടേറെ സംവിധായകരുടേയും പ്രൊഡക്ഷൻ ബാനറുകളുടേയും പേരുകൾ അടുത്ത വിജയ് ചിത്രവുമായി പറഞ്ഞു കേൾക്കുന്നുമുണ്ട്. എന്നാൽ ഏറ്റവും പുതിയതായി വരുന്ന റിപ്പോർട്ടുകൾ സൂചിപ്പിക്കുന്നത് വിജയ്യുടെ അടുത്ത ചിത്രം ഒരു പാൻ ഇന്ത്യ ചിത്രമായി ആവും ഒരുക്കുക എന്നാണ്. തെലുങ്കു സംവിധായകൻ വംശി പൈഡിപ്പള്ളി ആവും ഈ ബിഗ് ബഡ്ജറ്റ് ചിത്രം ഒരുക്കുക എന്നും അദ്ദേഹം വിജയ്യോട് ചിത്രത്തിന്റെ കഥ പറഞ്ഞതായും റിപ്പോർട്ടുകൾ സൂചിപ്പിക്കുന്നു. മാത്രമല്ല കഥ കേട്ട് ഇഷ്ടപെട്ട വിജയ് സമ്മതം മൂളിയെന്നുള്ള സ്ഥിതീകരിക്കാത്ത വിവരങ്ങളും പുറത്തു വരുന്നുണ്ട്. പ്രശസ്ത നിർമ്മാതാവായ ദിൽ രാജു ആയിരിക്കും തന്റെ വെങ്കിടേശ്വര ക്രിയേഷൻസ് എന്ന ബാനറിൽ ഈ ചിത്രം നിർമ്മിക്കുക എന്നും പറയപ്പെടുന്നു.
ബ്രിന്ദാവനം, യേവാഡു, ഊപിരി തുടങ്ങിയ വമ്പൻ ഹിറ്റുകൾ ഒരുക്കിയ സംവിധായകൻ ആണ് വംശി പൈഡിപ്പള്ളി. അദ്ദേഹത്തിന്റെ അവസാനം റിലീസ് ആയ ചിത്രം മഹേഷ് ബാബു നായകനായ മഹർഷിയാണ്. ജനപ്രീതി നേടിയ ചിത്രത്തിനുള്ള ദേശീയ പുരസ്കാരം നേടിയെടുത്ത ചിത്രം കൂടിയാണ് മഹർഷി. തമിഴ്നാടിനു പുറമെ തെലുങ്കു സംസ്ഥാനങ്ങളിലും ഇപ്പോൾ വലിയ ജനപ്രീതിയുള്ള നടനാണ് വിജയ്. ഈ ചിത്രം സംഭവിച്ചാൽ വിജയ് എന്ന താരത്തിന്റെ കരിയറിലെ ഏറ്റവും വലിയ വിജയമായി അത് മാറുമെന്നുള്ള പ്രതീക്ഷയിലാണ് ആരാധകർ.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.