മാനഗരം, കൈതി, മാസ്റ്റർ. വിക്രം എന്നിങ്ങനെ തൊട്ടതെല്ലാം പൊന്നാക്കിയ സംവിധായകനാണ് ലോകേഷ് കനകരാജ്. അദ്ദേഹത്തിന്റെ ഏറ്റവും പുതിയ ചിത്രമായ വിക്രം, ഉലക നായകൻ കമൽ ഹാസന്റെ കരിയറിലെ മാത്രമല്ല, തമിഴ് സിനിമയുടെ ചരിത്രത്തിലെ തന്നെ ഏറ്റവും വലിയ ഹിറ്റിലേക്കാണ് കുതിക്കുന്നത്. വിക്രം കഴിഞ്ഞു ചെയ്യാനുള്ള ചിത്രങ്ങളുടെ ഒരു വലിയ ലൈനപ്പ് തന്നെ ലോകേഷ് ഒരുക്കിയിട്ടുണ്ട്. കൈതി 2, വിക്രം 3, ഇരുമ്പുകൈ മായാവി എന്നിവയൊക്കെ അതിൽപ്പെട്ടതാണ്. എന്നാൽ ലോകേഷ് അടുത്തതായി ഷൂട്ടിംഗ് തുടങ്ങാൻ പോകുന്നത് ദളപതി വിജയ് നായകനായ പുതിയ ചിത്രമാണ്. മാസ്റ്ററിനു ശേഷം വിജയ്ക്കൊപ്പം ലോകേഷ് ഒന്നിക്കുന്ന ഈ ചിത്രം എത്തരത്തിലുള്ളതാവുമെന്നറിയാനുള്ള ആകാംക്ഷയിലാണ് ദളപതി ഫാൻസും സിനിമാ പ്രേമികളും. ആ ചിത്രം ലോകേഷ് സിനിമാറ്റിക് യൂണിവേഴ്സിന്റെ ഭാഗമാകുമോ എന്നറിയാനും പ്രേക്ഷകർ കാത്തിരിക്കുകയാണ്. ഏതായാലും ബിഹൈൻഡ് വുഡ്സ് പ്ലാറ്റ്ഫോമിൽ വെച്ച് ആരാധകരുമായി നടത്തിയ സംവാദത്തിൽ തന്റെ അടുത്ത ചിത്രം ഏതു തരത്തിലുള്ളതാവുമെന്നു ലോകേഷ് വെളിപ്പെടുത്തിക്കഴിഞ്ഞു.
താൻ അടുത്തതായി ചെയ്യാൻ പോകുന്നത് ഒരു ഗ്യാങ്സ്റ്റർ ചിത്രമായിരിക്കുമെന്നാണ് ലോകേഷ് പറയുന്നത്. അടുത്ത് ദളപതി വിജയ് ചിത്രമാണെന്ന് നേരത്തെ പറഞ്ഞിരിക്കുന്നത് കൊണ്ട് തന്നെ വിജയ്- ലോകേഷ് കൂട്ടുകെട്ടിൽ ഒരുങ്ങുന്നത് ഒരു മാസ്സ് സ്റ്റൈലിഷ് ഗ്യാങ്സ്റ്റർ ചിത്രമാണെന്ന വിവരം പ്രേക്ഷകരെ ആവേശത്തിന്റെ കൊടുമുടിയിലെത്തിച്ചു കഴിഞ്ഞു. ഈ ചിത്രത്തിൽ തമിഴിലെ മറ്റൊരു സൂപ്പർ താരമായ ധനുഷ് വില്ലനായെത്തുമെന്നു സ്ഥിതീകരിക്കാത്ത വാർത്തകൾ പരക്കുകയും ചെയ്തിട്ടുണ്ട്. ഏതായാലും വിജയ്- ലോകേഷ് കൂട്ടുകെട്ടിന്റെ രണ്ടാം വരവ് ആദ്യത്തേതിനേക്കാൾ ഗംഭീരമാകുമെന്നുള്ള സൂചനയാണ് നമ്മുക്ക് ലഭിക്കുന്നത്. ഈ വർഷം അവസാനമായിരിക്കും ഇവരുടെ ചിത്രമാരംഭിക്കുക.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.