മലയാളത്തിന്റെ മഹാ നടൻ മോഹൻലാലും പ്രശസ്ത സംവിധായകൻ ലാൽജോസും ആദ്യമായി ഒന്നിച്ച ചിത്രമായ വെളിപാടിന്റെ പുസ്തകത്തിന്റെ ചിത്രീകരണം കഴിഞ്ഞ ദിവസം അവസാനിച്ചു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം ഈ വരുന്ന ഓണത്തിന് വമ്പൻ റിലീസായി കേരളത്തിലെ പ്രദർശനശാലകളിൽ എത്തും. ലാൽജോസിനും ആന്റണി പെരുമ്പാവൂരിനും ഒപ്പം എടുത്ത ഒരു സെൽഫി തന്റെ ഒഫീഷ്യൽ പേജിൽ പോസ്റ്റ് ചെയ്തു കൊണ്ട് മോഹൻലാൽ തന്നെയാണ് ചിത്രീകരണം പൂർത്തിയായ വിവരം ആരാധകരെയും സിനിമാ പ്രേമികളെയും അറിയിച്ചത്.
ഓഗസ്റ്റ് 31 നാണു ഈ ചിത്രം തീയേറ്ററുകളിൽ എത്തിക്കാൻ പ്ലാൻ ചെയ്യുന്നത്. ഓണത്തിന് കേരളത്തിൽ റിലീസ് ചെയ്യുന്ന ചിത്രങ്ങളിൽ ഏറ്റവും വമ്പൻ റിലീസ് ആയിരിക്കും വെളിപാടിന്റെ പുസ്തകമെന്നു ഉറപ്പാണ്.
ഇതൊരു ബിഗ് ബജറ്റ് ചിത്രമല്ലെങ്കിലും മോഹൻലാൽ എന്ന മലയാള സിനിമയിലെ ഏറ്റവും വലിയ താരത്തിന്റെ സാന്നിധ്യവും ലാൽ ജോസ് എന്ന സംവിധായകന്റെ പേരും ഈ ചിത്രത്തെ ഏറ്റവും അധികം പ്രേക്ഷകർ കാത്തിരിക്കുന്ന ചിത്രവും ഏറ്റവും വലിയ ഓണം റിലീസുമാക്കുന്നു.
മലയാള സിനിമയിലെ ഏറ്റവും വലിയ പ്രൊഡക്ഷൻ കമ്പനിയായ ആശീർവാദ് ആണ് ഈ ചിത്രം നിർമ്മിച്ചിരിക്കുന്നത് എന്നതും ചിത്രത്തിന്റെ വമ്പൻ റിലീസിനെ കുറിച്ചുള്ള സംശയങ്ങൾ ഇല്ലാതാക്കുന്നു. മോഹൻലാൽ മാത്രമല്ല, ജനപ്രിയരായ അനേകം നടീനടന്മാർ ഈ ചിത്രത്തിന്റെ ഭാഗമായിട്ടുണ്ട്.
പ്രശസ്ത നടന്മാരായ അനൂപ് മേനോൻ, സിദ്ദിഖ്, സലിം കുമാർ, ശിവജി ഗുരുവായൂർ, ചെമ്പൻ വിനോദ് , അങ്കമാലി ഡയറീസിലൂടെ പ്രശസ്തനായ ശരത് കുമാർ, ആനന്ദത്തിലൂടെ പോപ്പുലറായ അരുൺ കുര്യൻ എന്നിവർ ഈ ചിത്രത്തിന്റെ ഭാഗമാകുമ്പോൾ , അങ്കമാലി ഡയറീസിലെ നായികയായിരുന്ന അന്ന രാജൻ, പ്രിയങ്ക നായർ, സ്നേഹ ശ്രീകുമാർ എന്നിവരും ഈ ചിത്രത്തിലെ താര നിരയുടെ ഭാഗമാണ്. പ്രശസ്ത സംവിധായകൻ ജൂഡ് ആന്റണി ജോസെഫും ഈ ചിത്രത്തിൽ പ്രധാനപ്പെട്ട ഒരു വേഷം ചെയ്യുന്നുണ്ട്.
മൈക്കൽ ഇടിക്കുള എന്ന കോളേജ് വൈസ് പ്രിൻസിപ്പലിന്റെ വേഷമാണ് മോഹൻലാൽ ഈ ചിത്രത്തിൽ അവതരിപ്പിക്കുന്നത്. അതുപോലെ തന്നെ ഈ ചിത്രത്തിലെ മോഹൻലാലിൻറെ രണ്ടു ഗെറ്റപ്പ്കളും ഇതിനോടകം തന്നെ സോഷ്യൽ മീഡിയയിൽ തരംഗമായി മാറി കഴിഞ്ഞു. ബെന്നി പി നായരമ്പലം രചന നിർവഹിച്ചിരിക്കുന്ന
ഈ ചിത്രത്തിന് സംഗീതമൊരുക്കിയിരിക്കുന്നതു ഷാൻ റഹ്മാനാണ്. വിഷ്ണു ശർമയാണ് വെളിപാടിന്റെ പുസ്തകത്തിനായി ദൃശ്യങ്ങൾ ഒരുക്കിയത്. മാക്സ്‌ലാബ് ഈ ചിത്രം കേരളത്തിൽ വിതരണം ചെയ്യും
കൊച്ചി: ഫുവാദ് പനങ്ങായ് നിർമ്മിച്ച് ഷെബി ചൗഘട്ട് സംവിധാനം ചെയ്ത ‘വേറെ ഒരു കേസ്’ ജാർഖണ്ഡ് നാഷണൽ ഫിലിം ഫെസ്റ്റിവലിലേക്ക്…
മലയാള സിനിമയിലെ എവർഗ്രീൻ ക്ലാസിക്കുകളിലൊന്നായ മോഹൻലാൽ-പ്രിയദർശൻ കൂട്ടുകെട്ടിന്റെ ‘തേന്മാവിൻ കൊമ്പത്ത്’ റീ റിലീസ് ട്രെയ്‌ലർ പുറത്ത്. ചിത്രത്തിൻ്റെ സംവിധായകൻ പ്രിയദർശൻ്റെ…
ഓട്ടം തുള്ളൽ എന്ന പുതിയ ചിത്രത്തിന് പ്രേക്ഷക പിന്തുണ അഭ്യർത്ഥിച്ച് സംവിധായകൻ മാർത്താണ്ഡൻ. ചിത്രത്തിൻ്റെ രചയിതാവും ഇതിലെ നായകനുമായ ബിനു…
കൊച്ചി: ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ ട്രെയ്‌ലർ പുറത്തിറങ്ങി. വിശ്വാസങ്ങൾ, ജ്യോതിഷവുമായി ബന്ധപ്പെട്ട ധാരണകൾ,…
ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ന്റെ ടീസർ പുറത്തിറങ്ങി. നടൻ ടൊവിനോ തോമസിന്റെ ഔദ്യോഗിക സോഷ്യൽ…
ജി. മാർത്താണ്ഡൻ ചിത്രം വിദേശ പ്രേക്ഷകരിലേക്കും; വിതരണാവകാശം സൈബർ സിസ്റ്റംസ് ഓസ്ട്രേലിയക്ക് ജി. മാർത്താണ്ഡൻ സംവിധാനം ചെയ്യുന്ന പുതിയ മലയാള…
This website uses cookies.