ഇപ്പോഴും പ്രേക്ഷകരെ തീയേറ്ററുകളിലേക്കു ആകർഷിക്കുന്നതിൽ അതിന്റെ പേരുകൾ വഹിക്കുന്ന പങ്കു ചില്ലറയൊന്നുമല്ല. വളരെ രസകരമായ , കൗതുകമുണർത്തുന്ന ,ആകാംക്ഷയുണർത്തുന്ന പേരുകൾ ഇപ്പോഴും പ്രേക്ഷകരെ തീയേറ്ററുകളിലേക്കു ആകർഷിക്കാറുണ്ട്. ഇനി ആ പേരുകൾ വളരെ പോപ്പുലർ ആയ ഏതെങ്കിലും ഭാഷ പ്രയോഗം കൂടിയാണെങ്കിൽ അത് കൂടുതൽ കൗതുകമായി മാറും. ഇപ്പോഴിതാ മലയാള സിനിമയിലെ എക്കാലത്തെയും പ്രശസ്തമായ ഡയലോഗുകളിൽ ഒന്ന് പേരാക്കി കൊണ്ട് ഒരു ചിത്രം എത്തുകയാണ്. രാജസേനൻ- ജയറാം കൂട്ടുകെട്ടിൽ പുറത്തിറങ്ങിയ മേലേപ്പറമ്പിൽ ആൺവീട് എന്ന ചിത്രത്തിലെ ജഗതി ചേട്ടൻ പറയുന്ന ഡയലോഗ് ആണ് വേലക്കാരിയായിരുന്നാലും നീയെൻ മോഹവല്ലി എന്നത്. തമിഴത്തിയായ വേലക്കാരി പെണ്ണിനെ വളച്ചെടുക്കാൻ തമിഴ് പഠിക്കുന്ന കഥാപാത്രം ആണ് ജഗതി ചേട്ടൻ ആ രംഗത്ത്. ആ ഡയലോഗ് ആണ് ഇപ്പോൾ രാഹുൽ മാധവ് നായകനായി എത്തുന്ന പുതിയ ചിത്രത്തിന്റെ പേര്.
പ്രശസ്ത തെലുങ്ക് സംവിധായകനായ ഗോവിന്ദ് വരാഹ രചന നിർവഹിച്ചു സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ജി വി ആർ പ്രൊഡക്ഷൻസിന്റെ ബാനറിൽ ജി രാജു ബാബു ആണ്. ഗോവിന്ദ് വരാഹ ആദ്യമായി ഒരുക്കിയ ഈ മലയാള ചിത്രത്തിലെ നായിക ശ്രവ്യ ആണ്. രാഹുൽ മാധവ്, ശ്രവ്യ എന്നിവരെ കൂടാതെ മധു, റിസ ബാവ, നീന കുറുപ്പ്, അസീസ്, പ്രശാന്ത് അലക്സാണ്ടർ, ഗായത്രി മയൂര, ദിശിനി, ദിലീപ്, അർജുൻ എന്നീ നടീനടന്മാരും ഈ ചിത്രത്തിൽ അഭിനയിച്ചിട്ടുണ്ട്. ഒരു കുടുംബ ചിത്രമായും അതുപോലെ തന്നെ രസകരമായ ഒരു പ്രണയ ചിത്രമായും ഒരുക്കിയ ഈ ചിത്രം ഉടൻ പ്രദർശനം ആരംഭിക്കും. മുരളി കൃഷ്ണ, പ്രശാന്ത് അലക്സാണ്ടർ എന്നിവർ ചേർന്ന് സംഭാഷണം എഴുതിയ ഈ ചിത്രത്തിന് സംഗീതം ഒരുക്കിയത് വിശ്വജിത് ആണ്. അതുപോലെ തന്നെ കൃഷ്ണ സാഗർ ഈ ചിത്രത്തിന് ദൃശ്യങ്ങൾ ഒരുക്കിയപ്പോൾ ഈ ചിത്രം എഡിറ്റ് ചെയ്തിരിക്കുന്നത് പ്രശസ്ത എഡിറ്റർ സിയാൻ ശ്രീകാന്ത് ആണ് .
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.