2018 ഇൽ കംപ്ലീറ്റ് ആക്ടർ മോഹൻലാലിനെ നായകനാക്കി വി എ ശ്രീകുമാർ മേനോൻ ഒരുക്കിയ ചിത്രമാണ് ഒടിയൻ. മലയാള സിനിമയുടെ ചരിത്രത്തിലെ തന്നെ ഏറ്റവും വലിയ ഹൈപ്പിൽ എത്തിയ ഈ ചിത്രം വലിയ വിമർശനം ഏറ്റു വാങ്ങിയിരുന്നു. ശ്രീകുമാർ മേനോൻ വലിയ സോഷ്യൽ മീഡിയ ആക്രമണമാണ് ഇതിന്റെ റിലീസിന് ശേഷം നേരിട്ടത്. എന്നിരുന്നാലും മോഹൻലാൽ എന്ന നടന്റെ താരമൂല്യത്തിന്റെ ബലത്തിൽ ഈ ചിത്രം അൻപത് കോടി ക്ലബ്ബിൽ ഇടം പിടിച്ചും ശ്രദ്ധ നേടി. 54 കോടിയോളം ആണ് ഒടിയൻ ബോക്സ് ഓഫീസിൽ നിന്നും നേടിയെടുത്തത്. മഞ്ജു വാര്യർ നായികാ വേഷം ചെയ്ത ഈ ചിത്രത്തിൽ പ്രകാശ് രാജ് ആണ് വില്ലനായി എത്തിയത്. മോഹൻലാലിന്റെ ഒടിയൻ രൂപത്തിലുള്ള പ്രതിമകൾ തീയേറ്ററുകളിൽ സ്ഥാപിച്ചു നടത്തിയ ഇതിന്റെ പ്രൊമോഷൻ ഏറെ ശ്രദ്ധ നേടിയിരുന്നു.
ഇപ്പോഴിതാ ഇപ്പോഴും തന്റെ ചിത്രത്തെ ഇഷ്ടപ്പെടുന്നവർ ഉണ്ടെന്ന് സൂചിപ്പിച്ചു കൊണ്ട് ശ്രീകുമാർ മേനോൻ പങ്കു വെച്ച ചിത്രവും വാക്കുകളും ശ്രദ്ധ നേടുകയാണ്. അദ്ദേഹം ഫേസ്ബുക്ക് പേജിൽ കുറിച്ച വാക്കുകൾ ഇങ്ങനെ, “പാലക്കാട് ഓഫീസിനു മുന്നിൽ ഒടിയൻ നിൽപ്പുണ്ട്. പ്രെമോഷന്റെ ഭാഗമായി തിയറ്ററുകളിൽ സ്ഥാപിച്ച ഒടിയൻ ശിൽപങ്ങളിൽ രണ്ടെണ്ണം. ഒടിയനെ കാണാനും കൂടെ പടമെടുക്കാനും ദിവസവും സന്ദർശകരുണ്ട്. ഇന്നു വന്ന അതിഥികളാണിവർ. പടമെടുക്കാൻ അവർ അനുവാദം ചോദിച്ചു. അവരോട് തിരിച്ച് പടമെടുക്കാനുള്ള അനുവാദവും ഓഫീസിലെ സുഹൃത്തുക്കൾ ചോദിച്ചു. ഒടിയനോടുള്ള സ്നേഹം തുടരുന്നതിൽ നന്ദി..”. ദേശീയ അവാർഡ് ജേതാവും മാധ്യമ പ്രവർത്തകനുമായ ഹരികൃഷ്ണൻ ആണ് ഈ ചിത്രം രചിച്ചത്.
https://www.facebook.com/photo?fbid=497617178395631&set=a.275007370656614
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.