എനിക്കറിയാവുന്ന പെണ്കുട്ടികളിൽ ലെഗ് പ്രസ് എന്നെക്കാൾ ഭാരം കൂട്ടി ചെയ്യുന്ന ആൾ; പ്രശസ്ത നടിയെ കുറിച്ചു ഉണ്ണി മുകുന്ദൻ..!

മലയാള സിനിമയുടെ യുവ താരനിരയിലെ പ്രധാനികളിൽ ഒരാളാണ് ഉണ്ണി മുകുന്ദൻ. ശരീര സൗന്ദര്യം സൂക്ഷിക്കുന്നതിൽ ഏറെ ശ്രദ്ധാലുവായ ഈ നടൻ തന്റെ ഓരോ കഥാപാത്രങ്ങൾക്കും വേണ്ടി നടത്തുന്ന ഫിസിക്കൽ മേക്ക് ഓവറുകൾ ഏറെ ശ്രദ്ധേയമാണ്. ഇപ്പോൾ പുതിയ സിനിമാ നിർമ്മാണ കമ്പനിയും ആരംഭിച്ച ഉണ്ണി മുകുന്ദൻ നായകനായി ഒട്ടേറെ ചിത്രങ്ങൾ ആണ് റിലീസ് ചെയ്യാനുള്ളത്. സോഷ്യൽ മീഡിയയിലും ഏറെ സജീവമാണ് ഉണ്ണി മുകുന്ദൻ. കുറച്ചു ദിവസം മുൻപ് ഉണ്ണി മുകുന്ദൻ ഇട്ട ഒരു ഫേസ്ബുക്ക് പോസ്റ്റ് ഇപ്പോൾ വലിയ രീതിയിലാണ് സോഷ്യൽ മീഡിയയുടെ ശ്രദ്ധ നേടുന്നത്. പ്രശസ്ത നടി ശ്രുതി രാമചന്ദ്രന് ജന്മദിനാശംസകൾ നേർന്ന് കൊണ്ടുള്ള പോസ്റ്റ് ആയിരുന്നു അത്.

ആ പോസ്റ്റിൽ ഉണ്ണി മുകുന്ദൻ കുറിച്ച ഒരു വാചകമാണ് വലിയ രീതിയിൽ ശ്രദ്ധ നേടിയത്. ജിമ്മിൽ ഏറെ നേരം ചിലവഴിക്കുന്ന, മലയാളത്തിന്റെ മസിൽ അളിയൻ എന്നു ആരാധകർ വിശേഷിപ്പിക്കുന്ന ഉണ്ണി മുകുന്ദൻ പറയുന്നത്, തന്നെക്കാൾ കൂടുതൽ ഭാരം ഉപയോഗിച്ചു ജിമ്മിൽ ലെഗ് പ്രസ് ചെയ്യുന്ന, തനിക്കറിയാവുന്ന ഒരേയൊരു പെണ്കുട്ടിയാണ് ശ്രുതി എന്നാണ്. ഏതായാലും തന്റെ സൗന്ദര്യം കൊണ്ടും അഭിനയ മികവ് കൊണ്ടും ഏറെ പ്രേക്ഷകരെ ആകർഷിച്ചിട്ടുള്ള ഈ നടിയെ കുറിച്ചുള്ള ഈ പുതിയ വിവരം വലിയ രീതിയിലാണ് സോഷ്യൽ മീഡിയ സ്വീകരിച്ചത്. പ്രേതം, സൺഡേ ഹോളിഡേയ്, ഞാൻ എന്നീ ചിത്രങ്ങളിലെ പ്രകടനത്തിലൂടെ ഏറെ ശ്രദ്ധ നേടിയ ശ്രുതിയുടെ ഇനി വരാനുള്ള ചിത്രങ്ങൾ, ജോജു ജോർജ് നായകനായ മധുരം, ബോബി- സഞ്‌ജയ്‌ രചിച്ച കാണേക്കാണേ എന്നിവയാണ്. ചാണക്യ തന്ത്രം, കമല, അന്വേഷണം എന്നീ ചിത്രങ്ങളിലും ശ്രുതി അഭിനയിച്ചിട്ടുണ്ട്.