വീണ്ടും ആരാധകനെ ഞെട്ടിച്ച് ഉണ്ണി മുകുന്ദന്റെ മാസ്സ് മറുപടി

മലയാളത്തിലെ യുവ താരങ്ങളിൽ ഏറ്റവും പോപ്പുലർ ആയ നടന്മാരിൽ ഒരാൾ ആണ് ഉണ്ണി മുകുന്ദൻ. തന്റെ സൗന്ദര്യം കൊണ്ടും അഭിനയ മികവ് കൊണ്ടും ഒട്ടേറെ ആരാധകരെ നേടിയെടുത്ത ഉണ്ണി മുകുന്ദൻ മസിൽ അളിയൻ എന്ന പേരിലും സിനിമാ പ്രേമികൾക്കു ഇടയിൽ പ്രശസ്തനാണ്. തന്റെ ശരീര സൗന്ദര്യം കാത്തു സൂക്ഷിക്കുന്നതിൽ അത്രമേൽ ശ്രദ്ധാലു ആണ് ഈ നടൻ. സോഷ്യൽ മീഡിയയിൽ ഏറെ സജീവമായ ഉണ്ണി മുകുന്ദൻ ആരാധകരുമായി നിരന്തരം സംസാരിക്കാറും ഉണ്ട്. ഇപ്പോഴിതാ തനിക്കൊപ്പം ഉള്ള എഡിറ്റഡ് ഫോട്ടോ ഇട്ടു ഒന്ന് നേരിൽ കാണാൻ അവസരം തരുമോ എന്ന് ചോദിച്ച രാജീവ് രവീന്ദ്രൻ എന്ന ആരാധകനോട് ഉണ്ണി മുകുന്ദൻ പറഞ്ഞ മറുപടി സോഷ്യൽ മീഡിയയിൽ സൂപ്പർ ഹിറ്റായി മാറി കഴിഞ്ഞു.

പറ്റുമെങ്കിൽ താൻ ഇപ്പോൾ അഭിനയിക്കുന്ന മേപ്പടിയാൻ എന്ന സിനിമയുടെ ഈരാറ്റുപേട്ടയിൽ ഉള്ള ലൊക്കേഷനിൽ വരാനും അവിടെ വെച്ച് ഒരുമിച്ചു ഫോട്ടോ എടുക്കാം എന്നുമാണ് ഉണ്ണി ആരാധകനോട് പറഞ്ഞത്. പതിനെട്ടാം തീയതി കഴിഞ്ഞു വന്നാൽ മതി എന്നും ഇനി മുതൽ തനിക്കൊപ്പം ഉള്ള എഡിറ്റഡ് ഫോട്ടോ ഇടാതെ ഒപ്പമുള്ള ഒർജിനൽ ഫോട്ടോ തന്നെ ഇടാം എന്ന് പറഞ്ഞു ഉണ്ണി മുകുന്ദൻ ആരാധകരുടേയും സിനിമാ പ്രേമികളുടെയും കയ്യടി നേടിക്കഴിഞ്ഞു. ഉണ്ണി മുകുന്ദന്റെ കരിയറിലെ തന്നെ ഏറ്റവും വലിയ ചിത്രങ്ങളിൽ ഒന്നാണ് അദ്ദേഹം ഇപ്പോൾ അഭിനയിക്കുന്ന മേപ്പടിയാൻ. മമ്മൂട്ടി നായകനായി എത്തുന്ന മാമാങ്കം എന്ന ചിത്രത്തിലും പ്രധാന കഥാപത്രത്തെ അവതരിപ്പിച്ചിട്ടുണ്ട് ഉണ്ണി മുകുന്ദൻ. മാമാങ്കം ഈ വരുന്ന പന്ത്രണ്ടിന് റിലീസ് ചെയ്യും.