[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

നടനും താരവും; കഥാപാത്ര വൈവിധ്യങ്ങളിലൂടെ ഉണ്ണി മുകുന്ദൻ.

ഉണ്ണി മുകുന്ദൻ എന്ന, മലയാള സിനിമയിലെ യുവ താരം, ഏറ്റവും അവസാനം റിലീസ് ചെയ്ത മേപ്പടിയാൻ എന്ന ചിത്രത്തിന്റെ വിജയത്തോടെ ഒരു മികച്ച താരം എന്ന നിലയിലും മികച്ച നടൻ എന്ന നിലയിലും തന്റെ സ്ഥാനം മലയാള സിനിമയിൽ അരക്കിട്ടുറപ്പിച്ചിരിക്കുകയാണ്. എന്നാൽ ഉണ്ണി മുകുന്ദൻ എന്ന നടൻ മലയാളത്തിലെ വേണ്ടത്ര അംഗീകാരമോ പരിഗണനയോ കിട്ടാത്ത ഒരു നടൻ കൂടിയാണെന്ന് കൂട്ടിച്ചേർക്കേണ്ടി വരും. പ്രതിഭാധനനായ ഈ നടന്റെ കഴിവുകളെ മലയാള സിനിമ ഇനിയും വേണ്ടവിധം ഉപയോഗിച്ചിട്ടില്ല എന്നതാണ് സത്യം. മേപ്പടിയാനിലെ ജയകൃഷ്ണൻ എന്ന കഥാപാത്രമായി നടത്തിയ പ്രകടനം, വൈകാരിക തീവ്രതയുള്ള കഥാപാത്രങ്ങളെ ഈ നടന് എത്ര മനോഹരമായി പകർന്നാടാൻ കഴിയുമെന്ന് നമ്മുക്ക് കാണിച്ചു തരുന്നുണ്ട്. എന്നാൽ അത് മാത്രമല്ല ഉണ്ണി മുകുന്ദൻ എന്ന നടന്റെ മികവ്. ഈ കലാകാരന്റെ ഉള്ളിലെ പ്രതിഭ, മലയാള സിനിമയുടെ യുവതലമുറയിലെ വേർസറ്റയിൽ ആയ നടന്മാരുടെ ലിസ്റ്റിലേക്ക് കൂടി ഈ നടനെ ചേർത്ത് വെക്കാനുതകുന്നതാണ്.

ഭ്രമം എന്ന ചിത്രത്തിലെ ദിനേശ് പ്രഭാകർ എന്ന കഥാപാത്രമായി വളരെ മനോഹരമായാണ് ഉണ്ണി മുകുന്ദൻ കോമഡി കൈകാര്യം ചെയ്തത്. അതിലെ ഉണ്ണിയുടെ കോമഡി ടൈമിങ്ങും ഏറെ ശ്രദ്ധിക്കപ്പെട്ട ഒന്നാണ്. അതുപോലെ വ്യത്യസ്ത തലങ്ങളിൽ നിൽക്കുന്ന കഥാപാത്രങ്ങളെ ഈ നടൻ വളരെയധികം വിശ്വസനീയമായി ചെയ്തു ഫലിപ്പിച്ചിട്ടുണ്ട്. മല്ലു സിങ്ങിലെ ഹരി നാരായണൻ ആയി ഗംഭീരമായി ആക്ഷൻ പ്രകടനം കാഴ്ച വെച്ച ഇതേ നടൻ ആണ് ബോംബെ മാർച്ച് 12 എന്ന തന്റെ ആദ്യ മലയാള ചിത്രത്തിലെ വൈകാരിക തീവ്രതയുള്ള ഷാജഹാനെയും അവതരിപ്പിച്ചത്. കെ എൽ 10 പത്ത് എന്ന ചിത്രത്തിലെ അഹമ്മദ് ആയി ഒരു റൊമാന്റിക് കോമഡി ചിത്രത്തിലും തിളങ്ങിയ ഇതേ ഉണ്ണി മുകുന്ദൻ മിഖായേൽ എന്ന ചിത്രത്തിലെ മാർക്കോ ജൂനിയർ എന്ന ക്രൂരനായ വില്ലനായി വമ്പൻ കയ്യടി നേടുന്നതും നമ്മൾ കണ്ടു.

വിക്രമാദിത്യൻ എന്ന ചിത്രത്തിലെ വിക്രം ഷേണായ് എന്ന ഉണ്ണി മുകുന്ദൻ കഥാപാത്രത്തിനും ആരാധകർ ഏറെ. ഇത്ര വ്യത്യസ്തമായ കഥാപാത്രങ്ങൾ മനോഹരമായി തന്നെ അഭിനയിച്ചു ഫലിപ്പിച്ച ഈ നടനെ ഒരിക്കലും കണ്ടില്ല എന്ന് നടിക്കാൻ പ്രേക്ഷകർക്കും ആവില്ല, മലയാള സിനിമക്കുമാവില്ല. കാരണം തനിക്കു തരുന്ന ഏതു കഥാപാത്രത്തിനും പൂർണ്ണത നൽകാനുള്ള കഴിവുള്ള, പരിശ്രമം എടുക്കാനുള്ള മനസ്സുള്ള ഒരാൾക്ക് നേരെ, പ്രതിഭയുള്ളവരെ ഹൃദയം കൊണ്ട് സ്വീകരിച്ചിട്ടുള്ള മലയാളി പ്രേക്ഷകർ മുഖം തിരിക്കില്ല എന്നത് മേപ്പടിയാനിലൂടെ അവർ നമ്മുക്ക് കാണിച്ചു തന്നു കഴിഞ്ഞു. അത്കൊണ്ട് തന്നെ ഉണ്ണി മുകുന്ദൻ എന്ന താരശരീരത്തിലെ ആ ഗംഭീര നടനെ കൂടി ആഘോഷിക്കുന്ന നാളുകളാവട്ടെ ഇനി മലയാള സിനിമയിൽ വരാനിരിക്കുന്നത്.

webdesk

Recent Posts

വിദ്യാർത്ഥികൾ വിദേശത്തേക്ക് പോകും മുമ്പ് “യുണൈറ്റഡ് കിങ്ഡം ഓഫ് കേരള” (UKOK) ഒന്ന് കാണുക : ബഹുമാനപ്പെട്ട എം.പി N.Kപ്രേമചന്ദ്രൻ

ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…

4 days ago

കേരളത്തിന്റെ കഥ പറയുന്ന യുണൈറ്റഡ് കിങ്ഡം ഓഫ് കേരള; റിവ്യൂ വായിക്കാം

ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…

1 week ago

യുവപ്രേക്ഷകരെ ആവേശം കൊള്ളിക്കാൻ യുണൈറ്റഡ് കിങ്‌ഡം ഓഫ് കേരളം ഇന്ന് മുതൽ

പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…

1 week ago

UK.OK (യുണൈറ്റഡ് കിങ്ഡം ഓഫ് കേരള) നാളെ മുതൽ തീയേറ്ററുകളിൽ ,ഓൺലൈൻ ബുക്കിംഗ് ആരംഭിച്ചു

രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…

1 week ago

മാത്യു തോമസ് നായകനാകുന്ന ‘നൈറ്റ് റൈഡേഴ്സ്’; നെല്ലിക്കാംപൊയിൽ എന്ന ഗ്രാമത്തിലെ കഥ; ഫസ്റ്റ് ലുക്ക് പോസ്റ്റർ പുറത്തിറങ്ങി.

എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…

2 weeks ago

“ഡിഡി നെക്സ്റ്റ് ലെവൽ”തമിഴ്, തെലുങ്ക്, മലയാളം, കന്നഡ ഭാഷകളിൽ, ജൂൺ 13 മുതൽ ZEE5 ഇൽ സ്ട്രീം ചെയ്യുന്നു “

എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…

2 weeks ago

This website uses cookies.