മോഹൻലാൽ – രഞ്ജിത് ടീം എത്തുന്നത് കോമഡി എന്റെർറ്റൈനെറുമായി; ചിത്രത്തിന്റെ പേരും രസകരമെന്നു സൂചന..!

മലയാളികൾ എന്നും ഓർത്തിരിക്കുന്ന ഒരുപിടി ഗംഭീര ചിത്രങ്ങൾ നമ്മുക്ക് സമ്മാനിച്ച കൂട്ടുകെട്ടാണ് മോഹൻലാൽ- രഞ്ജിത് ടീം. തിരക്കഥാകൃത്തു എന്ന നിലയിലും സംവിധായകൻ എന്ന നിലയിലും മോഹൻലാലിനൊപ്പം രഞ്ജിത് ചേർന്നപ്പോൾ മലയാളികൾക്ക് കിടിലൻ ചിത്രങ്ങൾ ലഭിച്ചിട്ടുണ്ട്. കൂടുതലും ആക്ഷൻ ചിത്രങ്ങൾ ആണ് ഇവർ നമ്മുക്ക് സമ്മിച്ചിട്ടുള്ളത് എങ്കിലും സ്പിരിറ്റ് പോലത്തെ ക്ലാസിക് സിനിമകളും ഈ കൂട്ടുകെട്ടിൽ പിറന്നിട്ടുണ്ട്. ഇപ്പോൾ ഒരിക്കൽ കൂടി ഇവർ ഒന്നിച്ചുള്ള സിനിമയുടെ ചിത്രീകരണം നടക്കുകയാണ്. ലണ്ടനിൽ ചിത്രീകരണം പുരോഗമിക്കുന്ന ഈ ചിത്രത്തെ കുറിച്ച് കൂടുതൽ വിവരങ്ങൾ ഒന്നും ഇതുവരെ പുറത്തു വിട്ടിട്ടില്ല എങ്കിലും അനൗദ്യോഗികം ആയി ലഭിക്കുന്ന ചില റിപ്പോർട്ടുകൾ പറയുന്നത് ഒരു പക്കാ കോമഡി എന്റെർറ്റൈനെർ ആയാണ് രഞ്ജിത് ഈ ചിത്രം ഒരുക്കുന്നതെന്നാണ്.

ഈ ചിത്രത്തിന്റെ പേര് പോലും ഇതുവരെ പുറത്തു വിട്ടിട്ടില്ല എങ്കിലും ലണ്ടനിൽ നിന്നുള്ള റിപ്പോർട്ടുകൾ പറയുന്നത് റസ്റ്റ് ഇൻ പീസ് എന്നാണ് ഈ ചിത്രത്തിന്റെ പേര് എന്നാണ്. ലണ്ടനിൽ ഉള്ള തന്റെ ബന്ധുക്കൾക്കൊപ്പം താമസിക്കാൻ എത്തുന്ന ഒരു വൃദ്ധ അവിടെ വെച്ച് മരിക്കുന്നു. പിന്നീട് അവിടെ നടക്കുന്ന സംഭവങ്ങളുടെ വളരെ രസകരമായ ആവിഷ്ക്കാരമാണ് ഈ ചിത്രം എന്നാണ് അറിയാൻ കഴിയുന്നത്. വളരെ ലിമിറ്റഡ് സ്‌പേസിൽ നിന്ന് കഥ പറയുന്ന കോമഡി എന്റെർറ്റൈനെർ ആണിതെന്നു സൂചനയുണ്ട്. അത്തരം ചിത്രങ്ങളിൽ ഗംഭീര കോമഡി പെർഫോമൻസ് കാഴ്ച വെച്ചിട്ടുള്ള നടനാണ് മോഹൻലാൽ.. മലയാളത്തിൽ ആദ്യമായി പത്തുകോടി രൂപ കളക്ഷൻ നേടി ഇൻഡസ്ട്രി ഹിറ്റായി മാറിയ മോഹൻലാൽ- പ്രിയദർശൻ ചിത്രം ചന്ദ്രലേഖ ഇത്തരത്തിൽ കഥ പറഞ്ഞ ഒരു ചിത്രമാണ്. വീണ്ടും ചന്ദ്രലേഖ മോഡൽ ചിത്രമാണ് വരുന്നതെങ്കിൽ അത് മോഹൻലാൽ ആരാധകർക്കും സിനിമാ പ്രേമികൾക്കും ഒരുത്സവമായി മാറും എന്നുറപ്പാണ്.