പ്രേക്ഷകർക്കായി വ്യത്യസ്തമായ ഒരു മത്സരവുമായി രംഗത്തെത്തിയിരിക്കുകയാണ് ‘ആന അലറലോടലറൽ’ എന്ന ചിത്രത്തിന്റെ അണിയറപ്രവർത്തകർ. ഫേസ്ബുക്കിൽ ലൈവ് വന്നതിന് ശേഷം ‘ആന അലറലോടലറൽ’ എന്ന് ഏറ്റവും കൂടുതൽ സമയം തെറ്റാതെ പറയാൻ കഴിയുന്നവരെ കണ്ടെത്താനാണ് ടീം ശ്രമിക്കുന്നത്. വിജയിക്ക് ഐ ഫോൺ 6 ആണ് സമ്മാനമായി നൽകുന്നത്. #AanaAlaralodalaral എന്ന ഹാഷ് ടാഗിനൊപ്പം ആയിരിക്കണം വീഡിയോ പോസ്റ്റ് ചെയ്യേണ്ടതെന്ന് നായകനായ വിനീത് ശ്രീനിവാസൻ വ്യക്തമാക്കുന്നു . ഇതിന്റെ ഭാഗമായി രസകരമായ ഒരു വീഡിയോയും ‘ആന അലറലോടലറൽ’ ടീം തങ്ങളുടെ ഒഫീഷ്യൽ ഫേസ്ബുക്ക് പേജിൽ പോസ്റ്റ് ചെയ്തിട്ടുണ്ട്.
നവാഗതനായ ദിലീപ് മേനോന് സംവിധാനം ചെയ്യുന്ന ചിത്രമാണ് ‘ആന അലറലോടലറൽ’. സിനിമയിലുടനീളം കേന്ദ്രകഥാപാത്രമായി ആന നിറഞ്ഞുനില്ക്കുന്നുവെന്നതാണ് ഈ ചിത്രത്തിന്റെ പ്രത്യേകത. ഹാഷിം എന്ന ചെറുപ്പക്കാരനും ഗ്രാമത്തിലെത്തുന്ന ആനയും തമ്മിലുള്ള സൗഹൃദമാണ് ‘ആന അലറലോടലറലി’ന്റെ ഇതിവൃത്തം. അനു സിത്താരയാണ് ചിത്രത്തിലെ നായിക.
വിജയരാഘവന്, സുരാജ് വെഞ്ഞാറമൂട്, മാമൂക്കോയ, ശ്രീജിത്ത് രവി, ധർമജൻ ബോൾഗാട്ടി, ഹാരിഷ് കണാരന്, വിശാഖ് നായര്, തെസ്നി ഖാൻ, മഞ്ജു വാണി, എന്നിവർ മറ്റ് കഥാപാത്രങ്ങളെ അവതരിപ്പിക്കുന്നു. ഗ്രാമീണ പശ്ചാത്തലത്തില് ഒരുങ്ങുന്ന ആക്ഷേപ ഹാസ്യ ചിത്രത്തിന്റെ തിരക്കഥ ശരത് ബാലനാണ്. പോയട്രി ഫിലിംസിന്റെ ബാനറില് സിബി തോട്ടുംപുറം, നേവിസ് സേവ്യര് എന്നിവരാണ് നിര്മ്മാണം. മനു മഞ്ജിത്തിന്റെ വരികൾക്ക് ഈണം നൽകുന്നത് ഷാൻ റഹ്മാനാണ്
പനോരമ സ്റ്റുഡിയോസ് തങ്ങളുടെ മലയാള സിനിമകളുടെ വിതരണത്തിനായി മലയാള സിനിമയിലെ പ്രശസ്ത ബാനറായ സെഞ്ചുറി ഫിലിംസുമായി ദീർഘകാല പങ്കാളിത്തം പ്രഖ്യാപിച്ചു.…
മലയാള സിനിമയിൽ ഇതിനോടകം തന്നെ വലിയ പ്രതീക്ഷകൾക്ക് വഴിതുറന്ന 'ആശാൻ' എന്ന ചിത്രം വിതരണത്തിനെടുത്ത് ദുൽക്കർ സൽമാന്റെ പ്രമുഖ നിർമ്മാണ-വിതരണ…
പ്രേക്ഷകർ ഏറെ ആകാംഷയോടെ കാത്തിരുന്ന സിനിമയാണ്, അഖിൽ സത്യൻ- നിവിൻ പോളി കൂട്ടുകെട്ടിൽ ഒരുങ്ങിയ ഫാന്റസി ഹൊറർ കോമഡി ചിത്രം…
നടിയെ ആക്രമിച്ച കേസിൽ എട്ടു വർഷത്തിന് ശേഷം വിധി. കേസിലെ ഒന്ന് മുതൽ ആറ് വരെ പ്രതികളെ കുറ്റക്കാർ എന്ന്…
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
This website uses cookies.