ടോവിനോ തോമസിന്റെ കരിയറിലെ ഏറ്റവും വലിയ ഹിറ്റിലേക്ക് കുതിക്കുകയാണ് ഓണം റിലീസായി പ്രേക്ഷകരുടെ മുന്നിലെത്തിയ അജയന്റെ രണ്ടാം മോഷണം. നവാഗതനായ ജിതിൻ ലാൽ ഒരുക്കിയ ഈ ഫാന്റസി ആക്ഷൻ ത്രില്ലർ ചിത്രം ബോക്സ് ഓഫീസിൽ ഗംഭീര പ്രകടനമാണ് നടത്തുന്നത്. എല്ലാത്തരം പ്രേക്ഷകരും ഒരുപോലെ സ്വീകരിക്കുന്ന ഈ ചിത്രം ടോവിനോ തോമസിന്റെ ആദ്യത്തെ അൻപത് കോടി, 100 കോടി ഗ്രോസർ ആയി മാറുമോ എന്നറിയാനുള്ള ആകാംക്ഷയിലാണ് ആരാധകർ.
ചിത്രം റിലീസ് ചെയ്ത് ആദ്യ വീക്കെൻഡ് പിന്നിടുമ്പോൾ, ട്രേഡ് അനലിസ്റ്റുകളുടെ കണക്കുകൾ പ്രകാരം ഈ ചിത്രം നേടിയ ആഗോള ഗ്രോസ് 32 കോടിക്കും മുകളിലാണ്. കേരളത്തിൽ നിന്ന് മാത്രം 13 കോടിക്ക് മുകളിലാണ് ഈ ചിത്രം നാല് ദിവസം കൊണ്ട് നേടിയത്. ചിത്രത്തിന്റെ ഏറ്റവും വലിയ സിംഗിൾ ഡേ ഗ്രോസ് വന്നത് ആദ്യത്തെ ഞായറാഴ്ച്ചയാണ്. ആദ്യ കണക്കെടുപ്പുകൾ പ്രകാരം ആദ്യ ഞായറാഴ്ച ഈ ചിത്രം നേടിയത് 9 കോടിക്കും മുകളിലാണ്. ഓണം വെക്കേഷൻ കഴിയുമ്പോഴേക്കും 50 കോടി ആഗോള ഗ്രോസും പിന്നിട്ട് ടോവിനോ തോമസിന്റെ കരിയറിലെ ഏറ്റവും വലിയ സോളോ ഹിറ്റായി അജയന്റെ രണ്ടാം മോഷണം മാറുമെന്നുറപ്പായിക്കഴിഞ്ഞു.
ടോവിനോയുടെ ഈ അൻപതാം ചിത്രം നിർമ്മിച്ചിരിക്കുന്നത് മാജിക് ഫ്രെയിംസ്, യു.ജി.എം മോഷൻ പിക്ചേഴ്സ് എന്നീ ബാനറുകളിൽ ലിസ്റ്റിൻ സ്റ്റീഫൻ, ഡോ. സക്കറിയ തോമസ് എന്നിവർ ചേർന്നാണ്. അദ്ദേഹം മൂന്നു കഥാപാത്രങ്ങൾക്ക് ജീവൻ പകർന്ന ഈ ചിത്രം രചിച്ചത് സുജിത് നമ്പ്യാർ ആണ്. ടു ഡിയിലും ത്രീഡിയിലുമാണ് ഈ ചിത്രം പ്രേക്ഷകരുടെ മുന്നിലെത്തിയിരിക്കുന്നത്.
മാധ്യമ രംഗത്ത് നിന്ന് സൗത്ത് ഇന്ത്യൻ സിനിമാ മേഖലയിലെ പി ആർ ഓ മേഖലയിൽ തിളങ്ങുന്ന പ്രതീഷ് ശേഖർ ആദ്യമായി…
കൊച്ചി : ഇന്ത്യൻ സിനിമ ആദ്യമായി ഒരു 3ഡി ചിത്രം അനുഭവിച്ചറിഞ്ഞത് മൈ ഡിയർ കുട്ടിച്ചാത്തൻ എന്ന മലയാള സിനിമയിലൂടെയായിരുന്നു.…
ജയ ജയ ജയ ജയഹേ എന്ന സൂപ്പർ ഹിറ്റിന് ശേഷം സംവിധായകൻ വിപിൻ ദാസ് ഒരുക്കിയ ചിത്രമായിരുന്നു ഗുരുവായൂരമ്പല നടയിൽ.…
മലയാളത്തിന്റെ യുവതാരങ്ങളിലൊരാളായ പ്രണവ് മോഹൻലാൽ തെലുങ്കിലേക്ക് എന്ന് സൂചന. ഹൃദയം, വർഷങ്ങൾക്ക് ശേഷം എന്നീ ബ്ലോക്ക്ബസ്റ്റർ ചിത്രങ്ങൾക്ക് ശേഷം പ്രണവ്…
ഏതാനും ദിവസം മുൻപാണ് മലയാള സിനിമയിൽ ഒരു പുതിയ ചലച്ചിത്ര കൂട്ടായ്മ ഉടലെടുക്കുന്ന വിവരം പുറത്ത് വന്നത്. മലയാള സിനിമയിലെ…
ഇത്തവണ ഓണത്തിന് കേരളാ ബോക്സ് ഓഫീസിൽ യുവതാര യുദ്ധമാണ് കാണാൻ സാധിക്കുന്നത്. ടോവിനോ തോമസ് നായകനായ അജയന്റെ രണ്ടാം മോഷണം,…
This website uses cookies.